BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

عالىمدار قازاقستاننىڭ كيەلى جەرلەرىنىڭ ەلەكتروندى اتلاسىن جاساپ شىعارماق

عالىمدار الداعى 3 جىلدا ەلىمىزدىڭ كيەلى جەرلەرىنىڭ ەلەكتروندى اتلاسىن جاساپ شىعارماق. بۇل تۋرالى نازاربايەۆ ۋنيۆەرسيتەتىنىڭ عىلىمي قىزمەتكەرى ۇلان بيعوجين ايتتى، دەپ حابارلايدى baq.kz ٴتىلشىسى.

«بيىل ٴبىز قر ٴبىلىم جانە عىلىم مينيسترلىگىنىڭ عىلىمي گرانتىن جەڭىپ الدىق. جوبا 3 جىلعا جوسپارلانعان. وسى گرانتتىڭ اياسىندا ٴبىز قازاقستاننىڭ كيەلى جەرلەرىنىڭ ەلەكتروندى اتلاسىن جاسايمىز. ٴبىز جالپى ەلىمىزدىڭ 12 كيەلى جەرىندە بولامىز. وسى جىلى ەكىباستۇز قالاسىنىڭ ماڭايىنداعى اقكول اۋىلىنا بارامىز. كەيىن ٴبىز قاراعاندى وبلىسى، سەمەي، وسكەمەن وڭىرىنە جولعا شىعامىز. ٴتيىستى مالىمەتتەردى جيناپ العان سوڭ، استاناعا ورالامىز. سونداي-اق، جازدا ٴبىز ماڭعىستاۋ وبلىسىنداعى بەكەت-اتا جەر استى مەشىتىنە بارۋدى جوسپارلاپ وتىرمىز. بيىل تەك 3-4 وبلىستا ەكسپەديسيا جۇمىستارىن جۇرگىزەمىز»، - دەدى ول.

وسى ورايدا عىلىمي قىزمەتكەر ەلىمىزدىڭ كيەلى جەرلەرىن زەرتتەيتىن عالىمدارعا توقتالدى.

«ەكسپەديسيا قۇرامىندا بىلىكتى تاريحشىلار بار. مىسالى، نيكولاي سرايىمپيلوۆ. ول قازاق جانە جوڭعار حاندىقتارىنىڭ تاريحىن جاقسى بىلەدى. ال روزاريا گاليپوۆا ەلىمىزدەگى مۇسىلمان جازبالارىن زەرتتەيدى. قاتارىمىزدا زووحرا بەيبەنا ەسىمدى كاسىبي انتروپولوگ تا بار. ەكسپەديسيا قۇرامىنا پاۋلا ديۋپي، ايدىن جەڭىسحان اتتى ارحەولوگتار كىرەدى. ولار مازارلاردا ارحەولوگيالىق قازبا جۇمىستارىن جۇرگىزبەك. ال مەن ەكسپەديسيا اياسىندا اۋليەلەر مەن شىراقشىلاردىڭ ۇرپاقتارىنان سۇحبات الاتىن بولامىن»، - دەدى ول.

وسى ورايدا ۇلان بيعوجين 3 جىلعا جوسپارلانعان ەكسپەديسيا جۇمىستارىنىڭ قالاي جۇرگىزىلەتىنىن ايتىپ بەردى.

«بۇل – ٴبىزدىڭ العاشقى ەكسپەديسيامىز. قازىرگى تاڭدا حالىقتىڭ قولىنداعى قۇندى مالىمەتتەر جوعالىپ بارا جاتىر. سوندىقتان اتالعان عىلىمي ەكسپەديسيانىڭ ماڭىزى زور. مىسالى، ٴبىز سەمەيگە بارساق، ەلەكتروندى قۇرالداردىڭ جانە درونداردىڭ كومەگىمەن وزىمىزگە ٴتيىستى مالىمەتتەر جينايمىز. ٴبىزدىڭ قاتارىمىزدا ارحەولوگتار، ەتنوگرافتار، تاريحشىلار جانە ت.ب. ماماندار بار. ولار ٴبىر مەزەتتە بىرنەشە باعىت بويىنشا جۇمىس ىستەيدى»، - دەدى عىلىمي قىزمەتكەر.

ٴسوز سوڭىندا ول ٴتيىستى مالىمەتتەر جينالىپ بولعان سوڭ، ەلىمىزدىڭ كيەلى جەرلەرىنىڭ ەلەكتروندى اتلاسى جاسالاتىنىن اتاپ ٴوتتى.

«جوبامىز «كيەلى مۇرامىزدىڭ ەلەكتروندى اتلاسى» دەپ اتالادى. اتالعان جوبا 3 جىلعا جوسپارلانعان. ٴبىز الدىمەن وزىمىزگە ٴتيىستى اقپاراتتى جيناپ الامىز. كەيىن ولاردى وڭدەيمىز. ناتيجەسىندە جەكە سايت جاساپ، ٴتيىستى مالىمەتتەردى سوعان ەنگىزەمىز. وسىلايشا، ەلەكتروندى اتلاس جاساپ شىعارماقپىز. ازاماتتار ونى ەنسيكلوپەديا رەتىندە پايدالانا الادى»، - دەپ تۇيىندەدى ٴسوزىن ۇلان بيعوجين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي