BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

تۇركيادا رۋحاني جاڭعىرۋعا قاتىستى كونفەرەنسيا ٴوتتى

استانا، baq.kz. تۇركيادا «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كونفەرەنسيا ٴوتتى.

ٴىس-شارا قازاقستاننىڭ تۇركياداعى ەلشىلىگى مەن تۇركيانىڭ العاشقى پرەزيدەنتى م.ك. اتاتۇرىك قۇرعان، وسى ەلدىڭ ەڭ بەدەلدى قۇرىلىمدارىنىڭ ٴبىرى سانالاتىن تۇرىك تاريح ۇيىمىنىڭ باستاماسىمەن جانە تۇركيا رەسپۋبليكاسى پرەزيدەنت اكىمشىلىگىنىڭ قولداۋىمەن ۇيىمداستىرىلدى.

جيىنعا ەلشى ابزال ساپاربەك ۇلى، تۇركيا رەسپۋبليكاسى پرەزيدەنتىنىڭ باس كەڭەسشىسى يالچىن توپچۋ، تۇرىك تاريح ۇيىمىنىڭ باسشىسى رەفيك تۋران، سونداي-اق تۇركيانىڭ باسقا دا ىقپالدى ساياسي تۇلعالارى، تانىمال عالىمدارى مەن جوعارعى وقۋ ورىندارىنىڭ ۇستازدارى جانە بىلىمگەرلەرى قاتىستى.

جيىندى اشقان تۇرىك تاريح ۇيىمىنىڭ باسشىسى ر. تۋران تۇركى الەمىنىڭ قازاقستاننىڭ ەۋرازياداعى بەلسەندىلىگى مەن ىقپالىنىڭ ارتۋىنا ٴسۇيسىنىپ وتىرعانىن ايتتى. ول، سونداي-اق، نۇرسۇلتان نازاربايەۆتىڭ ۇلت مۇددەسى ٴۇشىن قاجەتتى ماقساتتاردى جۇزەگە اسىرعان، حالىققا جول اشقان جانە كەلەشەكتىڭ كەلبەتىن ايقىنداعان كوشباسشى ەكەندىگى تۋرالى پىكىرىن ٴبىلدىردى.

ٴوز كەزەگىندە، ەلشى ا. ساپاربەك ۇلى ەلباسىنىڭ قازاقستان عانا ەمەس، ورتالىق ازيا جانە كۇللى تۇركى الەمىنىڭ باياندى بولاشاعى ٴۇشىن ايانباي ەڭبەك ەتىپ كەلە جاتقانىن ايتىپ، مەملەكەت باسشىسىنىڭ تۇركى كەڭەسىن قۇرۋ، تۇركيا مەن رەسەي اراسىنداعى ۇشاق داعدارىسىن وڭعارۋ جانە سيريا ماسەلەسىن شەشۋگە باعىتتالعان استانا پروسەسىن ۇيىمداستىرۋ سياقتى باستامالارىنا توقتالدى.

تۇركيا پارلامەنتىنىڭ دەپۋتاتى، تۇركيا-قازاقستان دوستىق توبىنىڭ باسشىسى مەحمەت الي جەۆحەري ۇلى ويشىل، بۇكىل تۇركى جۇرتىنا يماندىلىق نۇرىن شاشقان اعارتۋشى احمەت ياساۋي ٴىلىمى جونىندە ٴسوز قوزعادى. ول ياساۋي بابامىزبەن قازاقستاندى الەمگە تانىتىپ، باسقا ەلدەرمەن ىنتىماقتاستىق ورناتۋ ارقىلى زاماناۋي مەملەكەت قۇرعان جانە تۇركى الەمىنىڭ اقساقالى اتانعان ن. نازاربايەۆتىڭ اراسىنداعى رۋحاني ساباقتاستىققا نازار اۋداردى.

جيىنعا ارنايى قاتىسقان تۇركيا رەسپۋبليكاسى پرەزيدەنتىنىڭ باس كەڭەسشىسى يا. توپچۋ نۇرسۇلتان نازاربايەۆتىڭ ستراتەگيالىق ساياساتى مەن كورەگەندىگىن اتاپ ٴوتىپ، «تۇعىرلى مەملەكەتتىڭ قۇرۋشىسى، پاراساتتى، كەمەڭگەر كوشباسشى رەتىندە تانىلعان ن. نازاربايەۆ تۇركى-يسلام الەمىنىڭ اقساقالى جانە قازاق باۋىرلارىمىزدىڭ عانا ەمەس، بۇكىل تۇركى الەمىنىڭ ماقتانىشى» - دەگەن پىكىرىمەن ٴبولىستى.

جيىن سەيفەتتين ەرول، حاسان ٴۇنال جانە كۇرشات زورلۋ سياقتى تۇركيانىڭ تانىمال عالىمدارى جانە تالداۋ ورتالىقتارىنىڭ باسشىلارى جاساعان باياندامالارمەن جالعاستى. باياندامالاردىڭ نەگىزگى ارقاۋىن ەلباسىنىڭ جۋىردا جاريالانعان ۇلى دالانىڭ جەتى قىرى اتتى باعدارلامالىق ماقالاسىنىڭ ٴارتۇرلى تۇستارى قۇرادى. بايانداماشىلار قازاق پرەزيدەنتىنىڭ « ۇلى دالانىڭ جەتى قىرى» اتتى اۋقىمدى ماقالاسىن جاريالاۋ ارقىلى قازاقستاننىڭ رۋحاني جاڭعىرۋىنا عانا ەمەس، تۇركى الەمىنىڭ بىرىگۋىنە باعدار بەرەتىن تاعى ٴبىر ماڭىزدى قادام جاساعىنىن تىلگە تيەك ەتتى. ساراپشىلاردىڭ پىكىرىنشە، ٴوزىنىڭ باعدارلامالىق ماقالاسىندا ن. نازاربايەۆ قازاقستاننىڭ تۇركىلىك تابيعاتىن ايقىندايتىن ماڭىزدى تۇجىرىمدار جاساپ، قازاق ەلىنىڭ تۇركى الەمىمەن بايلانىستارىن بەكىتە تۇسەتىن پراكتيكالىق قادامداردى ۇتىمدى ۇسىنعان.

سونىمەن قاتار، كونفەرەنسيا اياسىندا قازاقستان رەسپۋبليكاسىنىڭ تۇركياداعى ەلشىلىگى جانە قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ قولداۋىمەن قازاق جانە تۇرىك تىلىندە جارىق كورگەن «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋكەسەرى ٴوتتى. كىتاپقا ەلباسىنىڭ « ۇلى دالانىڭ جەتى قىرى» جانە «بولاشاققا باعدار: رۋحاني جاڭعىرۋ» اتتى قازاق جانە تۇرىك تىلدەرىندەگى ماقالالار ەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي