BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

قاراعاندىدا بۇقار جىراۋ قالقامان ۇلىنىڭ 350 جىلدىعىنا ارنالعان كورمە-بايقاۋ ٴوتتى

قاراعاندىدا دوستىق ۇيىندە بەينەلەۋ ونەرى جانە ساندىك-قولدانبالى شىعارماشىلىق كورمەسى اشىلدى. ول تانىمال جىرشى، مەملەكەت قايراتكەرى بۇقار جىراۋ قالقامان ۇلىنىڭ 350 جىلدىعىنا ارنالادى، دەپ حابارلايدى baq.kz اقپارات اگەنتتىگى.

شارانى بۇقار جىراۋ اۋدانىنىڭ اكىمدىگى، وبلىستىق قازاقستان حالقى اسسامبلەياسى مەن «وبلىس اكىمى اپپاراتىنىڭ «قوعامدىق كەلىسىمى» كمم ۇيىمداستىردى.

«بۇل شارانىڭ ماقساتى – وسكەلەڭ ۇرپاققا كارتينالار، ٴبىزدىڭ ۇلى جىراۋدىڭ ميراسى، ونەرى ارقىلى ونىڭ شىعارماشىلىعىن ناسيحاتتاۋ بولىپ تابىلادى. مۇنداي كورمە-بايقاۋ العاش رەت وتكىزىلىپ وتىر، الايدا ٴبىز ونى بەس جىلدا ٴبىر ۇيىمداستىرىپ وتىرۋدى جوسپارلاپ وتىرمىز»، - دەدى بوتاقارا كەنتىنىڭ ونەر مەكتەبىنىڭ ٴمۇعالىمى، كورمەنى ۇيىمداستىرۋشىلاردىڭ ٴبىرى امانتاي اكىشەۆ.

بايقاۋ-كورمەگە ٴوز تۋىندىلارىن 23 سۋرەتشى ۇسىنعان. كورەرمەندەر نازارىنا سالىنعان جادىگەرلەردىڭ جالپى سانى – 47. قاتىسۋشىلاردىڭ جاس مولشەرى 25-تەن 70-كە دەيىنگى ارالىقتا.

قازىلار القاسىنىڭ مۇشەرەلى ايتۋىنشا، بارلىق جۇمىستار وزىنشە ٴبىر ەرەكشە تۋىندى، جانەدە ولاردىڭ اراسىنان ەڭ ۇزدىگىن تاڭداۋ قيىنعا سوققان.

«بايقاۋعا جاس تا، تاجىريبەلى، تانىمال سۋرەتشىلەردىڭ تۋىندىلارى دا سالىندى. بارلىق قاتىسۋشىلار جاقسى دايىندالعان ەكەن، ولارعا العىسىمىز زور. ولار بۇقار جىراۋدىڭ بەينەسىن جانە سول كەزدەگى حالقىمىزدىڭ تۇرمىسىن بەينەلەۋى ٴتيىس ەدى. بىزگە ۇزدىك جۇمىستاردى تاڭداۋ قيىن بولدى»، - دەدى قازىلار القاسىنىڭ ٴتوراعاسى، قر سۋرەتشىلەر وداعىنىڭ مۇشەسى، قر ەڭبەك سىڭىرگەن قايراتكەرى بەيبىت مۇستافين.

جەڭىمپازدارعا ديپلومدار مەن اقشالاي سىيلىقتار، ال باسقا قاتىسۋشىلاردىڭ بارلىعىنا العىس حاتتار تابىس ەتىلدى.

بايقاۋ-كورمە قر پرەزيدەنتى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ اياسىندا وتكىزىلىپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي