BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

استانادا كونفەسسياارالىق ديالوگ ماسەلەلەرى تالقىلانۋدا

استانا، baq.kz. ەلوردادا «قازاقستاننىڭ وركەنيەتارالىق جانە كونفەسسياارالىق ديالوگقا قوسقان ۇلەسى» اتتى كونفەرەنسيا باستالدى.

كونفەرەنسياعا ۋاكىلەتتى مەملەكەتتىك ورگانداردىڭ باسشىلارى، قازاقستاننىڭ ديپلوماتيالىق كورپۋس جانە ٴدىني بىرلەستىكتەرىنىڭ وكىلدەرى، عىلىمي-ساراپتامالىق قوعامداستىق پەن مادەنيەتارالىق جانە كونفەسسياارالىق ديالوگ ماسەلەلەرىمەن اينالىساتىن ۇكىمەتتىك ەمەس ۇيىمدار قاتىسۋدا.

شارادا ٴسوز العان مادەنيەتتەر جانە دىندەر حالىقارالىق ورتالىعىنىڭ ديرەكتورى ايدار ٴابۋوۆ كونفەرەنسيا قوناقتارىن الدا كەلە جاتقان تاۋەلسىزدىك كۇنىمەن قۇتتىقتاپ، ەلىمىز بەيبىتشىلىك پەن كەلىسىم قاعيداتتارىنا نەگىزدەلگەن قوعامنىڭ ەرەكشە ۇلگىسىن قۇرعانىن اتاپ ٴوتتى.

«بۇگىن قازاقستاننىڭ تابىسى، جاۋاپتى ٴارى سەنىمدى سەرىكتەستىك رەتىندە الەمدىك قاۋىمداستىقپەن مويىندالعان. مەملەكەت تاۋەلسىزدىگىنىڭ 27 جىلىندا قازاقستان ٴوزىنىڭ دامۋ جولىن اشىپ، ەتنوسارالىق جانە كونفەسسياارالىق بەيبىتشىلىك پەن كەلىسىم قاعيداتتارىنا نەگىزدەلگەن قوعامنىڭ وزىندىك ەرەكشە ۇلگىسىن قۇردى»،- دەدى ول.

ايتا كەتەيىك، كونفەرەنسيا بارىسىندا كونفەسسياارالىق قاتىناستار سالاسىنداعى وزەكتى ماسەلەلەر، قازاقستاننىڭ كونفەسسياارالىق جانە ەتنوسارالىق تاجىريبەسىنىڭ بىرەگەي مودەلى، الەمدىك جانە ٴداستۇرلى دىندەر كوشباسشىلارى سەزىنىڭ سۇحبات الاڭىنىڭ تاجىريبەسى، سونداي-اق، «ماڭگىلىك ەل» جالپىۇلتتىق يدەياسىنىڭ نەگىزىندە قازاقستاندىق بىرەگەيلىكتى نىعايتۋ ماسەلەلەرى تالقىلانىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي