BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

استانادا 24 ساعات جۇمىس ىستەيتىن كىتاپحانا اشىلدى

استانا، baq.kz. «نازاربايەۆ ۋنيۆەرسيتەتتىڭ كىتاپحاناسىندا 400 ادامعا ارنالعان تاۋلىك بويى جۇمىس ىستەيتىن 4 زال اشىلدى. بۇل تۋرالى ەگەمەن قازاقستان جازدى.

جاڭادان ىسكە قوسىلعان زالداردىڭ جالپى اۋدانى 10 000 شارشى مەتردەن اسادى. ينفراقۇرىلىمعا جاڭا كومپيۋتەرلىك بولمەلەر، مۋل­­تيمەديالىق كابينەتتەر، توپتىق جانە جەكە وقۋ سىنىپتارى، ينكليۋزيۆتى ٴبىلىم بەرۋ جابدىقتارى، كونفەرەنسيا زالدارى، دەمالۋى بولمەسى، اۋديو-ۆيزۋالدى ستۋديا مەن بالالار بولمەسى كىرەدى.

«نازاربايەۆ ۋنيۆەرسيتەت» كىتاپحاناسىنىڭ بيبليوگرا­فيالىق-اقپاراتتىق قىزمە­تىنىڭ باسشىسى مادينا قاي­راتبەكقىزىنىڭ ايتۋىنشا، كى­تاپحانادا بۇعان دەيىن وقىرماندار ٴۇشىن 2 زال عانا جۇمىس ىستەگەن. ەندى كىتاپ­حانا­نىڭ اۋقىمى تاعى 4 زالمەن تولىعىپ وتىر.

«science، astana، aliya، quiet دەپ اتالاتىن جاڭا زال­دار ىسكە قوسىلدى. ستۋ­دەنت­­تەرىمىزدىڭ وسىنداي قو­سىم­شا مۇمكىندىكتەرگە يە بولعانىنا قۋانىشتىمىز. ولار بۇرىنعىداي كىتاپحانا­شى­لاردىڭ جۇمىس ىستەۋ ۋا­قىتىنا تاۋەلدى بولماي، ەندى 24 ساعات بويى وقۋ زالدارىنىڭ بارلىق مۇمكىندىكتەرىن پايدالانا الادى. ستۋدەنتتەر قاۋىمداستىعى تاراپىنان تاۋلىك بويى جۇمىس ىستەيتىن ارنايى زالدار بولسا دەگەن ۇسىنىستار ٴتۇستى. باسشىلار جاس عالىمداردىڭ بۇل باستاماسىن قولداپ، ناتيجەسىندە وسىنداي جەتىستىككە جەتىپ وتىرمىز. ٴبىز قازاقستاننىڭ 2050 جىلعا دەيىنگى دامۋ ستراتەگياسىنا سايكەس قازاق­ستاندىق كىتاپحا­ناشى­لاردىڭ بىلىك­تىلىگىن ارتتى­رىپ، كا­سىبي كىتاپحا­ناشىلاردىڭ قا­ۋىمداستىعىن قۇرۋدامىز»، - دەدى ٴمادينا قايراتبەكقىزى سالتاناتتى شارانىڭ اشى­لۋىن­دا.

كىتاپحانا بۇعان دەيىن تاڭ­ەرتەڭگى 8:30-دان كەشكى 22:00-گە دەيىنگى ارالىقتا جۇمىس ىستەدى. مۇندا ستۋدەنتتەر مەن وقىتۋشىلاردىڭ عىلىمي-زەرت­تەۋىنە ارنالعان قازاق، ورىس، اعىلشىن، تىلدەرىندە قىزمەت كورسەتىلەدى. مادەنيەت وشاعى حالىقارالىق ٴبىلىم بەرۋ جۇيەسى مەن جاڭا تەحنيكالىق يننوۆاسيالاردى ەنگىزە وتىرىپ، الەمدىك دەڭگەيدەگى كىتاپحانا بولۋدى كوزدەپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي