BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

اكادەميك رىمعالي نۇرعاليدىڭ قۇرمەتىنە مەموريالدى تاقتا اشىلدى

فوتو: astana.gov.kz

تاقتانى استانا قالاسى اكىمدىگىنىڭ قولداۋىمەن ەۋرازيا ۇلتتىق ۋنيۆەرسيتەتى اشىپ وتىر، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

بۇگىن استانا قالاسى اكىمدىگى جانە ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ۇيىمداستىرۋىمەن اسا كورنەكتى ادەبيەتتانۋشى عالىم، قر ۇعا اكادەميگى، قر مەملەكەتتىك سىيلىعىنىڭ يەگەرى رىمعالي نۇرعاليدىڭ قۇرمەتىنە ٴوزى تۇرعان ۇيگە ورناتىلعان مەموريالدى تاقتانىڭ سالتاناتتى اشىلۋى ٴوتتى.

سالتاناتتى ٴىس-شاراعا قاتىسقان استانا قالاسى اكىمىنىڭ ورىنباسارى ەرمەك امانشايەۆ اكادەميك رىمعالي نۇرعاليدىڭ قازاق ادەبيەتىنىڭ دامۋىنا جانە شاكىرت تاربيەلەۋدە، ەلوردامىز استانانىڭ رۋحانياتىنا قوسقان ۇلەسى تۋرالى ايتىپ ٴوتتى.

«مەن دە اعامىزدىڭ شاكىرتىمىن. رىمعالي اعامىزدىڭ ارقاسىندا ۋنيۆەرسيتەت قابىرعاسىندا ٴجۇرىپ ماعجاننىڭ ولەڭدەرىن، ٴمىرجاقىپ پەن احمەت بايتۇرسىن ۇلىنىڭ ەڭبەكتەرىمەن تانىسا باستادىق. اعامىزدىڭ قازاق عىلىمىنا، وركەنيەتىنە قوسقان ۇلەسى وراسان زور. اعامىزدىڭ ەلورداعا العاشقىلاردىڭ ٴبىرى بولىپ كوشىپ كەلىپ، وسى قالانىڭ مادەنيەتىنە، رۋحانياتىنا قوسقان ۇلەسىن اتاپ ايتپاۋ مۇمكىن ەمەس»، - دەدى ەرمەك امانشايەۆ.

سونىمەن قاتار، ول ٴوزىنىڭ دە عالىم رىمعالي نۇرعاليدىڭ جەتەكشىلىك ەتۋىمەن كانديداتتىق قورعاعانىن ايتىپ ٴوتتى. ر. نۇرعالي قازاق تەاترى مەن دراماتۋرگياسىنىڭ تاريحى، ا. بايتۇرسىنوۆ، م. جۇمابايەۆ، ج. ايماۋىتوۆ، م. اۋەزوۆ جانە باسقا قازاق ادەبيەتى كلاسسيكتەرىنىڭ شىعارماشىلىعى تۋرالى ىرگەلى مونوگرافيالىق ەڭبەكتەر جازدى.

«بۇل ٴىس-شارانىڭ تالىمدىك، تانىمدىق، تاربيەلىك ٴمانى زور. اعامىز عىلىمعا ىنتاسى بار ٴار قازاقتىڭ بالاسىنا قامقور بولا ٴبىلدى. ادەبيەتتەگى ەڭبەگى ٴبىر بولەك اعامىزدى تەاتر تانۋشى دەپ تولىق ايتا الامىز. اعامىز الماتى تورىنەن استاناعا كەلگەندەگى ماقساتى - ەلورداعا قازاقي رۋحتى ەنگىزۋ، ونىڭ تاريحى مەن ٴداستۇرىن وسى قالاعا ٴسىڭىرۋ بولدى. قالاداعى داڭعىلدار مەن كوشەلەرگە بەرىلگەن تاماشا اتاۋلاردا دا اعامىزدىڭ قولتاڭباسى بار»، - دەدى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ.

سالاتاناتتى ٴىس-شاراعا اكادەميك سەيىت قاسقاباسوۆ، تەلەدراماتۋرگ سۇلتان ورازالين، ەۋرازيا ۇلتتىق ۋنيۆەرسيتەتىنىڭ ۇستازدارى مەن ستۋدەنتتەرى جانە شاكىرتتەرى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي