BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاق ادەبيەتىنىڭ انتولوگياسى كەمبريدج ۋنيۆەرسيتەتىندە اعىلشىن تىلىندە شىعارىلادى

كەمبريدجدە ( ۇلىبريتانيا) «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيا مەن كەمبريدج ۋنيۆەرسيتەتى باسپاحاناسى اراسىندا ىنتىماقتاستىق جونىندە مەمورۋندامعا قول قويىلدى، دەپ حابارلادى قازاقپارات.

بەلگىلى بولعانداي، قازىرگى زامانعى قازاق ادەبيەتى ۇلگىسىنىڭ جيناعىن بۇۇ-نىڭ التى تىلىنە اۋدارۋ جۇمىسى «جاھاندىق الەمدەگى قازىرگى قازاقستاندىق مادەنيەت» جوباسى اياسىندا جۇزەگە اسىرىلۋدا. جوبا قازاقستان پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ» باعدارلاماسىنىڭ ماڭىزدى ٴبىر بولىگى بولىپ تابىلادى. «جاھاندىق الەمدەگى قازىرگى قازاقستاندىق مادەنيەت» جوباسىنىڭ ماقساتى - قازاقستان تاۋەلسىزدىك العاننان بەرگى ٴبىزدىڭ ادەبيەتتىڭ، مۋزىكا جانە بەينەلەۋ ونەرىنىڭ، حورەوگرافيا، كينو مەن تەاتردىڭ جەتىستىكتەرىن الەمگە پاش ەتۋ بولىپ تابىلادى. قازاقستاندىق تاراپتان مەموراندۋمعا «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيانىڭ حاتشىسى ايدا بالايەۆا قول قويدى.

«بريتاندىق كەڭەس جاقتان قولداۋدىڭ بولۋى، سونىمەن بىرگە سambridge university press سەكىلدى بەلدى ۇيىممەن ىنتىماقتاستىق پەن ونىڭ 500 جىلدىق تاريحى، تالاسسىز ابىرويى ٴبىزدىڭ جوبانىڭ ساتتىلىگىنە نەگىز بولار دەگەن سەنىمدەمىز. بۇل اۋدارما جۇمىسىنىڭ جوعارى ساپاسىنا وڭ اسەر ەتىپ، باسىلىمنىڭ ۇلىبريتانيادا عانا ەمەس، جالپى اعىلشىن ٴتىلدى الەمگە تارالۋىنا مۇمكىندىك بەرەر دەگەن سەنىمدەمىز. ٴدال وسىنداي اۋدارما جۇمىستارىن يسپان، فرانسۋز، ورىس، قىتاي جانە اراب تىلدەرىنە اۋدارىپ، انتولوگيا رەتىندە شىعارۋ ٴۇشىن كەلسسىوزدەردى جۇرگىزىپ جاتقانىمىزدى اتاپ وتكىم كەلەدى. الەۋەتتى سەرىكتەستەرگە تالاپ تا جوعارى. الدىمەن تاجىريبەگە، ابىروي مەن باسپاحانانىڭ مۇمكىندىكتەرىنە باسىمدىق بەرىلەدى»، - دەدى ايدا بالايەۆا مەموراندۋمعا قول قويۋ راسىمىندە سويلەگەن سوزىندە.

ٴوز كەزەگىندە سambridge university press ۇيىمىنىڭ رەفورما جانە ٴبىلىم جونىندەگى ديرەكتورى دجەين مانن قازاقستانمەن مادەني جوبا باعىتىنداعى ىنتىماقتاسىققا قۋاناتىندارىن جەتكىزدى. «قازاقستاندىق اۆتورلاردىڭ پروزاسى مەن پوەزياسىن اعىلشىن ٴتىلدى الەمنىڭ وقىرماندارىنا تانىستىرۋ ٴۇشىن بارلىق كۇش-جىگەرىمىزدى سالامىز. سambridge university press بۇل رەتتە جۇمىس جۇرگىزۋ مۇمكىندىگىنە يە بولىپ وتىرعانى ٴۇشىن العىسىن بىلدىرەدى»، - دەيدى ول.

ايتا كەتسەك، «رۋحاني جاڭعىرۋ» باعدارلاماسىنىڭ ماڭىزدى بولىگى سانالاتىن «جاھاندىق الەمدەگى قازىرگى قازاقستاندىق مادەنيەت» جوباسى بويىنشا قازىرگى ۋاقىتتا ەكى انتولوگيا بويىنشا قىزۋ جۇمىستار ٴجۇرىپ جاتىر. ولار - «قازاقستاننىڭ قازىرگى پوەزياسىنىڭ انتولوگياسى» مەن «قازاقستاننىڭ قازىرگى پروزاسىنىڭ انتولوگياسى». ٴاربىر انتولوگيا بەس ٴجۇز بەتتەن تۇرادى. ٴاربىر انتولوگياعا 30 قازاقستاندىق اۆتوردىڭ ەڭبەكتەرى ەنەدى.

انتولوگيالاردىڭ قۇرىلىمى مەن مازمۇنى قازاقستان جازۋشىلار وداعىنىڭ ارنايى وتىرىسىندا بەكىتىلگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي