BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اتىراۋدا " ۇلى دالا جاۋھارلارى" كورمەسى اشىلدى

اتىراۋ، baq.kz. كورمەدە 100-دەن اسا قۇندى زاتتاردىڭ شىنايى ٴتۇپنۇسقالارى، ارتەفاكتىلەر ٴتۇپنۇسقالارى، التىن مەن كۇمىستەن جاسالعان زەرگەرلىك بۇيىمدار، ەكسپوناتتارى قويىلعان، دەپ xابارلايدى اتىراۋ وبلىسىنىڭ وڭىرلىك كوسمۋنيكاسيالار قىزمەتى.

مۇنايلى ولكەدە ەلباسىنىڭ " ۇلى دالانىڭ جەتى قىرى" ماقالاسى اياسىندا ش. ساريەۆ اتىنداعى كوركەمسۋرەت جانە قولدانبالى-ساندىك ونەر مۋزەيىندە توپتاماشى-ەتنوگراف، قر ەڭبەك سىڭىرگەن قايراتكەرى باھارگۇل تولەگەننىڭ 3 كۇندىك جەكە كورمەسىنىڭ اشىلۋ سالتاناتى ٴوتتى.

وبلىس اكىمى نۇرلان نوعايەۆ كورمە لەنتاسىن قيىپ، بارشا قالا تۇرعىندارى مەن قوناقتارىن كورمەنى تاماشالاۋعا شاقىردى.

"ىسكە اسىپ جاتقان شارالاردىڭ بارلىعى ۇلى دالانى مەكەندەگەن اتا-بابالارىمىزدىڭ تاريxىنان سىر شەرتىپ، قازىرگى جاھاندانۋ، اقپاراتتاندىرۋ زامانىنداعى ۇمىت بولىپ بارا جاتقان ٴداستۇرىمىزدى، ادەت-عۇرپىمىزدى ،قۇرال سايماندار، اشەكەيلەر مەن قۇندى دۇنيەلەردى ەسكە تۇسىرۋگە باعىتتالعان. بۇگىنگى كورمە دە سونىڭ ٴبىر دالەلى. ٴوز اتىمنان باھارگۇل xانىمعا ريزاشىلىعىمدى بىلدىرەمىن. كورمەنى كورۋگە كەلگەن ٴاربىر اتىراۋلىق وزىنە كەرەك، قۇندى ماعلۇماتتارمەن تانىسىپ، بۇرىن بىلەتىن اقپاراتتار اياسىن كەڭەيتىپ، بۇرىن-سوڭدى كورمەگەن جادىگەرلەر تاريxىمەن تانىسۋعا مۇمكىنشىلىك الاتىنىنا سەنىمدىمىن"،- دەيدى وبلىس اكىمى.

اتالعان كورمە اتىراۋدا العاش رەت ۇيىمداستىرىلىپ وتىر. وسىعان دەيىن الماتى جانە استانا قالالارىندا بىرنەشە رەت وتكىزىلگەن.

"حالقىمىزدىڭ ٴسالت-داستۇرى مەن ۇلتتىق ونەرىن، مادەنيەتى مەن ادەبيەتىن تاني بىلەتىن جانە ونى قۇرمەتتەيتىن كيەلى دە قازىنالى اتىراۋ وڭىرىنە قوش كەلدىك. تۋىندىلارىمىزدى كورىپ باعالاسىن دەگەن ويمەن بۇگىنگى كورمەنى ۇيىمداستىرىپ وتىرمىز. وسى شارانى ۇيىمداستىرۋعا قولداۋ كورسەتكەن وبلىس اكىمدىگىنە العىسىم شەكسىز. "ادەمى-اي" كومپانياسى 20 جىلعا جۋىق ۋاقىت ىشىندە ۇلت قۇندىلىعىن ساقتاۋ جولىندا ەڭبەك ەتىپ كەلەدى. بۇگىنگى ماقسات - جاستاردىڭ كورمە جادىگەرلەرىمەن تانىسىپ، بابالار اماناتىن كەيىنگى ۇرپاققا جەتكىزۋىنە جاعداي جاساۋ"،- دەيدى باھارگۇل تولەگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي