BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

«كيەلى قازاقستان» ەكسپەديسياسى شىعىسقا بەت الدى

بۇگىن، ياعني 17 مامىردان باستاپ 26 مامىرعا دەيىن qazaqgeography قازاقستاندىق ۇلتتىق گەوگرافيالىق قوعامى نازاربايەۆ ۋنيۆەرسيتەتىمەن بىرلەسىپ قازاقستاننىڭ كيەلى جەرلەرى بويىنشا جىل سايىنعى «كيەلى قازاقستان» ەكسپەديسياسىن وتكىزۋدى باستادى، دەپ حابارلايدى baq.kz اقپارات اگەنتتىگى.

بيىلعى ساپار نەگىزىنەن شقو-عا باعىتتالعان. ەكسپەديسيا مۇشەلەرى اقكولدەگى ەسكى اعاش مەشىتتى، قوڭىر اۋليە ۇڭگىرىن، ابلاي-كيت موناستىرىنىڭ ورنىن، اقكول مازارىن، ايگىلى قۇنانباي ٴبيدىڭ مەشىتىن جانە قىزىلكەنت عيباداتحاناسىن زەرتتەيدى.

«كيەلى قازاقستان» ەكسپەديسيالارىنىڭ توپتاماسى، بىزگە عاسىرلار بويى جەتكەن رۋحاني مۇرا نىساندارىن جان-جاقتى زەرتتەۋگە باعىتتالعان. بۇل قۇرىلىستار – قازاقستان جەرىنىڭ ەجەلدەن بەرى ٴارتۇرلى رۋحاني تاجىريبەلەر مەن دۇنيەتانىمدار ٴۇيى بولعانىنىڭ ناقتى ايعاعى. مىسالى، اقكول مەشىتى ٴسىبىر-تاتار «مۇسىلمان» ستيلىندە باشقۇرت ساۋلەتشىلەرى تۇرعىزعان. ال جەر استىنداعى كول – قوڭىر اۋليە ۇڭگىرىمەن كوپتەگەن تەنگرياندىق اڭىزدار بايلانىستى. ابلاي-كيت جوڭعار موناستىرىندا 17 عاسىردا موڭعول تىلىندەگى قولجازبالار مەن بودحيساتتۆا سۋرەتتەرى تابىلعان. سونىمەن قاتار، قىزىلكەنت «قىزىل عيباداتحاناسىن» ٴبۋدديزمدى ۇستانعان تايپالار تۇرعىزعان» - دەيدى ەكسپەديسيا مۇشەلەرى.

قازاقستاننىڭ وسىنداي رۋحاني باي مۇراسىن نازاربايەۆ ۋنيۆەرسيتەتىنىڭ زەرتتەۋشىلەرى سارالاپ، ساراپتاپ كورمەكشى. عالىمدار گيس-كوورديناتالاردى انىقتاۋ، حالىق مالىمەتتەرى مەن اڭىزدارىن جازۋ جانە سيرەك مانۋسكريپتتەردى سيفرلاۋ جۇمىستارىن جۇرگىزەدى. بارلىق اقپارات كيەلى جەرلەردىڭ ەلەكتروندىق اتلاسى سايتىنىڭ نەگىزىنە جاتادى جانە ونلاين قولجەتىمدى بولادى.

qazaqgeography قازاقستاندىق ۇلتتىق گەوگرافيالىق قوعامى بەس باعىتتا جۇمىس ىستەيدى: گەوگرافيا، كليمات; قورشاعان ورتا، تابيعات رەسۋرستارى; بيوالۋانتۇرلىلىك; تۋريزم، ساياحات، ولكەتانۋ; تاريحي-مادەني مۇرا، ەتنوگرافيا. قازىرگى ۋاقىتتا قازاقستاندا 11 وكىلدىك اشىلعان. qazaqgeography جوبالاردى ەۋرازيالىق توپ (erg)، kaz minerals («شىعىستۇستىمەت» جشس) دەمەۋشىلىك قولداۋىمەن جۇزەگە اسىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي