BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

« ۇلى دالانىڭ جەتى قىرى». قازاقستاننىڭ الەمدىك وركەنيەتتەگى ماڭىزدىلىعىن كورسەتۋگە مۇمكىندىك بەرەدى – ساپاربايەۆ

اقتوبە، baq.kz. اقتوبەدە 300-گە تارتا عالىم تاريحشىلار، ەتنوگرافتار، ارحەولوگتار، مادەنيەت قايراتكەرلەرى، قوعامدىق ۇيىمدار مەن جوعارى وقۋ ورىندارىنىڭ وكىلدەرى، كىتاپحاناشىلار مەن مۇراجاي قىزمەتكەرلەرى قاتىسقان دوڭگەلەك ۇستەلدە مەملەكەت باسشىسى نۇرسۇلتان ٴابىش ۇلى نازاربايەۆتىڭ « ۇلى دالانىڭ جەتى قىرى» اتتى ماقالاسىنداقويعانتاپسىرمالارىن جۇزەگە اسىرۋ جولدارى تالقىلاندى.

«ەلباسىنىڭ بارلىق ماقالالارى – وسكەلەڭ، بولاشاق ۇرپاق ٴۇشىن عيبراتتى سوزدەرىمەن دانالى. سونىڭ ىشىندە، « ۇلى دالانىڭ جەتى قىرى» اتتى ماقالاسى ٴبىزدىڭ وتكەنىمىزدىڭ ۇلىلىعىن تەرەڭىرەك تانۋعا، قازاقستاننىڭ الەمدىك وركەنيەت جۇيەسىندەگى ماڭىزدىلىعىن كورسەتۋگە مۇمكىندىك بەرەدى. وبلىستا اتالمىش ماقالانىڭ نەگىزگى قىرلارىن ىسكە اسىراتىن ۇسىنىستاردى ازىرلەۋ ٴۇشىن عالىمدار مەن ارداگەرلەردىڭ، قوعام قايراتكەرلەرىنىڭ بىرنەشە ٴىرى كەزدەسۋلەرى ٴوتتى. ارنايى جۇمىس توبى قۇرىلدى. اقتوبەلىكتەردىڭ ماقساتى – ونى جۇزەگە اسىرۋ ٴۇشىن بارىنشا ۇلەس قوسۋ»، - دەدى اقتوبە وبلىسىنىڭ اكىمى بەردىبەك ساپاربايەۆ.

وڭىرگە ارنايى كەلگەن «ەگەمەن قازاقستان» رگ» اق باسقارما ٴتوراعاسى، حالىقارالىق تۇركى اكادەمياسىنىڭ پرەزيدەنتى دارحان ٴقىدىرالى، «قازاقپارات» حالىقارالىق اقپارات اگەنتتىگىنىڭ باس ديرەكتورى اسقار ۋماروۆ، «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى بەرىك ٴابدىعالي، قوعام قايراتكەرى ايدوس سارىم، «قازاقستان بلوگەرلەرىنىڭ اليانسى» قب ٴتوراعاسى عالىم بايتۋك ماقالا ەرەجەلەرىنىڭ ورىندالۋى تۋرالى ٴوز كوزقاراستارىمەن ٴبولىستى.

جيىندا ٴسوز العان دارحان ٴقىدىرالى پرەزيدەنت ماقالاسىنىڭ بۇكىل تۇركى الەمىنىڭ تاريحىن زەرتتەۋگە تۇرتكى بولارىنا سەنىم ٴبىلدىردى.

"تەك قازاقستان تاريحىندا عانا ەمەس، التايدان تاراعان بارلىق ەلدەردىڭ تاريحىندا تۇركى الەمىنىڭ، سونىمەن قاتار، تۇران ويپاتىنىڭ التىن بەسىگى. بۇعان ەلباسىنىڭ جۋىردا جاريالانعان ماقالاسىنىڭ الەمنىڭ توعىز تىلىنە اۋدارىلعاندىعى دالەل. ونى ۆەنگريا، مونعول جانە باسقا دا ەلدەردىڭ عالىمدارى ۇلكەن قىزىعۋشىلىقپەن قابىلداپ وتىر. پرەزيدەنتتىڭ بۇل ەڭبەگى بۇكىل تۇركى حالقىنىڭ تاريحىنا وزگەرىس الىپ كەلۋى مۇمكىن"،-دەدى بەلگىلى تۇركولوگ.

پىكىر-تالاس كەزىندە اقتوبە وبلىسىندا «رۋحاني جاڭعىرۋ» باعدارلاماسىنىڭ جالعاسى - « ۇلى دالانىڭ جەتى قىرى» اتتى ماقالاداعى مىندەتتەردى جۇزەگە اسىرۋ تۋرالى جان-جاقتى پىكىر الماستى.

كەزدەسۋ سوڭىندا قوناقتار وڭىردە ۇلتتىق تاريحي-مادەني مۇرانى ساقتاۋ جانە دارىپتەۋ بويىنشا اتقارىلعان جۇمىستارعا جوعارى باعا بەردى.

"كيەلى جەرلەردى ساقتاپ، دامىتۋ ٴۇشىن كوپ دۇنيەلەر جاسالعانىن كورىپ تۇرمىز، ادەمى مۇراجاي سالىنعان. «اناعا تاعزىم» رۋحاني-ونەگەلىك تاربيە بەرۋ ورتالىعىن ەرەكشە اتاپ وتكىم كەلەدى. وتە دۇرىس باعىت تاڭدالعان، ويتكەنى ۇلت بولاشاعى – انالاردىڭ قولىندا"، - دەدى حالىقارالىق تۇركى اكادەمياسىنىڭ ۆيسە-پرەزيدەنت اسقار ۋماروۆ.

مۇنان سوڭ تالقىلاۋعا قاتىسۋشىلار اقتوبە وبلىسىنىڭ جاستارىمەن كەزدەستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي