BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

استانادا احمەتجان قاليوللانىڭ «ميف. ەپوس. تاريح» اتتى جەكە كورمەسى وتەدى

استانا، baq.kz. 2018 جىلدىڭ 13 جەلتوقسان كۇنى قر قك اسكەري-تاريحي مۋزەيىندە رەسپۋبليكامىزعا بەلگىلى سۋرەتشى جانە ەتنوگراف، قارۋ زەرتتەۋشى عالىم، قازاقستان سۋرەتشىلەر وداعىنىڭ مۇشەسى، تاريح عىلىمدارىنىڭ كانديداتى، قر مادەنيەت قايراتكەرى احمەتجان قاليوللا سامات ۇلىنىڭ «ميف. ەپوس. تاريح» اتتى جەكە كورمەسى وتەدى.

قاليوللا سامات ۇلى كوپتەگەن قالالىق، توپتىق، رەسپۋبليكالىق جانە شەتەلدىك كوركەمسۋرەت كورمەلەرىنە (چەحوسلوۆاكيا، ەفيوپيا، وڭتۇستىك كورەيا، گەرمانيا، تۇركيا، اقش-تا وتكەن قازاقستان سۋرەتشىلەرىنىڭ كورمەلەرىنە) قاتىسۋشى. سۋرەتشىنىڭ تۋىندىلارى ٴا. قاستەەۆ اتىنداعى مەملەكەتتىك ونەر مۋزەيىنىڭ، قر ورتالىق مەملەكەتتىك مۋزەيىنىڭ، قر ۇلتتىق مۋزەيىنىڭ، قازاقستان رەسپۋبليكاسى تۇڭعىش پرەزيدەنتىنىڭ، سەمەيدىڭ نەۆزوروۆتار اتىنداعى ونەر مۋزەيىنىڭ، كۋتايسيدىڭ سۋرەت گالەرەياسىنىڭ (گرۋزيا)، ەلابۋگا قالاسىنىڭ كوركەمسۋرەت گالەرەياسىنىڭ (رەسەي) كوللەكسيالارىندا، انگليا، اقش، شۆەسيا، پاكىستان، جاپونيا، گەرمانيا، يران، قىتاي، تۇركيا جانە قازاقستانداعى جەكە كوللەكسيالاردا ساقتاۋلى.

بۇل كورمەنىڭ اتاۋىندا ونىڭ نەگىزگى مازمۇنى كورىنىس تاپقان. قاليوللا سامات ۇلى كەسكىندەمە ونەرىنە دەگەن سۇيىسپەنشىلىكپەن بىرگە ستۋدەنتتىك كەزدەن قازاقتىڭ تاريحىنا، ەتنوگرافياسىنا، فولكلورىنا قىزىعۋشىلىقتى قاتار الىپ كەلەدى. ونىڭ لەنينگرادتىڭ ي.ە.رەپين اتىنداعى كەسكىندەمە، ٴمۇسىن جانە ارحيتەكتۋرا ينستيتۋتىنداعى كۋرستىق جانە ديپلومدىق جۇمىستارى تاريحي تاقىرىپتارعا ارنالعان بولاتىن. بۇل كورمەدە سۋرەتشىنىڭ ٴار جىلدارى، ٴار جانرلاردا قازاقتىڭ ميفولوگياسى، ەپوسى، تاريحى تاقىرىبىنا سالىنعان تۋىندىلارى – كارتينالار، كىتاپ يلليۋستراسيالارى، مۋلتفيلمگە ەسكيزدەر، مۋزەي ەكسپوزيسياسىنىڭ جوبالارى قويىلعان. سۋرەتشىنىڭ بۇل تۋىندىلارىندا قازاقتىڭ كونە ميفتەرىنەن، ەپوستارىنان، ەرتەگىلەرىنەن بەينەلەر جانە قازاق تاريحىنداعى ۇلى تۇلعالار بەينەلەرى كورسەتىلگەن. رەاليستىك مانەردە ورىندالعان ەپيكالىق كەيىپكەرلەردىڭ، وتكەن داۋىرلەردەگى قازاق جاۋىنگەرلەرىنىڭ بەينەلەرىندە قاليوللا سامات ۇلى ولاردىڭ بيىك رۋحىن كورسەتىپ، سونىمەن بىرگە ولاردىڭ قارۋ-جاراعى مەن كيىمدەرىن ەتنوگرافيالىق تۇرعىدان تاريحي دالدىكپەن سۋرەتتەيدى.

احمەتجان ق.س. كوپ جىل بويى عىلىمي-زەرتتەۋ جۇمىسىمەن دە اينالىسادى. ول بۇگىندە قازاقتىڭ اسكەري ٴىسى، ٴداستۇرلى قارۋ-جاراعى تاريحىنان ەلىمىزدەگى جالعىز بىلىكتى مامان، وسى سالا بويىنشا 100-دەن اسا عىلىمي، عىلىمي-تانىمدىق ماقالالاردىڭ جانە ٴۇش عىلىمي مونوگرافيانىڭ اۆتورى.

قارۋ-جاراق زەرتتەۋشى عالىم جانە سۋرەتتىڭ اكادەميالىق شەبەرلىگىن يگەرگەن كاسىبي سۋرەتشى بولعان ول قازاق ۇلتىنىڭ تاريحي ەتنوگەنەزىنىڭ اجىراماس بولىگى سانالاتىن ٴار داۋىردەگى كوشپەلىلەر جاۋىنگەرلەرىنىڭ جانە 16-19 عاسىرلارداعى قازاق جاۋىنگەرلەرىنىڭ قارۋ-جاراق كەشەنىنىڭ عىلىمي-گرافيكالىق رەكونسترۋكسيالارىنىڭ كوپتەگەن سۋرەتتەرىن جاسادى. ٴوزى جۇرگىزگەن زەرتتەۋلەرىنىڭ جانە جاسالعان گرافيكالىق رەكونسترۋكسيالاردىڭ نەگىزىندە قاليوللا احمەتجان تاريحي فيلمگە، مۋزەيلەرگە ارناپ كوشپەلى حالىقتار جانە قازاق جاۋىنگەرلەرىنىڭ قارۋ-جاراعىنىڭ ماتەريالدا ورىندالعان كوپتەگەن زاتتىق رەكونسترۋكسيالارىن دا جاساپ شىقتى. بۇل كورمەدە وسىنداي گرافيكالىق جوبالار جانە كەيبىر تاريحي زاتتىق رەكونسترۋكسيالار دا (ساق، تۇركى جانە قازاق جاۋىنگەرلەرىنىڭ تولىق رەكونسترۋكسيالارى) قويىلعان.

كورمەدە ونەر تۋىندىلارىنان باسقا اۆتوردىڭ جاريالانعان عىلىمي ەڭبەكتەرى - قازاق قارۋ-جاراعى تاريحى بويىنشا كىتاپتارى، عىلىمي باسىلىمدارداعى ماقالالارى; قازاقستان تاريحى مەن فولكلورىنان سۋرەتشى كوركەمدەگەن كىتاپتار; مۋزەي قورلارىندا قازاق قارۋ-جاراعىن زەرتتەگەندەگى اۆتوردىڭ قولجازبالارى دا كورسەتىلەدى.

مۋزەي ۇسىنىپ وتىرعان بۇل كوركەم ەكسپوزيسيانىڭ تاقىرىبى مەن مازمۇنى ەلباسىنىڭ « ۇلى دالانىڭ جەتى قىرى» اتتى ماقالاسىندا ايتىلعان، بەينەلەۋ ونەرىندە ۇلتىمىزدىڭ تاريحىنداعى ۇلى تۇلعالار بەينەلەرى گالەرەياسىن قالىپتاستىرۋ تۋرالى، ۇلى دالانىڭ باي ميفولوگيالىق جəنە فولكلورلىق ماتەريالدارىن ناسيحاتتاۋ تۋرالى، حالقىمىزدىڭ ٴداستۇرلى قارۋ-جاراعى مەن كيىمدەرىنىڭ جانە مادەنيەتىمىزدىڭ تاريحىنداعى ماڭىزدى وقيعالاردىڭ تاريحي رەكونسترۋكسيالارىن جاساۋ تۋرالى ويلارىمەن ساباقتاسىپ جاتىر. بۇل – مۇنداي مۋزەيلىك كورمەنىڭ بۇگىندە ۋاقىتقا ساي جانە وزەكتى ەكەنىن كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي