BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

كونە كىتاپتار كورمەسى

فوتو: Ержан Жаубай

استانادا 18 مامىر حالىقارالىق مۋزەي كۇنى قارساڭىندا «رۋحاني جاڭعىرۋ» باعدارالاماسى اياسىندا «كونە كىتاپ – رۋحني جاڭعىرۋدىڭ جارقىن جولى» اتتى كىتاپ كورمەسى ٴوتىپ جاتىر، دەپ حابارلايدى baq.kz اقپارات اگەنتتىگى.

وڭتۇستىك قازاقستان وبلىسى مادەنيەت باسقارماسىنىڭ قولداۋىمەن تۇركىستان قالاسىنداعى ازىرەت سۇلتان مۋزەيىندەگى قۇندى كىتاپتار استانالىقتاردىڭ نازارىنا ۇسىنىلىپ وتىر.

«مۇنداي كىتاپتار ٴبىزدىڭ قوردا 100-گە جۋىق. ال بۇگىنگى كوشپەلى كورمەگە 40 كىتاپ اكەلىپ وتىرمىز. بۇل جەرگە «ناساب-ناما» نۇسقالارىن، يسقاق باب، ابد ال-جاليل بابا قاتارلى قازاق دالاسىنا يسلام ٴدىنىن تاراتۋشى عۇلامالاردىڭ ناسابنامالارى مەن احمەت ٴياسساۋيدىڭ شەجىرەسى، ٴمورى، «ديۋاني حيكمەت» قولجازباسى جانە تاعى باسقا ٴدىني كىتاپتار قويىلعان. بارلىق جادىگەر ٴتۇپنۇسقا قالپىندا ساقتالعان. ٴبىر ەسكەرتە كەتەتىن جاي، بۇل كىتاپتارداعى يسلام ٴدىنى تۋرالى دەرەكتەردىڭ بارلىعى دا تازا حانافي ٴماسحابىن دارىپتەيتىن، اسىل ٴدىنىمىزدى ۇلىقتايتىن مالمەتتەر. بۇگىنگە دەيىن وننان استامى عانا اۋدارىلدى. بارلىعىن اۋدارۋعا بىزدە مۇمكىندىك تاپشى. سوعان قاراماستان، حالقىمىزعا كەرەك دۇنيەلەردى تاۋىپ جاتىرمىز. قانشا قۇندى دەگەنمەن، ۇزاق ساقتاۋ دا وڭاي ەمەس. كوبىنە قايتا جاڭعىرتۋ جۇمىستارىن جۇرگىزۋ كەرەك» - دەيدى تۇركىستان قالاسىنداعى تاريحي-مادەني ەتنوگرافيالىق ورتالىقتىڭ ديرەكتورى گۇلجانات دۇيسەنبايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي