BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

الماتى وبلىسىندا كەمەل توقايەۆ اتىنداعى سكۆەر اشىلدى

استانا. baq.kz. بەلگىلى قالامگەر، قازاق ادەبيەتىندەگى دەتەكتيۆ جانرىنىڭ نەگىزىن قالاۋشى، ۇوس ارداگەرى كەمەل توقايەۆ اتىنداعى جاڭا سكۆەردىڭ اشىلۋ سالتاناتى بۇگىن الماتى وبلىسى قاراتال اۋدانىنىڭ ورتالىعى ۇشتوبە قالاسىندا ٴوتتى. قاراتال اۋدانىنىڭ 95 جىلدىعىنا وراي ۇيىمداستىرىلعان بۇل ايتۋلى وقيعامەن كوپشىلىكتى وبلىس اكىمى اماندىق باتالوۆ قۇتتىقتادى. بۇل تۋرالى الماتى وبلىسى اكىمىنىڭ ٴباسپاسوز قىزمەتى حابارلادى.

سالتاناتتى شارا سكۆەر ىشىندە ورناتىلعان كەمەل توقايەۆ مەموريالىنا گۇل شوقتارىن قويۋدان باستالدى. قاراتالدىقتاردى قۋانىشىمەن قۇتتىقتاعان وبلىس اكىمى اماندىق باتالوۆ:

«ٴبىز قۋانىشتى جايت، ايتۋلى وقيعاعا جينالىپ وتىرمىز. بۇگىن كورنەكتى جازۋشى-جۋرناليست كەمەل توقايەۆتىڭ 95 جىلدىعىنا وراي جاڭا سكۆەر اشىلدى. «ٴوز ەلى ٴوز ەرلەرىن ەسكەرمەسە، ەل تەگى قايدان السىن كەمەڭگەردى»، دەپ ٴىلياس اقىن جىرلاعانداي، وڭىرىمىزدە توپىراعىندا تۋىپ-وسكەن دارىندى ازاماتتاردىڭ ەسىمىن ارداقتاۋ – ورتاق پارىزىمىز. پايدالانۋعا بەرىلىپ وتىرعان جاڭا سكۆەر كوپشىلىكتى بۇگىنگى اۋداننىڭ 90 جىلدىق مەرەيتويىمەن بىرگە قۋانتىپ وتىر. 1،4 گەكتار جەردى الىپ جاتقان دەمالىس ورنىندا بالالار الاڭى مەن سپورت الاڭى دا قاراستىرىلعان. سوندىقتان بۇل سكۆەر قاراتالدىقتاردىڭ سۇيىكتى دەمالىس ورىندارىنىڭ بىرىنە اينالادى دەپ سەنەمىن»، - دەدى ٴوز قۇتتىقتاۋىندا.

مۇنان سوڭ قاراتال اۋدانىنىڭ قۇرمەتتى ازاماتى قۋاندىق ابدىكارىموۆ سويلەپ، ٴوزىنىڭ ادام بولىپ قالىپتاسۋىندا كەمەل توقايەۆ كىتاپتارىنىڭ ٴرولى زور بولعانىن اتاپ ٴوتتى. اقساقال ٴوز ٴسوزىن جازۋشىعا ارناۋ ولەڭىمەن جەتكىزدى. ال قر جۋرناليستەر وداعىنىڭ مۇشەسى ماكەن وسەربايەۆا ٴوز كەزەگىندە جاڭا سكۆەردىڭ اشىلۋى تۇرعىندار ٴۇشىن ۇلكەن قۋانىش ەكەنىن ايتتى.

بەلگىلى حيميك-عالىم، پروفەسسور، عىلىم مەن تەحنيكا سالاسىنداعى مەملەكەتتىك سىيلىقتىڭ لاۋرەاتى، قازسرو عا كوررەسپوندەنت-مۇشەسى، قازسرو ەڭبەك سىڭىرگەن عىلىم قىزمەتكەرى، قر ۇعا اكادەميگى ەدىل ەرعوجين كەمەل توقايەۆ تۋرالى ەستەلىكتەرىمەن ٴسوز باستادى. جازۋشىنىڭ ايتقان جىلى سوزدەرى حيميا فاكۋلتەتىندە وقىپ جۇرگەن جاس بىلىمگەردىڭ بويىنا قانات ٴبىرىىپ، وزىنە دەگەن سەنىمدىلىگىن ارتتىرعان. سونىمەن قاتار ەدىل ەرعوجين وبلىس باسشىلىعى تاراپىنان الدىڭعى بۋىن ۇلكەندەرگە كورەتىلىپ وتىرعان قامقورلىق كەيىنگى جاستاردىڭ تاربيەسى ٴۇشىن زور ۇلگى ەكەنىن دە اتاپ ٴوتتى. قوناقتار مەن اۋدان تۇرعىندارى سكۆەردى ارالاپ، جاڭا نىساننىڭ كەسىن-كەلبەتىن تاماشالادى.

اتاپ وتسەك، ۇشتوبە قالاسىنداعى سكۆەردىڭ جالپى الاڭى 1،4 گەكتار. جوبانىڭ جالپى قۇنى 296 035،0 مىڭ تەڭگە. مۇندا جاپىراقتى، قىلقان جاپىراقتى، دەكوراتيۆتى اعاشتار مەن بۇتالار وتىرعىزىلعان، گۇلزارلار كوز تارتادى. سكۆەرگە ساياباقتىق جيھازدار قويىلىپ، جاياۋ جۇرگىنشىلەر جولى توسەلگەن، جارىق شامدارى ورناتىلعان. سپورتتىق جانە بالالار ويىن الاڭدارى بار. سكۆەردىڭ قۇرىلىسى بيىلعى جىلدىڭ شىلدە ايىندا باستالىپ ٴۇش اي ىشىندە اياقتالدى. جوبالىق ۇيىمى – «ج. ر. جانەكەنوۆ اتىنداعى جوبالاۋ ينستيتۋى» بولسا، مەردىگەر مەكەمە – «انكور-2005» جشس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي