BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ايبەك قاليەۆ: قىزىلوردا – ايتىستىڭ ەڭ كوپ وتەتىن جەرى

فوتو: Автор

قىزىلوردا، baq.kz ٴتىلشىسى. قىزىلوردا وبلىسى جالاعاش اۋدانىندا «ۇلت كەلبەتىن ۇلىقتاعان تۇلعالار» اتتى رەسپۋبليكالىق اقىندار ايتىسى ٴوتتى. جۇرتشىلىقتىڭ دەلەبەسىن قوزدىرعان ٴدۇبىردىڭ باس جۇلدەسىن اقىن نۇرمات مانسۇروۆ جەڭىپ الدى. ۇيىمداستىرۋشىلار وعان 1 ميلليون تەڭگەنىڭ سەرتيفيكاتىن تابىستادى.

ايتۋلى ٴسوز سايىسىنا ايبەك قاليەۆ، رۇستەم قايىرتاي ۇلى، مۇحتار نيازوۆ، نۇرمات مانسۇروۆ، سىرىم ابىلبەكوۆ، تالعات مىقي، ايدوس راحمەتوۆ، ەرجەڭىس ابديەۆ ٴمولدىر ايتباي، كاريما ورالوۆا، توبا وتەپبايەۆ، قانات مىرزاحان سىندى دۇلدۇلدەر قاتىستى. ال جىراۋ الماس الماتوۆ ٴتوراعالىق ەتكەن قازىلار القاسىنىڭ قۇرامىندا ەلەنا ٴابدىحالىقوۆا، بەكارىس شويبەكوۆ، سەرىك ىدىرىسوۆ، مامىر بايداۋلەتوۆ بولدى. ايتىستى اقىن ٴجۇرسىن ەرمان جۇرگىزىپ وتىردى.

ايتىسكەر اقىن ايبەك قاليەۆ تا زور دايىندىقپەن كەلىپتى.

«سىر ٴوڭىرى جىل سايىن دۋمانداتىپ توي وتكىزىپ جاتادى. وعان قازاقستاننىڭ تۇكپىر-تۇكپىرىنەن بەلگىلى، بەلدى اقىنداردى شاقىرىپ، حالىققا ايتىس ونەرى ارقىلى سىي جاسايدى. ونىڭ ٴبىرازىندا بولىپ ٴجۇرمىز. وسى جولى ىرىستى ٴارى كۇرىشتى ەل جالاعاشتىڭ تورىنە كەلىپ، التىن ٴدانى قامباعا تولىپ، مەرەيى تاسىعان حالىقتىڭ تويىنىڭ كۋاسى بولىپ وتىرمىز. ۇلى تۇلعالارىن ۇلىقتاۋدا. ايتىستىڭ تاقىرىبى: مەملەكەت جانە قوعام قايراتكەرلەرى تەمىربەك جۇرگەنوۆ پەن ٴىلياس قابىلوۆتىڭ، سوسياليستىك ەڭبەك ەرى ۇزاق ەسپانوۆتىڭ ەڭبەگى مەن ەرلىگىن جىرعا قوسۋ. وسى تۇرعىدا ەلگە ونەگەلى ٴسوز ايتۋعا تىرىسىپ جاتىرمىز. بۇل ايتىسقا وقىپ، توقىپ، ىزدەنىپ، دايىندالدىق»، – دەيدى ايبەك قاليەۆ.

سونىمەن قاتار، ايتىسكەر اقىننىڭ پىكىرىنشە، قىزىلوردا – ايتىستىڭ ەڭ كوپ وتەتىن جەرى.

«جالپى قىزىلوردادا ايتىس كوپ بولادى. جىلىنا جوق دەگەندە 10 رەت ۇيىمداستىرىلادى. تەك قىزىلوردا قالاسىندا عانا ەمەس، اۋدانداردىڭ توڭىرەگىندە دە وتەدى. ايتىستىڭ نەگىزگى كورەرمەنى اۋىلدا عوي. تەرەڭوزەك، شيەلى، قارماقشى، قازالى، ارالدا اۋداندارىندا دا ٴسوز دوداسىنىڭ كورىگى قىزعانىن تالاي مارتە كوردىك. جالاعاشقا جىل سايىن كەلىپ ٴجۇرمىن. سىر ەلى قازاقى سالتىنان اينىماعان حالىق. مارتتىگىنە، جومارتتىعىنا ٴتانتىمىز. بۇل ٴوز كەزەگىندە ول اقىنداردىڭ شابىتىنا دا اسەر ەتەدى»، – دەيدى ايتىسكەر.

ايتىستى كورۋگە كەلگەن حالىقتىڭ قاراسى كوپ بولدى. ولار ساحنادا ويىن ولەڭمەن ورنەكتەگەن اقىندارعا قوشەمەت كورسەتىپ، قيقۋلاپ، شابىت بەرىپ وتىردى.

«جالاعاشتا ايتىستىڭ وتكەنىنە قۋانىشتىمىن. تانىمال اقىنداردى كورىپ جاتىرمىن. ٴبىر-بىرىن ٴازىل سوزبەن قاعىتىپ، اراسىندا سويىلمەن سوققانداي اسەردە قالدىرىپ جاتتى. ەلدىڭ مۇددەسىن، ماسەلەسىن قوزعادى. بەلگىلى تۇلعالارىمىزدىڭ ٴومىرىن ولەڭىنە قوستى. ٴبىر سوزبەن ايتقاندا، كوڭىل-كۇيىمىزدى كوتەرىپ تاستادى»، – دەيدى جالاعاشتىق تۇرعىن ەرلان سوزاقبايەۆ.

ايتا كەتەيىك، «ۇلت كەلبەتىن ۇلىقتاعان تۇلعالار» اتتى رەسپۋبليكالىق اقىندار ايتىسىنىڭ باس جۇلدەسىن نۇرمات مانسۇروۆ جەڭىپ الدى. ٴبىرىنشى ورىنىن رۇستەم قايىرتاي ۇلى ەنشىلەسە، ەكىنشى ورىن ايبەك قاليەۆقا بۇيىردى. ال قىزىلوردالىق مۇحتار نيازوۆ ٴۇشىنشى ورىندى قاناعات تۇتتى. وزا شاپقان ٴتورت اقىن دا دودانىڭ اقتىق سىنىندا قۇلمامبەت ايتىس جاساپ، ايتىستىڭ كوركىن قىزدىرعان بولاتىن.

فوتو ۆيدەو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي