BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

استانادا ىلەسپە اۋدارمادان شەبەرلىك كۋرستارى وتۋدە

استانا، baq.kz. قر مادەنيەت جانە سپورت مينيسترلىگى ٴتىل ساياساتى كوميتەتىنىڭ تاپسىرىسى بويىنشا «ش.شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعى» كەاق «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2019 جىلدارعا ارنالعان مەملەكەتتىك باعدارلاماسى» اياسىندا مەملەكەتتىك ٴتىلدىڭ قولدانىس دەڭگەيىن كەڭەيتۋ، ىلەسپە اۋدارماشىلاردىڭ بىلىكتىلىگىن ارتتىرۋ ماقساتىندا قازاقشا-ورىسشا، ورىسشا-قازاقشا ىلەسپە اۋدارما جۇرگىزۋدى ۇيرەتۋدىڭ شەبەرلىك كلاستارىن وتكىزۋدى باستادى.

شارانىڭ اشىلۋ سالتاناتىنا ٴتىل ساياساتى كوميتەتىنىڭ ٴتوراعاسى قۋات بوراش جانە «ش.شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعىنىڭ» ديرەتكورى ەربول تىلەشوۆ، وزگە دە ٴتىل ماماندارى قاتىسىپ، ەلىمىزدەگى اۋدارما سالاسى، ٴتىل ماسەلەسى، جاڭا لاتىن الىپبيىنە كوشۋ الدىندا كەزدەسەتىن پروبلەمالار مەن ونى شەشۋدىڭ جولدارى تۋرالى ويلارىمەن ٴبولىستى.

مەملەكەتتىك دەڭگەيدەگى كەلىسسوزدەر، القالى جيىنداردا ىلەسپە اۋدارما جاسايتىن ماماندار قىزمەتىنە، مەملەكەتتىك ماڭىزى بار ىلەسپە اۋدارما ماسەلەسى ٴالى دە نازار اۋدارۋدى قاجەت ەتەتىنى بەلگىلى.

اتالعان شەبەرلىك كلاستارى مەملەكەتتىك ٴتىلدىڭ قولدانىس اياسىن كەڭەيتۋ ماقساتىندا قازاقشادان ورىسشاعا جانە ورىسشادان قازاقشاعا ىلەسپە اۋدارما جاسايتىن اۋدارماشىلاردىڭ بىلىكتىلىگىن ارتتىرۋدى كوزدەيدى.

شەبەرلىك كلاستارىندا اۋدارما تەورياسى، جازباشا اۋدارما مەن اۋىزشا اۋدارمانىڭ ەرەكشەلىكتەرى، ىلەسپە اۋدارماشىعا قاجەتتى بازالىق گرامماتيكالىق جانە فرازەولوگيالىق ۇلگىلەرى، سوزدىك قوردى بايىتۋ جۇمىستارى بويىنشا دارىستەر وقىلادى. سونىمەن قاتار، اۋدارماشى ماماندارعا اۋدارما تەورياسى مەن پراكتيكاسى، اۋدارماتانۋدىڭ وزەكتى ماسەلەلەرى شەڭبەرىندە وقۋ-ادىستەمەلىك كومەك كورسەتىلىپ، اۋدارما سالاسىنداعى عالىم ماماندار وزىق تاجىريبەسىمەن بولىسەدى.

شەبەرلىك كلاستارىن بەلگىلى اۋدارماشى، فيلولوگيا عىلىمدارىنىڭ كانديداتى كامال الپەيىسوۆا جانە تاجىريبەلى عالىم اۋدارماشىلار جۇرگىزەدى.

شەبەرلىك ساباقتارىنا ورتالىق جانە جەرگىلىكتى اتقارۋشى ورگاندارى مەن ۇلتتىق كومپانيالاردىڭ اۋدارماشىلارى قاتىسادى.

قاتىسۋشىلارعا بىلىكتىلىك سەرتيفيكاتتارى تابىستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي