BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

استانادا "التىن دومبىرا" ايتىسى وتەدى

استانا، baq.kz. ەلوردادا «استانام، سەنسىڭ ايبارىم» اتتى ٴداستۇرلى "التىن دومبىرا" رەسپۋبليكالىق اقىندار ايتىسى وتەدى. بۇل تۋرالى «ايتىس اقىندارى مەن جىرشى-تەرمەشىلەردىڭ حالىقارالىق وداعى» رەسپۋبليكالىق قوعامدىق بىرلەستىگى حابارلادى.

استانادا قر مادەنيەت جانە سپورت مينيسترلىگىنىڭ ۇيىمداستىرۋىمەن ەلوردامىزدىڭ 20 جىلدىعىنا جانە تاۋەلسىزدىك مەرەكەسىنە ارنالعان «استانام، سەنسىڭ ايبارىم!» اتتى رەسپۋبليكالىق اقىندار ايتىسى وتەدى.

بيىل ٴ7-شى رەت وتەتىن «التىن دومبىرا» ايتىسىنا جىل بويى وتكەن دودالاردىڭ جەڭىمپازدارى ايبەك قاليەۆ، رينات زايتوۆ، رۇستەم قايىرتاي ۇلى، مۇحتار نيازوۆ، اسپانبەك شۇعاتايەۆ، ەركەبۇلان قاينازاروۆ، جانسايا مۋسينا، مەيىربەك سۇلتانحان، اسەم ەرەجەقىزى، ماقسات اقانوۆ، بولاتبەك ورازبايەۆ، ديدار قاميەۆ، تولەگەن جامانوۆ، تىلەگەن ٴادىلوۆ، نۇرمات مانسۇروۆ، شالقارباي ٴىزباساروۆ، قازىرەت بەردىحان، سىرىم ادىلبەك، سەرىك قۋانعان سىندى ازۋلى اقىندار قاتىسادى.

جىر دوداسىن «ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ» باسقارما ٴتوراعاسى ٴجۇرسىن ەرمان جۇرگىزەدى.

ايتىس 16-17 جەلتوقسان كۇندەرى «قازاقستان» ورتالىق كونسەرت زالىندا وتەدى. ەكى كۇندە دە ساعات 15:00-دە باستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي