BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

استانالىقتار العاش رەت لاتىن گرافيكاسىندا جاپپاي ديكتانت جازادى

استانا، baq.kz. ەلوردالىقتار 14 قاراشا كۇنى العاش رەت لاتىن گرافيكاسىندا جاپپاي ديكتانت جازادى.

قازاقستان رەسپۋبليكاسىنىڭ پرەمەر-مينيسترى ب.ٴا. ساعىنتايەۆتىڭ توراعالىعىمەن وتكەن 2018 جىلعى 27 قىركۇيەكتەگى قازاق ٴتىلى ٴالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا وتىرىسى حاتتاماسىنىڭ 2-تارماعىنا سايكەس «قازاق ٴتىلى ەملەسىنىڭ نەگىزگى ەرەجەلەرى جوباسىنىنىڭ» (بۇدان ٴارى – ەملە ەرەجەسى جوباسى) پراكتيكالىق تۇرعىدا مەڭگەرىلۋىن باقىلاۋ ماقساتىندا قر مادەنيەت جانە سپورت مينيسترلىگى تاراپىنان جالپىحالىقتىق ديكتانت وتكىزۋ تۋرالى ۇسىنىس تۇسكەن بولاتىن.

وسىعان وراي استانا قالاسىندا 14 قاراشا كۇنى ساعات 11.00-دە بارلىق جوعارعى جانە ورتا ارناۋلى وقۋ ورىندارىنىڭ، مەكتەپكە دەيىنگى مەكەمەلەردىڭ، مەكتەپتەردىڭ وقۋشىلارىع ستۋدەنتتەرى، ۇستازدارى، سونىمەن قاتار مادەنيەت، سپورت، مەديسينا، كوممۋنالدىق شارۋاشىلىق، ەنەرگەتيكا جانە باسقا دا سالالاردىڭ قىزمەتكەرلەرى جاپپاي ديكتانت جازاتىن بولادى. ديكتانت لاتىن گرافيكاسىندا جازىلادى. شاراعا 15 جاستان جوعارى بارلىق ازامات قاتىسادى. جالپىحالىقتىق ديكتانتقا استانا قالاسىنان 50 000 ادام قاتىستىرۋ جوسپارلانعان. ديكتانت ٴبىر كۇندە، ٴبىر مەزەتتە (ٴبىر ۋاقىتتا) جازىلادى. قازىرگى ۋاقىتتا ديكتانت جازۋ تۋرالى الدىن الا اقپاراتتاندىرۋ جۇمىستارى جۇرگىزىلۋدە جانە ديداكتيكالىق ماتەريالدار (لاتىن گرافيكاسىنا نەگىزدەلگەن قازاق ٴتىلى ٴالىپبيى، ارنايى پاراقتار) تاراتىلۋدا.

بەكىتىلگەن ديكتانت ٴماتىنى (80-90 ٴسوز) اۋديوجازبالار ارقىلى تاراتىلادى جانە «شالقار»، «قازاق» راديولارىنان بەرىلەدى. ۇزاقتىعى 30 مينۋتقا سوزىلادى. ديكتانت جازۋ ارنايى بەلگىلەنگەن ورىنداردا جۇرگىزىلەدى..

ارنايى بەلگىلەنگەن ورىندارعا كەلىپ قاتىسا المايتىن تۇلعالار ٴۇشىن ديكتانتتى نەگىزگى ۇيىمداستىرۋشىلار بەرگەن emle.kz، tilalemi.kz سايتتارىنىڭ باستى بەتىندە ورنالاسقان سىلتەمەمەن كومپيۋتەر نەمەسە ۇيالى تەلەفون (سمارتفون) ارقىلى كىرىپ، بەلگىلەنگەن ۋاقىتتا ديكتانت اۋديوسىن تىڭداي وتىرىپ جازۋعا مۇمكىندىك جاسالىنعان. بۇنداي تۇلعالار ديكتانتتى سكانەرلەۋ نەمەسە فوتوعا ٴتۇسىرۋ ارقىلى tilalemi.kz@gmail.com ەلەكتروندىق پوشتاسىنا جولداۋى قاجەت. سونداي-اق ديكتانت اياقتالعان سوڭ اتالعان سايتتا ديكتانتتىڭ دۇرىس نۇسقاسى مەن ديكتانتتى باعالاۋ ولشەمشارتتارى شىعادى. ٴاربىر پايدالانۋشى جۇمىسىن دۇرىس نۇسقامەن سالىستىرا وتىرىپ، ولشەمشارتتارعا سايكەس ٴوزىن-وزى باعالايدى.

جالپىحالىقتىق ديكتانتتى استانا قالاسىندا ۇيىمداستىرۋشى: استانا قالاسىنىڭ تىلدەردى دامىتۋ جانە ارحيۆ ٴىسى باسقارماسى. بايلانىس ٴنومىرى: 55- 67- 26، 55-67-28 ، 87750940584


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي