BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

پاۆلودارلىق ۇستازدار «رۋحاني جاڭعىرۋ» باعدارلاماسىن جۇزەگە اسىرۋعا ٴبىر كۇندىك جالاقىلارىن اۋدارۋعا قارسى

فوتو: Автор

ەرتىس ٴوڭىرىنىڭ ۇستازدارى «رۋحاني جاڭعىرۋ» باعدارلاماسىن جۇزەگە اسىرۋعا ٴبىر كۇندىك جالاقىلارىن اۋدارۋعا قارسىلىق بىلدىرۋدە، دەپ حابارلايدى baq.kz ايماقتاعى ٴتىلشىسى.

قوعامدىق سانانى جاڭعىرتۋعا اقشا جيناۋعا نارازى مۇعالىمدەر تىلشىلەر قاۋىمىنا مۇڭدارىن شاقتى. مۇعالىمدەردىڭ كوبى قارسىلىق بىلدىرۋدەن قورقادى ەكەن. سول سەبەپتى 60-70 مىڭ تەڭگەلىك جالاقىسى بار مامانداردىڭ ٴوزى ٴتۇرلى كولەمدەگى وسىنداي «قايىرىمدىلىققا» امالسىز بارادى.

«باستاپقىدا باعدارلامانى جۇزەگە اسىرۋعا قاراجات ەرىكتى تۇردە تاپسىرىلادى دەپ ويلادىم. كەيىن حاتشى كەلىپ، قارسىلىق بىلدىرگەن جاعدايدا ديرەكتورمەن اڭگىمەلەسسىن دەپ قىسقا قايىردى. ارىپتەستەرىمنىڭ اراسىندا كۇشتەپ اقشا جيناپ جاتىر دەگەن قاۋەسەت تاراپ جاتىر. مىنە، ٴوزىم كوز جەتكىزدىم»، - دەيدى ٴمۇعالىم سەرىك نۇرحانوۆا.

باعدارلامانى جۇزەگە اسىرۋعا قارجى ٴبولۋ يدەياسىن قولداعانداردىڭ قاتارىندا «رۋحاني پاۆلودار» قوعامدىق ۇيىمىنىڭ ديرەكتورى قوبلانبەك قوجين بار. كاسىپكەر ٴارى وبلىستىق ٴماسليحات دەپۋتاتى بۇل باستاما مەملەكەتتىك قىزمەتكەرلەر، بيۋدجەتتىك سالا ماماندارى مەن تۇرعىنداردىڭ قولداۋىنا يە بولادى دەگەن نيەتتە. قوبلانبەك قوجين العاشقى سالىم رەتىندە قوردىڭ ەسەپشوتىنا ٴوز قالتاسىنان 500 مىڭ تەڭگە اۋدارىپتى.

«قوعامدىق ۇيىم ەشكىمدى كۇشتەي المايدى. جينالعان قاراجات قاسيەتتى جەرلەرگە ساپار ۇيىمداستىرۋ، كيەلى ورىنداردى سالۋ مەن الەۋمەتتىك كومەككە جۇمسالادى»، - دەيدى قوبلانبەك قوجين.

ال پاۆلودار وبلىستىق ٴبىلىم بەرۋ باسقارماسىنىڭ وكىلدەرى «رۋحاني پاۆلودار» قوعامدىق قورىنا ۇستازداردان كۇشتەپ اقشا جيناعان مەكتەپ باسشىلىعىنا قاتىستى شارا قولدانىلاتانىن جەتكىزدى.

ۆەدومستۆو باسشىسى ٴدىنيسلام بولاتحان ۇلىنىڭ ايتۋىنشا، قورعا ٴبىر كۇندىك ەڭبەكاقى نەمەسە بەلگىلى ٴبىر مولشەردەگى قارجىنى اۋدارۋ ٴار ادامنىڭ كوز ەركى. باس پەداگوگ ۇستازداردى ماجبۇرلەۋ دەگەن بولماۋ كەرەك دەگەن پىكىردە. كەدەڭسىز جاعدايعا جول بەرگەندەر جاۋاپ بەرەدى.

«ٴبىزدىڭ تاراپىمىزدان قاراجاتتى جيناۋ-جيناماۋ بويىنشا ەسەپ جۇرگىزىلمەيدى. بۇل باعىتتا كۇشتەۋ، ماجبۇرلەۋگە جول بەرمەيمىز. ٴبىز ٴىستىڭ انىق-قانىعىنا كوز جەتكىزىپ، قىسىم كورگەندەردىڭ مۇددەسىن قورعاۋعا اتسالىسامىز. رۋxاني جاڭعىرۋدى سانانىڭ ٴوسۋى دەپ ٴبىلۋ كەرەك. مۇعالىمدەر قۇرىلعان قورعا تەك ٴوز ەركىمەن قالاعان سومانى اۋدارۋ نە اۋدارماۋعا ەرىكتى! كۇشتەۋ، زورلاۋعا ورىن جوق. ورىن العان جاعدايدا وزىمە تىكەلەي xابارلاسۋدى سۇرايمىن»، - دەيدى ٴدىنيسلام بولاتحان ۇلى.

ايتا كەتەيىك، پاۆلودار وبلىسىندا «رۋحاني جاڭعىرۋ» باعدارلاماسى شەڭبەرىندە 183 جوبا جۇزەگە اسىرىلدى. بۇل يگىلىككە 11 ملرد تەڭگە قاراسىرىلعان.. بۇل سومانىڭ 6 ملرد 700 ملن تەڭگەسى دەمەۋشىلەر تاراپىنان بولىنگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي