BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاق حانى قايىپ مۇحاممەد پەن وسمانلى سۇلتانى ٴىىى اxمەتتىڭ حاتتارى كورمەگە قويىلدى

بۇگىن استاناداعى قازاقستان رەسپۋبليكاسىنىڭ ۇلتتىق مۋزەيىندە يۋنۋس ەمرە اتىنداعى تۇرىك مادەني ورتالىعىنىڭ ۇيىمداستىرۋىمەن جانە تۇركيانىڭ قازاقستانداعى ەلشىلىگى، سونىمەن قاتار، قازاقستان رەسپۋبليكاسىنىڭ ۇلتتىق مۋزەيىنىڭ قولداۋىمەن «وسمانلى مەملەكەتى مەن ورتا ازيا حاندىقتارى قارىم –قاتىناستارىنىڭ قۇجاتتارى» اتتى كورمەنىڭ اشىلۋ سالتاناتى ٴوتتى، دەپ حابارلايدى baq.kz اقپارات اگەنتتىگى.

كورمەگە وسمانلى مەملەكەتى مەن ورتا ازيا حاندىقتارىنىڭ قارىم-قاتىناستارىن باياندايتىن 40 قۇجات قويىلعان.

ول قۇجاتتاردىڭ قاتارىندا قازاق حانى قايىپ مۇحاممەدكە جولدانعان وسمانلى سۇلتانى ٴىىى اxمەتتىڭ حاتىنىڭ كوشىرمەسى (1713 جىلعى 21 تامىز);

قازاق حانى قايىپ مۇحاممەد جولداعان ون بولەك سىي-سياپات تىركەلگەن داپتەردىڭ كوشىرمەسى (1713 جىلعى 21 تامىز);

قازاق حانى قايىپ مۇحاممەتتىڭ ەلشىسى سەيىت مۇحاممەدقۇل بەي تاپسىرعان حاتتىڭ اۋدارماسىنىڭ كوشىرمەسى (1714 جىل 16 قاڭتار);

قازاق حانى قايىپ مۇحاممەدتىڭ ەلشىسى مۇحاممەد قۇلدىڭ اۋىزشا سالەمىنىڭ قاعازعا تۇسىرىلگەن نۇسقاسى (1714 جىلعى 16 قاڭتار);

قازاق حانى قايىپ مۇحاممەدتەن كەلگەن حاتتىڭ كوشىرمەسى (حاتتا وسمانلى مەملەكەتىنىڭ شىنايى دوسى ەكەندەرى، ٴار دايىم دۇعا ەتەتىندەرى تۋرالى جازىلعان، 1716 جىلعى 14 جەلتوقسان);

م. لەسساردىڭ ورتالىق ازيا ساياحاتى تۋرالى «central asia no1» دەپ اتالاتىن راپورتىنىڭ تانىستىرىلىمى (1883 جىل);

تۇركىستان ايماعىنىڭ بەرليندە باسىلعان كارتاسى (1862 جىل) ٴتارىزدى ماڭىزدى قۇجاتتار بار.

«قازاقستان پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ» باعدارلاماسىنا سايكەس، وسىنداي مادەني شارالار جۇرگىزىلىپ جاتقانىنا قۋانىشتىمىز. وزدەرىڭىزگە ٴمالىم، وتكەن جىلى قازاقستان مەن تۇركيانىڭ ديپلوماتيالىق قارىم-قاتىناستارىنىڭ ورناعانىنا 25 جىل تولۋىن ماقتانىشپەن اتاپ وتكەن ەدىك. قازاقستان تاۋەلسىزدىگىن العاش مويىنداعان ەل رەتىندە تاريحى، ٴدىنى، ٴدىلى، مادەنيەتى ورتاق ەكى مەملەكەتتىڭ قارىم-قاتىناسىنىڭ كۇن سايىن نىعايۋى كوكىرەگىمىزدە ماقتانىش سەزىمىن ۇيالاتادى. ارينە، تۇركيا مەن ورتالىق ازيانىڭ بايلانىستارى جاڭا تاريحتىڭ ەنشىسىندەگى دۇنيە ەمەس. وسمان مەملەكەتى سوناۋ ون التىنشى عاسىردان بەرى بۇل ولكەگە ماڭىز بەرىپ، ورتالىق ازيانىڭ بۇقار، قوقان، حيۋا حاندىقتارىنا ەلشىلەرىن جىبەرۋ ارقىلى باۋىرلاس ەلدەرمەن ساياسي-ەكونوميكالىق قاتىناستارىن دامىتۋعا ۇلەس قوسقان. مىنە، وسىنداي ورتاق تەرەڭ تاريحىمىزدىڭ اسا قۇندى دەرەكتەرىن ٴبولىسۋ ماقساتىندا ٴبىز سىزدەرمەن وسى ارادا جينالىپ وتىرمىز»، - دەدى تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى نەۆزات ۇيانىك كورمەنىڭ اشىلۋ سالتاناتىندا سويلەگەن سوزىندە.

سونداي-اق، بۇحارا، حيۋا جانە قوقان حاندىقتارى مەن وسمانلى مەملەكەتىنىڭ قارىم-قاتىناستارىن كورسەتەتىن باسقا حاتتار، ماڭىزدى دەرەكتەر مەن كارتالار دا كورمەگە قويىلىپ وتىر.

«وسمانلى مۇراعاتتارىندا مۇنداي دەرەكتەر وتە كوپ. الەمنىڭ 40-تان استام ەلىنە قاتىستى دەرەك ساقتالعان. قازىرگى كەزدە وسمانلى ارحيۆىندە 95 ملن قۇجات پەن ٴتۇرلى دەرەكتەر جازىلعان 400 مىڭ داپتەر بار. كۇن سايىن بۇل مۇراعاتقا الەمنىڭ تۇكپىر-تۇكپىرىنەن 200-دەن استام زەرتتەۋشى كەلىپ، زەرتتەۋ جۇمىستارىن جۇرگىزىپ وتىر. وسى تۇرعىدا، قازاقستاندىق باۋىرلارىمىز دا كەلىپ، ٴوز تاريحتارىنا قاتىستى دەرەكتەرىن ىزدەۋگە بولادى. ٴبىزدىڭ ەسىگىمىز ٴارقاشان ايقارا اشىق» - دەيدى تۇركيا رەسپۋبليكاسىنىڭ پرەمەر-مينيسترىنە قاراستى مۇراعاتتار باسقارماسىنىڭ باس ديرەكتورى، دوكتور، پروفەسسور ۋعۇر ٴۇنال.

ەكسپوناتتاردىڭ اراسىندا تۇركيا مەملەكەتتىك ٴارحيۆىنىڭ تارتۋى رەتىندە قازاقتاردىڭ تۇركياعا كوشىنە قاتىستى قوسىمشا قۇجاتتار دا بار. «وسمانلى مەملەكەتى مەن ورتالىق ازيا حاندىقتارى قارىم-قاتىناستارى قۇجاتتارىنىڭ» كورمەسى 20 مامىرعا دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي