BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

«سايران» اۆتوۆوكزالى الماتى تاريحي مۇرالار نىساندارىنىڭ تىزىمىنە ەندى

الماتى يپپودرومى مەن «سايران» اۆتوۆوكزالى الماتى قالاسىنىڭ تاريحي-مادەني مۇرالار نىساندارىنىڭ الدىن الا جاسالعان ەسەبى تىزىمىنە ەنگىزىلدى، دەپ حابارلايدى baq.kz اقپارات اگەنتتىگى.

قازاقستان رەسپۋبليكاسىنىڭ «تاريحي-مادەني مۇرالار وبەكتىلەرىن قورعاۋ جانە پايدالانۋ تۋرالى» زاڭى نەگىزىندە وبەكتىگە تاريحي جانە مادەني ەسكەرتكىش مارتەبەسىن بەرۋ ٴۇشىن ول الدىن الا جاسالعان ەسەپ تىزىمىنە ەنگىزىلەدى.

وبەكتىنىڭ مارتەبەسى تۋرالى ناقتىلى شەشىم قابىلدانعانعا دەيىن وسى زاڭعا سايكەس ول تاريحي-مادەني مۇرالار ەسكەرتكىشتەرىمەن بىردەي قورعالادى.

زاڭعا سايكەس ونى پايدالانۋشى ەسكەرتكىشتى قورعاۋى ٴتيىس. ياعني، عيماراتتىڭ سىرتىن، ٴىشىن قايتا جاساۋعا، كونسترۋكسيالارىن الۋ، قوسالقى قۇرىلىس سالۋعا، ماقساتتى پايدالانىلۋىن جانە اينالاسىن وزگەرتۋگە تىيىم سالىنادى. عيماراتتىڭ ٴىشىن جوندەۋ نەمەسە قايتا جاساۋ ٴۇشىن وكىلەتتى ورگاننىڭ كەلىسىمى قاجەت.

ەسكە سالساق، بۇرىن الماتى اكىمى باۋىرجان بايبەك زاڭناماعا سايكەس «سايران» اۆتوۆوكزالىن جەرگىلىكتى ماڭىزى بار تاريحي ەسكەرتكىشتەر تىزىمىنە ەنگىزۋ تۋرالى ماسەلەنى قاراۋدى تاپسىرعان بولاتىن. كەيىن مەنشىك يەسى ايماقتى دامىتۋدىڭ الدىن الا جاسالعان كونسەپسياسىن ۇسىندى. اۆتوۆوكزالدىڭ كولىك لوگيستيكاسىن تولىق قايتا جاساۋ جانە ونىڭ اينالاسىن فونتاندارمەن، كافەلەرمەن، جاسىل جەلەكتەرمەن جانە بالالار الاڭدارىمەن قوسا تولىق اباتتاندىرۋ جوسپارلانعان.

بۇلاردان وزگە، الماتى قالاسى اكىمدىگىنىڭ قاۋلىسى بويىنشا ٴقىىو «اتاكەنت» اق اراسىنداعى 23 گەكتار جەردى ۋاقىتشا جالعا بەرۋ جونىندەگى كەلىسىم كۇشىن جويدى. كەيىن «اتاكەنتتىڭ» باسقارۋشى كومپانياسى جەكە مەنشىكتەگى 8 گەكتار جەردى دە تەگىن قايتارۋ جونىندە مىندەتتەمە العان ەدى. كورمە كەشەنىنىڭ باسشىلىعى «قالا جاياۋ جۇرگىنشى ٴۇشىن» كونسەپسياسىنا ساي ونىڭ اينالاسىن اباتتاندىرۋ جۇمىستارىن ودان ٴارى جالعاستىراتىن بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي