BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

جامبىلدىق مۇعالىمدەر «ٴۇشباس» اتتى جاڭا اسىق ويىنىن ويلاپ تاپتى

فوتو: ашық дереккөзден

اتالعان ونەرتابىستىڭ ەرەكشەلىگى، ونى ارنايى ۇستەل ۇستىندە وينايدى، دەپ حابارلايدى baq.kz اقپارات اگەنتتىگى «حابار 24» ارناسىنا سىلتەمە جاساپ.

جوبا ناعىز قازاقى بولمىسقا ٴتان، ۇلتتىق سالت-داستۇرگە نەگىزدەلە وتىرىپ زاماناۋي ۇلگىدە جاسالعان. ماماندار بۇل اسىرەسە مەكتەپ جاسىنا دەيىنگى بالالاردىڭ ٴورىسىن كەڭەيتىپ، ويلاۋ قابىلەتىن دامىتۋعا باعىتتالعان دەپ وتىر. ونەرتاپقىشتار بۇل تۋىندىنى يننوۆاسيالىق ويىن دەپ سانايدى.

جاڭا ويىن «ٴۇشباس» دەپ اتالادى. ونى جەرگىلىكتى پەداگوگيكالىق ۋنيۆەرسيتەتتىڭ ٴۇش وقىتۋشىسى بىرلەسىپ ويلاپ شىعارىپتى. ويىننىڭ كەيبىر تۇسى تاستاياق پەن فۋتبول ويىندارىنىڭ ەلەمەنتتەرىنە ۇقسايدى. ٴبىراق اسىقپەن وينالادى. ونى جەكە نەمەسە توپ بولىپ ويناۋعا بولادى.

«ۇستازدارعا كەرەك نارسە. ودان كەيىن كىشكەنتاي بالامىزدان باستاپ ۇلكەن كارىمىزگە دەيىن. بۇل جەردە، بىرىنشىدەن، قوزعالىس. ەكىنشىدەن، تاربيە. ٴتارتىپ. جانە ٴبىلىمدى دە بىلۋگە بولادى. بۇل ارقىلى عىلىمعا شىعۋعا بولادى. دامىتۋىمىز كەرەك. ويتكەنى بۇل قازىرگى يننوۆاسيالىق جول. ياعني جاڭارۋ. ەلباسىمىز ايتقانداي، «رۋحاني جاڭعىرۋ». ويتكەنى ەسكىمىزدى جاڭارتىپ تۇرماساق، بۇل ويىن ۇمتىلادى دەگەن اڭگىمە عوي»، -دەيدى ويىن اۆتورى بەكبولات امانجول ۇلى.

بۇل ويىندى كەز كەلگەن جەردە ويناۋعا بولادى. جينالمالى ۇستەل تاسىمالداۋعا ىڭعايلى. بەتىندە شاڭىراق، قازاقى كۇنتىزبەسىندەگى جىل قايىرۋداعى 12 جانۋار، ايىپ الاڭى جانە قاقپا بەينەلەنگەن. ويىن وسى بەلگىلەردىڭ كومەگىمەن وينالادى. ەرەجەسى دە ەرەكشە ٴارى قىزىق.

«كۇنتىزبەمىزگە بايلانىستى 12 جىل قايىرۋ كورسەتىلگەن. بالا سول 12 اسىقتى قويا وتىرىپ جىل قايىرۋىمىزدىڭ ٴوزىنىڭ ەرەكشەلىكتەرىن تاني بىلەدى. رەت-رەتىمەن. ٴبىرىنشى كەزەكتە بالا قاراپايىم ماتەماتيكالىق تۇسىنىك قالىپتاسىرادى. ساناۋدى بىلە باستايدى. سوسىن موتوريكا، قولمەن جۇمىس جاساۋ ماسەلەسىندە»، -دەيدى ويىن اۆتورى جامبىل كۇزەمبايەۆ.

سپورتتىق اسىق ويىنىندا 12 اسىق جانە 3 ساقا بولادى. 12 اسىق قازاقى جىل قايىرۋعا بايلانىستى تاقتانىڭ قاق ورتاسىنا تىگىلەدى. ويىندى كىم باستايتىنى ساقانى ٴيىرۋ ارقىلى انىقتالادى. ٴار ويىنشى ٴوزىنىڭ جاس ەرەكشەلىگىنە قاراي 1-دەن 3 مەترگە دەيىنگى قاشىقتىقتان اسىقتى اتادى. شارت بويىنشا ساقا تيگەن اسىق قاقپاعا ٴتۇسۋى مىندەتتى. جەڭىمپاز تورعا تۇسكەن اسىق سانى بويىنشا انىقتالادى.

ال ەگەر ويىن تەڭ بولعان جاعدايدا، ەرەجەگە سايكەس تورەشى ەكى ويىنشىنىڭ تۋعان جىلىن قازاق حالقىنىڭ جىل قايىرۋ كۇنتىزبەسى بويىنشا انىقتاپ، ٴار ويىنشىنىڭ وزىنە ٴتان جىل قايىرۋداعى اڭ نەمەسە جانۋار بەينەلەنگەن شەڭبەردىڭ ىشىنە اسىعىن قويىپ اتۋى ٴتيىس. ماسەلەن، مەن قويان جىلى تۋعام، سوندىقتان اسىعىمدى قويان بەلگىلەنگەن شەڭبەردىڭ ىشىنە تىگەمىن. ال مەنىڭ قارسىلاسىم بەكبولات اعامىز يت جىلى تۋعان ەكەن، سوندىقتان يت بەلگىلەنگەن شەڭبەردىڭ ىشىنە تىگىپ وتىر. ەرەجەگە سايكەس ٴار ويىنشى 3 مەتر قاشىقتىقتان ٴوز اسىعىن اتۋى ٴتيىس. ەگەر دە وسى ويىنشى اسىقتى تيگىزگەن بولسا، سول ويىنشى جەڭگەن بولىپ ەسەپتەلەدى. ال ەگەر تيگىزە الماسا، كەزەك كەلەسى ويىنشىعا وتەدى. وسىلايشا ويىن ساقا اسىققا تيگەنشە جالعاسا بەرەدى.

ٴقازىر «ٴۇشباستىڭ» اۆتورلارى ويىندى ناسيحاتتاۋ جۇمىستارىن باستادى. جۋىردا تاراز مەملەكەتتىك پەداگوگيكالىق ۋنيۆەرسيتەتىنىڭ بازاسىندا حالىقارالىق كونفەرەنسيا ۇيىمداستىرماق. وعان رەسەي، قىرعىزستان، قىتاي، موڭعوليا وكىلدەرى شاقىرتىلىپ، ولارعا جوبانى تانىستىرۋ جوسپاردا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي