BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

ايشولپاننىڭ اناسى: قىز بالا ٴۇشىن تاۋ-تاسقا شىعۋ وڭاي ەمەس

فوتو: Нұржас Жақсыбай

«qazaqstan» رترك «كوشپەندىلەر» اتتى دەرەكتى فيلمدەر توپتاماسىنىڭ العاشقى سەرياسىن ايشولپانعا ارناعان. ال قارشاداي قىز ٴوزىنىڭ بۇركىتشىلىككە قالاي كەلگەنىن جۋرناليستەرگە ايتىپ بەردى، دەپ حابارلايدى baq.kz اقپارات اگەنتتىگى.

ايشولپان ٴوزىنىڭ قۇسبەگىلىك ونەرىمەن قالاي اينالىسقانىن ايتتى.

«قۇسبەگىلىك - جەتى اتادان جالعاسىپ كەلە جاتقان ٴداستۇر، ەكى مىڭ جىلدىق تاريxى بار سالت. ٴوزىم كىشكەنتاي كەزىمنەن باستاپ بۇركىتپەن بىرگە ٴوستىم. اعام دا بۇركىتشى بولدى. ول وقۋدى ٴبىتىرىپ، اسكەرگە كەتكەننەن كەيىن بۇركىتى ۇيدە قالدى. مەن اكە-شەشەمنىڭ رۇقساتىن الىپ، بۇركىتتى ٴوزىم ۇستادىم. سودان اكەممەن بىرگە تاۋ-تاسقا شىقتىق، اڭ ۇستادىق»، - دەدى ول.

ونىڭ ايتۋىنشا، ٴوزى ۇستاپ جۇرگەن بۇركىتتىڭ اتى - اق قانات. ونىمەن قاسقىر العان كەزدەرى دە بولعان.

«مەن بۇركىتتىڭ ارقاسىندا كوپتەگەن ەلدەردە بولدىم، كينوعا ٴتۇستىم. وسكارعا دا ۇسىندى. موڭعوليادا مەنىڭ اتاعىم شىققاننان كەيىن بۇركىتشى قىزدار كوبەيدى. قازاقستاندا قۇسبەگىلىك جارىستار بولسا، كەلۋ جاعىن ويلاستىرامىن. ارينە، قاتىسامىن»، - دەيدى ايشولپان.

ايشولپاننىڭ اناسى الماگۇل كوكسەگەنقىزى قىزىنىڭ قۇسبەگىلىكپەن اينالىسامىن دەگەن تىلەگىن بىردەن قابىل الماعانىن ايتادى. ٴبىراق ايشولپاننىڭ قىزىعۋشىلىعىن كورگەننەن كەيىن قارسىلىق بىلدىرمەگەن ەكەن.

«ەندى، قىز بالا ۇيدە وتىرىپ، شارۋاسىن ىستەۋى كەرەك. ٴبىزدى سولاي ۇيرەتتى. ٴبىراق ول ٴوزى تالاپتانىپ، بۇركىتپەن اڭعا شىعامىن دەگەننەن كەيىن قارسى بولعان جوقپىز. ارينە، قىز بالا ٴۇشىن تاۋ-تاسقا شىعۋ وڭاي ەمەس. ٴبىزدىڭ جاقتا قىستا 40 گرادۋسقا دەيىن سۋىق بولادى. سودان ٴبىز ونى جىلى كيىندىرىپ، قويا بەرەمىز»، - دەيدى ايشولپاننىڭ اناسى.

ايشولپاننىڭ ٴوزى قيىندىقتان قورىقپايدى ەكەن.

«ٴوز ماقساتىڭا جەتۋ ٴۇشىن ٴار نارسەگە توزە ٴبىلۋ كەرەك. بۇركىتتى العاش رەت قولعا ۇيرەتە باستاعانىمدا كوپتەگەن ادام ماعان قارسى شىقتى. "قىز بالاعا بۇركىت ۇستاۋعا بولمايدى. ولار ۇيدە وتىرۋى ٴتيىس" دەپ ايتتى. بۇدان دا وزگە كوپتەگەن سىن ايتىلدى. ٴبىراق مەن ٴبارىن جەڭىپ شىعىپ، ٴوزىمنىڭ ناعىز بۇركىتشى قىز ەكەنىمدى دالەلدەدىم"، — دەدى ول.

ايتا كەتەيىك، بۇعان دەيىن ايشولپاننىڭ استاناعا العاش كەلگەندەگى اسەرىمەن بولىسكەنىن جازعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي