BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

قازاقستاندا كيەلى مۇرالاردىڭ ەلەكتروندى اتلاسى جاسالادى

بۇگىن قر ۇكىمەتىنىڭ ٴباسپاسوز ورتالىعىندا وتكەن ٴباسپاسوز كونفەرەنسياسىندا عىلىمي قىزمەتكەر، نازاربايەۆ ۋنيۆەرسيتەتىنىڭ تاريح، فيلوسوفيا جانە ٴدىنتانۋ كافەدراسىنىڭ پوستدوكتورانتى ۇلان بيعوجين كيەلى مۇرالاردىڭ ەلەكتروندى اتلاسىن جاساۋ بويىنشا اتقارىلىپ جاتقان جۇمىستار تۋرالى ايتتى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

وسى ماقساتتا 17 مامىردا العاشقى ەكسپەديسيا جولعا شىعادى. ول استانا — ەكىباستۇز — قاراعاندى — وسكەمەن — سەمەي — استانا باعىتى بويىنشا جۇرەدى. ەكسپەديسيا قۇرامىنا تاريحشى ماماندار، انتروپولوگتار، ارحەولوگتار، دەرەكتانۋشىلار كىرەدى. ۇلان بيعوجين ايتىپ وتكەندەي، ٴتۇرلى قۇرىلعىلار مەن درونداردىڭ كومەگىمەن بەينەجازبا تۇسىرىلەدى. سونىمەن قاتار دەرەكتانۋ جۇمىستارى جۇرگىزىلەدى: جەرگىلىكتى تۇرعىنداردىڭ اراسىندا فولكلورلىق، اۋىزەكى، ەتنوگرافيالىق ماتەريالدار بويىنشا ساۋالناما جاسالادى.

«عىلىمي جۇمىس بارىسىندا ٴبىز xix–xx عاسىردىڭ باسىنا، 30-شى جىلداردىڭ ورتاسىنا قاتىسى بار كوپتەگەن جازباشا ماتەريالداردى ۇشىراستىردىق، ولار تۇرعىنداردىڭ قولىندا، ساندىقتارىندا جاتىر نەمەسە ٴورت كەزىندە ورتەنىپ كەتىپ جاتىر. بۇل قازاقتىڭ اۋىزەكى، ماتەريالدىق، جازباشا تاريحىنىڭ اۋقىمدى بولىگى: داپتەرلەر، قۇراندار، حاديستەر، جەرگىلىكتى يمامداردىڭ، مولدالاردىڭ، مۇعالىمدەر مەن قوعام قايراتكەرلەرىنىڭ جازبالارى، بىرنەشە جىلدان سوڭ بۇلار جويىلىپ كەتۋى مۇمكىن. ەگەر ٴبىز ماتەريالداردى ٴقازىر جيناماساق، وندا بۇگىنگى تاڭدا وزەكتى بولىپ وتىرعان جاھاندانۋ مەن حالىقتىڭ ۇلكەن قالالارعا قونىستانۋ پروسەستەرى بۇل كولەمدى فولكلورلىق-ەتنوگرافيالىق ماتەريالداردىڭ جويىلىپ كەتۋىنە اكەلەدى.

بۇل اتلاسقا ٴدال وسى مىندەت كىرەدى. ياعني ٴبىز ارحەولوگيالىق جانە ەتنوگرافيالىق ساراپتاما وتكىزەمىز»، — دەپ ٴتۇسىندىردى عالىم.

سونداي-اق، ونىڭ ايتۋىنشا، اتالعان اتلاس تۋريستەرگە ەۋروپادا نەمەسە اقش-تا جۇرگەن كەزدە جاي عانا باسىپ، وبەكتىلەردىڭ سۋرەتتەرىن قاراپ، وزدەرىنىڭ تۋريستىك باعىتىن قۇرۋعا مۇمىندىك بەرەدى. سونىمەن قاتار، اتلاس اكادەميكتەر ٴۇشىن جوعارى ماڭىزعا يە بولادى. كوپتەگەن شەتەل عالىمدارى قازاقستانعا كەلە المايدى، دەگەنمەن ٴوز وفيستەرىندە وتىرىپ، ماتەريالدارمەن تانىسا الادى.

«بۇل 12 نىسانعا بارىپ، ولاردى كارتاعا ٴتۇسىرىپ قانا قالدىراتىن جوبا ەمەس. ٴبىز ەلدىڭ كوپ كونفەسسيالىق، ەتنيكالىق جانە ٴدىني الۋان تۇرلىلىگىن كورسەتەتىن جوبانى جۇزەگە اسىرعىمىز كەلەدى. بۇل js-دەرەكتەرى، فوتوسۋرەتتەرى جانە ت.ب. بار ەنسيكلوپەديانىڭ وزىندىك ٴبىر ٴتۇرى»، — دەدى ۇ. بيعوجين.

«نازاربايەۆ ۋنيۆەرسيتەتىنىڭ» وكىلى ەۋروپادا، اسىرەسە شۆەيساريادا، ەلەكتروندى اتلاستار — بۇل ۇزاقمەرزىمدى جوبالاردىڭ ٴبىرى ەكەنىن اتاپ ٴوتتى. سول سياقتى قاسيەتتى مۇرانىڭ قازاقستاندىق اتلاسى دا جۇمىس ىستەيتىن بولادى. اتلاس ۆەب-سايت تۇرىندە ازىرلەنەدى جانە ۇنەمى تولىقتىرىلىپ وتىرادى. 2018 جىلى عالىمدار قازاقستاننىڭ شامامەن 3-4 وبلىسىن قامتۋدى جوسپارلاپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي