BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

نۇرجان جولدىبالينوۆ: قوعام الدىنداعى ۇلكەن جاۋاپكەرشىلىكتى سەزىنەمىن ەكسكليۋزيۆ

فوتو: ашық дереккөзден

«100 جاڭا ەسىم» جوباسىنىڭ جەڭىمپازى، استانا قالاسىنداعى قازاقستان رەسپۋبليكاسى ۇلتتىق اكادەميالىق كىتاپحاناسى باسشىسىنىڭ اقپاراتتىق رەسۋرستار بويىنشا جەتەكشىسىنىڭ ورىنباسارى، it مامان نۇرجان جولدىبالينوۆ جوبادا جەڭىسكە جەتكەن سوڭ ەڭ الدىمەن بويىندا قورقىنىش سەزىمى پايدا بولعانىن ايتتى، دەپ حابارلايدى baq.kz ٴتىلشىسى.

«شىنىن ايتۋ كەرەك، بىلتىر قازاقستاننىڭ 100 جاڭا ەسىمى رەتىندە انىقتالعان ازاماتتار، بىزدەر، ٴالى ٴوزىمىزدى قوعام الدىندا تولىقتاي تانىتىپ ۇلگەرگەن جوقپىز. ناقتى جوبالار ازىرلەپ، ولاردى ىسكە اسىرىپ ۇلگەرگەن جوقپىز. ادام ٴوزىن بارلىق كەزدە ٴبىر جىلدا كورسەتىپ ۇلگەرە المايدى. سەبەبى، ونىڭ جوباسى ٴبىر كۇندىك تە، بىرنەشە جىلدىق تا بولۋى مۇمكىن»، - دەگەن ول ٴوزى قولعا العان جوبا 2020 جىلعا دەيىن جوسپارلانعانىن ايتتى.

قازاقستاندىق ۇلتتىق ەلەكتروندى كىتاپحانانى ازىرلەۋگە قاتىسقان ەڭ جاس it مامانداردىڭ ٴبىرى بولىپ سانالاتىن جولدىبالينوۆ تەك كىتاپحانا ەمەس، باسقا ٴىت سالالاردا دا ەڭبەكتەنۋگە نيەتتى ەكەنىن ايتتى.

«قازاقستاننىڭ جاڭا 100 ەسىمى» مەن ٴۇشىن نە بەردى دەگەنگە كەلسەك، ول ماعان ۇلكەن ىنتالاندىرۋ بەردى، العا ۇمتىلۋعا، دامۋعا جىگەرلەندىردى. مەن قوعام الدىنداعى جاۋاپكەرشىلىكتى سەزىندىم. وسى ورايدا، مەنىڭ تەك كىتاپحانادا عانا ەمەس، ٴوزىمدى باسقا سالالارداعى ٴىت جۇيەلەردى دامىتۋ ٴۇشىن ۇلەس قوسۋعا قۇلشىنىسىم پايدا بولدى. وسى جاۋاپكەرشىلىكتى سەزىنگەن سوڭ، ارتىلعان سەنىمدى اقتاۋعا تىرىساسىڭ. جالپى، مەن ٴوزىمنىڭ 100 جاڭا ەسىم قاتارىنا ەنگەنىمدى ەستىگەن كەزدە، مەنىڭ بويىندا ەڭ الدىمەن قورقىنىش سەزىمى پايدا بولدى. سەبەبى، حالىقتا «نەگە 100 جاڭا ەسىمگە ول ەندى، نەگە مەن ەمەس، بۇل نە اتقاردى، قانداي ەڭبەگى ٴسىڭدى» دەگەن سۇراقتار پايدا بولادى. مەن سول ەسىمگە لايىقتى بولعىم كەلدى»، - دەيدى جولدىبالينوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي