BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

رەسپۋبليكالىق « ۇلى دالا رۋحى» فەستيۆالىنىڭ العاشقى كەزەڭى تۇركىستان وبلىسىندا باستالدى

بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە رەسپۋبليكالىق ۇلتتىق جانە ات سپورتى تۇرلەرى ورتالىعىنىڭ ديرەكتورى نۇرسۇلتان يبراگيموۆ ٴمالىم ەتتى، دەپ حابارلايدى baq.kz اقپارات اگەنتتىگى.

ونىڭ ايتۋىنشا، 2018 جىلدىڭ 13-15 شىلدە ارالىعىندا رەسپۋبليكالىق « ۇلى دالا رۋحى» فەستيۆالىنىڭ العاشقى جارىستارى وڭتۇستىك ايماعىندا وتەدى.

«ايتۋلى شارانىڭ اشىلۋ سالتاناتى كەزىندە وڭتۇستىك ايماقتىڭ جەرەبەسى تايقازان ىشىنە سالىنعان تەڭگە ورامالدار ارقىلى انىقتالدى. وڭتۇستىك ايماعىنا قىزىلوردا وبلىسى، جامبىل مەن تۇركىستان وبلىسى مەن الماتى قالاسىنىڭ كوماندالارى ىرىكتەلدى. وسى ٴتورت ٴوڭىردىڭ سپورتشىلارى شىمكەنت قالاسىندا كوكپار، قازاق كۇرەسى، توعىزقۇمالاق، اسىق اتۋدان جارىسقا قاتىسادى. اۋەلى «قۇلاگەر» اتشابارىندا 48 سپورتشى قاتىسىپ، كوكپاردان جەڭىمپاز كوماندا انىقتالادى. ال ٴا.يۋسۋپوۆا اتىنداعى كوركەم گيمناستيكا زالىندا قازاق كۇرەسىنەن 8 سالماق بويىنشا 32 بالۋان باق سىناسا، اسىق اتۋدان 12 مەرگەن ٴوزارا مىقتىنى انىقتايدى. سونداي-اق، شىمكەنت قوناق ۇيىندە توعىزقۇمالاقشىلار اراسىندا جارىس وتەدى. جالپى وڭتۇستىك ايماقتاعى ىرىكتەۋ جارىسىنا 160 سپورتشى قاتىسادى دەپ جوسپارلانىپ وتىر»، - دەدى نۇرسۇلتان يبراگيموۆ.

بۇدان وزگە، اۋدارىسپاق، جامبى اتۋ، تەڭگە ىلۋدەن جارىستار استانا قالاسىنداعى «قازانات» اتشابارىندا وتەدى. بۇل ٴدۇبىرلى دودادا 5 سالماق بويىنشا 20 بالۋان اراسىندا اۋدارىسپاق الىپتارى، قۇرالايدى كوزگە اتقان 12 جامبىشىلار مەرگەندەرى جانە جەلدەن جۇيرىك 12 تەڭگە ىلۋشىلەر اراسىندا مىقتىلار انىقتالادى.

جارىستىڭ جەڭىمپازدارى مەن جۇلدەگەرلەرى قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ كۋبوك، مەدالدارىمەن ماراپاتتالادى.

ەستەرىڭىزدە بولسا، اتالعان سايىستىڭ اشىلۋ سالتاناتى 4 شىلدە كۇنى استانا قالاسىندا وتكەن بولاتى. « ۇلى دالا رۋحى» فەستيۆالىنىڭ نەگىزگى ماقساتى - جاستار اراسىندا ۇلتتىق سپورت تۇرلەرىنىڭ دامۋىنا تىڭ سەرپىن بەرۋ. ٴتورت ايماقتى قامتيتىن جوباعا ەلىمىزدىڭ بارلىق وڭىرلەرىنەن سپورتشىلار قاتىسادى. سايىپقىراندار كوكپار، بايگە، اۋدارىسپاق، تەڭگە ٴىلۋ، جامبى اتۋ، قازاق كۇرەسى، توعىزقۇمالاق، اسىق اتۋدان سىنعا تۇسەتىن بولادى. اتالعان جوبانىڭ يدەيا اۆتورى قر مادەنيەت جانە سپورت ٴمينيسترى ا.مۇحامەدي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي