BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاق تىلىندەگى سۇرانىسقا يە 10 كىتاپ

فوتو: Автор

استانا baq.kz ٴتىلشىسى. ەلىمىزدە 2018 جىلدا ۇلكەن سۇرانىسقا يە بولعان قازاق تىلىندەگى كىتاپتار ٴتىزىمى انىقتالدى.

«ادامدار قازىرگى تاڭدا كىتاپ وقيما؟»، «وقىسا قانداي كىتاپتار ولاردى قىزىقتىرادى؟». «قانداي اۆتورلاردىڭ ەڭبەكتەرى جاقسى سۇرانىسقا يە؟» دەگەن سۇراقتاردىڭ جاۋابىن «مەلومان» ساۋدا جەلىسىنە بارىپ ساراپتاما جۇرگىزىپ ٴار ٴتۇرلى جانرداعى 10 كىتاپتى انىقتادىق.

ەڭ ٴبىرىنشى ورىنعا «ٴبارى دە ٴوز قولىڭدا» اتتى سەرىكباي بيسەكەەۆتىڭ كىتابى ورنالاستى. تانىمال بيزنەسمەن ٴوزىنىڭ جەتىستىككە جەتۋىنە كومەكتەسەتىن ومىرلىك ۇستانىمدارىمەن بولىسەدى. اۆتور وقىرماندارمەن اشىق اڭگىمەلەسەدى، ٴوز ٴومىرى جايىندا ٴسوز قوزعايدى، جەتىستىككە جەتۋ قۇپيالارىمەن ٴبولىسىپ، جاڭا كاسىپكەلەرگە كەڭەس بەرەدى. بۇل كىتاپتى ەكى تىلدە دە الۋعا مۇمكىندىك بار.

ەكىنشى ورىنعا شوقان ٴۋاليحانوۆتىڭ «ىستىق كولگە ساياحات كۇندەلىگى» اتتى كىتابى ورنالاستى. 22 جاسىندا ول قاشقارياعا ورىس بارلاۋ ەكسپەديسياسىن باسقاردى. وسى ساياحاتتاعى گەوگرافيالىق، ەتنوگرافيالىق جانە تىلدىك ماتەريال ٴومىر جانە كوشپەلى حالىقتارىنىڭ ٴومىرى جايىنداعى قىزىقتى وقيعالارىمەن بولىسەدى.

ٴۇشىنشى ورىنعا «ماملۇك» اۆتورى بەلگىلى كينودراماتۋرگ، رەجيسسەر ەرمەك تۇرسىنوۆ. xiii ع. مىسىردى بيلەگەن اس-زاحر بەيبارىس جايلى باياندايدى. كىتاپ - اۆتوردىڭ تاياۋ شىعىس ەلدەرىنىڭ ەرتە ورتاعاسىرلىق تاريحىن ۇزاق ۋاقىت زەرتتەۋىنىڭ ناتيجەسى. ٴدال وسى اراب الەمىنە سىناق بولعان كەزەڭدە ۇلى دالا ۇلى، زامانداستارى رۋكن-اد-دين دەپ اتاعان بەيبارسىتىڭ ٴومىرى جايىندا باياندالادى. ٴدىن، تاريح جانە ومىرگە دەگەن كوزقكراسى جازىلعان. بۇل كىتاپ وقىرماندى وزىندىك وي قورىتۋعا، دۇنيەتانىمىن كەڭەيتىپ، ىزدەنۋگە يتەرمەلەيدى.

ٴتورتىنشى ورىنعا باقىتجان بۇقاربايدىڭ «كۇمىس كىتاپ» اتتى قىزىقتى وقيعالار جيىنتىعى ورنالاستى. كىتاپتا بەلگىلى ٴبىر تاقىرىپ جوق، بۇل ومىردەگى كەزدەسەتىن قىزىقتى وقيعالار، قيىندىقتاردىڭ جيىنتىعى. اننوتاسياسىندا «قانداي كىتاپ ەكەنىن بىلگىڭ كەلسە، وقىپ كور» دەگەن جازبانى كوردىك. سوندىقتان دا بۇل كىتاپ وقىرماندار كوڭىلىنەن ورىن تاپقان.

بەسىنشى ورىنعا "قازاقتار. تاريح جانە مادەنيەت" xv-xix عاسىرلارداعى قازاق ٴداستۇرلى قوعامىنىڭ تاريحى مەن مادەنيەتى تۋرالى جازىلعان. باسقا تاريحي كىتاپتاردان ەرەكشەلىگى 1700-گە جۋىق يلليۋستراسيالار، ولاردىڭ ىشىندە 28 كونە جانە سيرەك كارتالار بار. xviii-xix عاسىرلارداعى قازاق بيلەۋشى ەليتاسىنىڭ بەلگىسىز پورترەتتەرى اشىلعان. بۇل كىتاپتى ٴۇش تىلدە الۋعا بولادى.

التىنشى ورىنعا كامشات بەكجىگىتوۆانىڭ «ويىڭدى وزگەرتىپ، ٴومىرىڭدى وزگەرت». اۆتور وقىرمانعا اقىل ايتپايدى. ول ٴوزىنىڭ باسىنان كەشكەن قيىندىقتاردى قالاي جەڭىپ شىققانىن باياندايدى. وعان نە تۇركى بولعانىن جەتكىزەدى. جوقشىلىقپەن كۇرەسۋ مەن جالعىزدىقتان ارىلۋدىڭ ەڭ ۇتىمدى جولدارىن ۇسىنادى.

جەتىنشى ورىنعا «مەنىڭ ەكىنشى كىتابىم» اتتى ٴلايلا سۇلتانقىزىنىڭ ەڭبەگى. اننوتاسياسىندا: «بۇل كىتاپتى جازعان اقىلى اسقان عۇلاما عالىم ەمەس، وزىڭىزدەي ادام، وزىڭىزدەي ايەل ەكەنىن ۇمىتپاڭىز. بۇل كىتاپتى وزىنە قويىلعان كوپتەگەن سۇراققا جاۋاپ رەتىندە جازىپ وتىر دەپ ساناڭىز. ايتتىم عوي، گۋرۋ ەمەسپىن، ساراپشى ەمەسپىن. قولىمنان كەلەتىنى - كورگەن-بىلگەنىممەن ٴبولىسۋ، شىن جۇرەكتەن، تازا نيەتپەن ٴبولىسۋ. ٴومىرىمدى، تۇيگەنىمدى بار كۇيىندە بايانداپ بەرۋ عانا. وقىپ شىعىڭىز. ۇنار، ۇناماس... كەيبىر كەڭەستەر قاجەتىڭىزگە جارار. بەتپە-بەت تىلدەسكەندەي بولايىق دەپ، ادەيى اۋىزەكى سويلەۋ ستيلىندە جازدىم. سوندىقتان سىرلاس قۇربىڭىزدىڭ كۇندەلىگى رەتىندە قابىلداڭىز» دەلىنگەن.

سەگىزىنشى ورىنعا رىسمەنديەۆ امانجولدىڭ «كاسىپكەرلىك قۇپياسى» ورنالاستى. كاسىپكەرلىك قۇپياسى بيزنەستى نولدەن اشقىسى كەلەتىن كاسىپكەرلەر ٴۇشىن جازىلعان. كىتاپ جارناما، ماركەتينگ، ساتۋ، كليەنتتەردى ۇستاپ قالۋ، كوشباسشىلىق جانە باسقارۋ سياقتى تاقىرىپتاردى اشادى.

توعىزىنشى ورىنعا تاريحي كىتاپتاردىڭ ٴبىرى بولات جانداربەكوۆ «ساقتار» اتتى جيناعى ورنالاستى.

سوڭعى ورىنعا بايان ماقساتقىزىنىڭ «بايان. ٴوزىم جايلى عانا ەمەس» اتتى ەڭبەگى ورنالاستى. كىتاپتا پروديۋسەردىڭ جاس كەزىنەن باستاپ، قازىرگى ساتىنە دەيىنگى ٴومىرى باياندالعان.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي