BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

«ۇزدىك الەۋمەتتىك جارناما» بايقاۋى وتەدى

فوتو: nsk.blizko.ru

استانا قالاسىنىڭ تىلدەردى دامىتۋ جانە ارحيۆ ٴىسى باسقارماسى 2018 جىلعى 11-18 ماۋسىم ارالىعىندا ەلورداداعى جارناما كومپانيالارى مەن اگەنتتىكتەرى، كرەاتيۆتى ديزاينەرلەر اراسىندا «ۇزدىك الەۋمەتتىك جارناما» بايقاۋىن ۇيىمداستىرادى، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

بايقاۋدىڭ ماقساتى – استاناداعى جارنامالار مەن كورنەكى اقپاراتتى قازاقستان رەسپۋبليكاسىنىڭ «ٴتىل تۋرالى» زاڭى تالاپتارىنا سايكەستەندىرۋ; قازاق ٴتىلىنىڭ كوركەمدىگى مەن بايلىعىن ناسيحاتتاۋ; مەملەكەتتىك تىلدە ساۋاتتى دايىندالعان جارناما ماتىندەرىن بارشاعا ۇلگى ەتىپ كورسەتۋ; ديزاينەرلەردىڭ شىعارماشىلىق قابىلەتىن ارتتىرۋ; جارناما دايىنداۋشىنىڭ مەملەكەتتىك ٴتىلدى تەرەڭ مەڭگەرۋىنە ىقپال ەتۋ.

بايقاۋدا استانانىڭ 20 جىلدىعى، «رۋحاني جاڭعىرۋ» باعدارلاماسى جانە مەملەكەتتىك ٴتىل تاقىرىپتارى ناسيحاتتالادى. بايقاۋ ەكى كەزەڭنەن تۇرادى. ٴبىرىنشى ىرىكتەۋ كەزەڭىندە (2018 جىلعى 18 ماۋسىمعا دەيىن) جۇمىستار قابىلدانادى، ەكىنشى كەزەڭىندە (2018 جىلعى 21 ماۋسىم) قازىلار القاسى بارلىق جۇمىستارعا ساراپتاما جاساپ، جۇلدەگەرلەردى ماراپاتتايدى. بايقاۋعا قاتىسۋشىلار – «ۇزدىك ەسكيزدىك جوبا» (باننەر، بيلبورد جانە ت.ب.)، «ۇزدىك جارنامالىق بەينەروليك» (led ەكران) جانە «ۇزدىك جارناما ۇرانى» اتتى 3 اتالىم بويىنشا باق سىنايدى.

ٴىس-شارا جەڭىمپازدارىن ماراپاتتاۋ كەشى 2018 جىلعى 21 ماۋسىم ساعات 15.00-دە استانا قالاسى، «mega silkway» وسو-دا وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي