BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

 «كارلاگ» تاريحىنىڭ قۇجاتتارى ساندىق جۇيەگە كوشىرىلە باستادى

قاراعاندىدا «رۋحاني جاڭعىرۋ» باعدارلاماسى بويىنشا «كارلاگ سيفرلىق فورماتتا» جوباسى جۇزەگە اسىرىلۋدا. جوبا بويىنشا «كارلاگ» مۇراجايىنىڭ قۇندى قۇجاتتارى ساندىق فورماتقا كوشىرىلىپ، عالامتوردا قولجەتىمدى بولماق، دەپ حابارلايدى baq.kz ايماقتاعى ٴتىلشىسى.

قاراعاندى وبلىسىنىڭ دولينكا ەلدى مەكەنىندەگى «كارلاگ» ساياسي قۋعىن-سۇرگىن قۇرباندارىن ەسكە الۋ مۇراجايىنىڭ تاريحي قۇجاتتارى ساندىق جۇيەگە اۋىستىرىلۋدا. بولاشاقتا كەز كەلگەن نيەت ٴبىلدىرۋشى عالامتور جەلىسىندەگى ورتالىق كىتاپحانالىق جۇيەسىنىڭ سايتى ارقىلى «كارلاگ» مۇراجايىنىڭ قۇندى قۇجاتتارىمەن، تاريحي ماتەريالدارىمەن تانىسا الادى. اتالعان جوبانى «رۋحاني جاڭعىرۋ» باعدارلاماسى اياسىندا شاحتينسك قالاسىنىڭ كىتاپحاناشىلارى جۇزەگە اسىرۋدا.

«ارنايى وسى ماقساتتا جوعارى جىلدامدىقتا جۇمىس ىستەيتىن سكانەر ساتىپ الدىق. سكانەردىڭ قۇنى – 10 ملن تەڭگە. ول ٴبىر بەت ٴماتىندى 0،3 سەكۋند ىشىندە جوعارى ساپامەن ەلەكتروندىق نۇسقاعا اۋىستىرا الادى. جابدىقتاردى ساتىپ الۋ مۇمكىندىگى «رۋحاني جاڭعىرۋ» باعدارلاماسىنىڭ اياسىندا مۇمكىن بولىپ وتىر. ٴبىز «رۋحاني قازىنا» قوسالقى باعدارلاماسى بويىنشا «كارلاگ سيفرلىق فورماتتا» جوباسىن قۇرىپ، جۇمىس جاساپ جاتىرمىز»، - دەيدى شاحتينسك قالاسىنداعى كىتاپحانا ديرەكتورى يرينا كالينينا.

ونىڭ ايتۋىنشا، دولينكا كەنتىندەگى ساياسي قۋعىن-سۇرگىن قۇرباندارىن ەسكە الۋ مۇراجايىنداعى ماتەريالداردى ساندىق نۇسقاعا اۋىستىرۋدى كەزەڭ-كەزەڭمەن جۇزەگە اسىرىلادى.

«ٴبىرىنشى كەزەڭدە ەلەكتروندىق فورماتقا شامامەن 400 كىتاپ جانە گازەت باسىلىمدارىن اۋىستىرۋ جوسپارلانىپ وتىر. مۇراجاي قورىندا وتكەن عاسىردىڭ 30-شى جىلدارىندا لاتىن قارپىندە جارىق كورگەن «جاڭا جول» جانە «پۋتيوۆكا» گازەتتەرى بار. وسى باسىلىمدار دا ساندىق فورماتتا قولجەتىمدى بولادى. كەلەسى كەزەكتە تاريحي قۇجاتتار ساندىق نۇسقاعا كوشىرىلەتىن بولادى. ونىڭ ىشىندە نكۆد بۇيرىقتارى، قۋعىنعا ۇشىراعانداردىڭ حاتتارى جانە ت.ب. قۇندى قۇجاتتار بار. وسىلايشا اتالعان قۇجاتتارعا كەز-كەلگەن نيەت ٴبىلدىرۋشى ورتالىق كىتاپحانالىق جۇيە سايتى ارقىلى قول جەتكىزە الادى»، - دەيدى كىتاپحانا ديرەكتورى.

سونداي-اق، 2019 جىلى «سيفرلىق فورماتتاعى كىتاپحانا» جوباسى ىسكە اسىرىلماق. جوبا اياسىندا شاحتينسك كىتاپحاناسىنداعى سيرەك كەزدەسەتىن جانە ەسكى باسىلىمدار، سونىمەن قاتار ولكەتانۋ ماتەريالدارى ەلەكتروندى نۇسقاعا كوشىرىلە باستايدى.

«ٴبىزدىڭ كىتاپحانامىزدا قۇندى ادەبيەتتەر بار. مىسالى، 1897 جىلى باسىپ شىعارىلعان «پەرەدۆيجنيكي» كىتابى، ونىڭ تاراتىلىمى الەم بويىنشا نەبارى 100 دانانى قۇرايدى. وسى سياقتى ادەبي باسىلىمدار ساندىق نۇسقاعا اۋىستىرىلادى»، - دەدى يرينا كالينينا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي