BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

پاۆلودارلىق ستۋدەنت قولشاتىر ٴارى ورىندىق بولاتىن امبەباپ تاياق ويلاپ شىعاردى

پاۆلودار ٴتۇستى مەتاللۋرگيا كوللەدجىندە «رۋحاني جاڭعىرۋ» باعدارلاماسى اياسىندا «تالانت، تەحنولوگيالار، شىعارماشىلىق» اتتى تەحنيكالىق تۋىندىلاردىڭ بايقاۋى وتۋدە، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

اتالمىش وقۋ ورنى ديرەكتورىنىڭ وقۋ-وندىرىستىك جۇمىسى جونىندەگى ورىنباسارى نادەجدا اگەەۆا مۇنداي شارا بەسىنشى جىل قاتارىنان وتكىزىلىپ جاتقانىن ايتتى.

«بۇل نەگىزىنەن تەحنيكالىق شىعارماشىلىق كورمەسى. بىزدە تەحنيكالىق ۇيىرمەلەر بار. وقۋ جىلىنىڭ اياعىندا سول ۇيىرمەدە جىل بويى جاسالعان جۇمىستاردىڭ قورىتىندىسى شىعارىلىپ، كورمەگە قويىلادى. وسى جىلى وڭىرىمىزدەگى بارلىق كوللەدجدەردى شاقىرىپ، وبلىستىق دەڭگەيدە وتكىزىپ وتىرمىز. ۇزدىك جۇمىستار استانا قالاسىنىڭ 20 جىلدىق مەرەيتويىنا جىبەرىلەدى. جۇلدەگەرلەر ماقتاۋ قاعازدارى مەن باعالى سىيلىقتارعا يە بولادى»، - دەيدى ول.

كوللەدج ستۋدەنتتەرى «قازىرگى جوبا ۇلگىلەرى» جانە «تەحنيكا جانە تەحنولوگيا» باعىتتارى بويىنشا سىنعا تۇسۋدە. ەرەكشە تۋىندىلاردىڭ قاتارىندا ەكىباستۇز قۇرىلىس تەحنيكالىق كوللەدجىنىڭ 1-كۋرس ستۋدەنتى بولاتبەك تاماشانىڭ دا جوباسى بار.

«بۇگىن قارت ادامدارعا ارنالعان امبەباپ تاياقشانى ۇسىنىپ وتىرمىن. ونى جاساۋعا ەكى ايداي ۋاقىت كەتتى. كوللەدجدەگى ۇستازدارىمنىڭ، باسشىلىقتىڭ كومەگىمەن ىسكە اسىرىلدى. ەگدە جاستاعى ادامدارعا ارنالعان تاياقتى قاريالار شارشاعان كەزىندە ورىندىق رەتىندە پايدالانسا بولادى. سونىمەن قاتار، جاۋىن-شاشىن كەزىندە، كۇننىڭ ىسىعان شاعىندا قولشاتىر بولا الادى. ٴبىر تاياقشانىڭ قۇنى – ٴتورت مىڭ تەڭگە. الداعى ۋاقىتتا پاتەنت الىپ، دەمەۋشىلەر قاراستىرۋ ويىمىزدا بار»، - دەيدى بولاتبەك تاماشا.

ايتا كەتەيىك، سايىسقا ٴوڭىرىمىزدىڭ 14 كوللەدجىنەن 30 جوبا ۇسىنىلۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي