BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

تۇركىستان وبلىسىندا «مەنىڭ قازاقستانىم» ٴان بايقاۋى باستالدى

تۇركىستان وبلىسىندا ش.قالداياقوۆ اتىنداعى «مەنىڭ قازاقستانىم» وبلىستىق ٴان بايقاۋىنىڭ ىرىكتەۋ كەزەڭى ٴوتتى، دەپ حابارلايدى ۆaq.kz اقپارات اگەنتتىگى.

وبلىستىق مادەنيەت جانە تىلدەردى دامىتۋ باسقارماسى، وبلىستىق مادەنيەت جانە حالىق شىعارماشىلىعى ورتالىعىنىڭ ۇيىمداستىرۋىمەن وتكەن بايقاۋ ەلباسى ن.ٴا.نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسىن جۇزەگە اسىرۋ، استانانىڭ 20 جىلدىعىنا ارنالىپ وتىر.
بايقاۋدىڭ ماقساتى - كومپوزيتور ٴشامشى قالداياقوۆتىڭ شىعارمالارىن دارىپتەۋ، حالىق اراسىندا ٴان ونەرىن دامىتۋ، قازاق اندەرىن ورىنداۋشىلار اراسىنان جاس تالانت يەلەرىن انىقتاپ كاسىبي باعدار بەرۋ، جەكە شىعارماشىل تۇلعالاردىڭ قالىپتاسۋىنا ىقپال ەتۋ، انشىلەردىڭ ورىنداۋ شەبەرلىكتەرىن ارتتىرا وتىرىپ ولارعا قولداۋ كورسەتۋ جانە وتانسۇيگىشتىككە باۋلۋ، ۇلتتىق رۋحتا تاربيەلەۋ بولىپ تابىلادى.

بايقاۋدىڭ ٴبىرىنشى كەزەڭىندە ۇمىتكەرلەر ش.قالداياقوۆتىڭ، ەكىنشى كەزەڭدە تۇركىستان وبلىسى كومپوزيتورلارىنىڭ اندەرىن شىرقادى. سىرلى انمەن قازاق حالقىنىڭ ٴبىتىم-بولمىسىن، شىنايى بەينەسىن سيپاتتاپ، ٴان الەمىندە ايرىقشا ورنىن قالدىرعان ۇلى كومپوزيتور اتىن ۇلىقتايتىن ٴداستۇرلى ونەر دوداسىنىڭ اۋدان، قالادا وتكەن ٴبىرىنشى كەزەڭىنە 200-گە جۋىق ۇمىتكەر ٴوتىنىش ٴبىلدىرىپ، ونىڭ ىشىنەن 56 ۇمىتكەر وبلىستىق بايقاۋعا جولداما العان بولاتىن. ونەر بايگەسىنە 15 - 29 جاس ارالىعىنداعى ۇمىتكەرلەر قاتىستى.

قازاقتىڭ مۋزىكا ونەرىندە ٴشامشىنىڭ ورنى ەرەكشە 300-گە جۋىق اندەرى بار. بايقاۋدىڭ بيىلعى جەتىستىگى ۇلى كومپوزيتوردىڭ ورىندالماي جۇرگەن 15-تەن اسا ٴانى جارىققا شىعارىلىپ، ارنايى اسپاپتاردىڭ سۇيەمەلدەۋىمەن كورەرمەنگە جول تارتتى.

لاردىڭ قاتارىندا «كەل، بۋرابايعا»، «بايقوڭىر»، «كەلىن كەلدى»، «كوككولدەگى كەشتەر-اي»، «ەگىز ماقتا»، «عاشىق كۇندەر» جانە اباي قۇنانبايەۆتىڭ سوزىنە جازىلعان "تىڭدا مەنى، دوستارىم" سىندى اندەر بار.

1992 جىلدان بەرى داستۇرگە اينالعان بۇل بايقاۋدان ەلىمىزگە تانىمال شاكيزادا بايباتجانوۆا، قۇرمان شويىنبايەۆ، ساۋلە جەلدىبايەۆا، مارات ٴايتىموۆ، نۇرعالي تۇرلىبەكوۆ، حاديشا سەيىتوۆا، جۇبانىش جەكسەن ۇلى، گۇلجازيرا قايىربەكوۆا، توقتار سەرىكوۆ، اسقار جۇنىسبەكوۆ، «جىگىتتەر» كۆارتەتى، نۇرجان جۇسىپبەكوۆ، ٴمادىحان دۇيسەەۆ، احىنبەكوۆ رۋسلان، «سارىن» توبى سىندى ونەر يەلەرى قانات قاققان.

ۇلى تۇلعانىڭ بىرەگەي ونەر جولىن دارىپتەۋگە ارنالعان بايقاۋعا قاتىسقان 21 ونەرپاز اقتىق كەزەڭگە جولداما الدى. «مەنىڭ قازاقستانىم» وبلىستىق ٴان بايقاۋىنىڭ قورىتىندى دوداسى اعىمداعى جىلدىڭ 15 تامىز كۇنى ش.قالداياقوۆ اتىنداعى وبلىستىق فيلارمونيادا، جەڭىمپازداردى ماراپاتتاۋ جانە گالا-كونسەرت كەشكى ساعات 19:00-دە «تۇركىستان» سارايىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي