BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانادا سينگاپۋر مەكتەبى سالىنادى

فوتو: liter.kz

استانادا «رۋحاني جاڭعىرۋ» باعدارلاماسى شەڭبەرىندە 1500 وقۋشىعا ارنالعان سينگاپۋر مەكتەبى سالىنادى، دەپ حابارلايدى baq.kz اقپارات اگەنتتىگى elorda.info سايتىنا سىلتەمە جاساپ.

«بىزگە ٴتيىستى ينۆەستورلار ٴوتىنىم كەلىپ ٴتۇستى. مەكتەپ 1500 وقۋشىعا ارنالىپ سالىنباق. ول مەكتەپ سينگاپۋر مودەلى بويىنشا سالىنىپ، باستاۋىش، ورتا جانە ٴبىتىرۋشى سىنىپتارعا ارنالعان ٴۇش بولىكتەن تۇرادى. بالالار مەكتەپ اۋماعىنداعى كامپۋستا تۇرادى دەپ جوسپارنالۋدا»، - دەدى «استانا» الەۋمەتتىك-كاسىپكەرلىك كورپوراسياسىنىڭ باسقارما ٴتوراعاسى نۇرلان جاقىپوۆ.

ونىڭ ايتۋىنشا، مەكتەپ تەحنيكانىڭ سوڭعى ۇلگىلەرىمەن جابدىقتالادى. سونداي-اق وقۋشىلاردى شەتەلدىك ۇستازدار وقىتاتىن بولادى. ازىرگە سينگاپۋر مەكتەبى جوباسىنىڭ قۇنى مەن ينۆەستورى تۋرالى اقپارات ايتىلعان جوق.

«اتالعان جوبا ااك ستراتەگياسىنا جاقسى كەلەدى دەپ ويلايمىز: ٴبىر جاعىنان الەۋمەتتىك، ال ەكىنشى جاعىنان ٴبىلىم بەرۋ سالاسىنا ۇزدىك حالىقارالىق تاجىريبەنى تارتۋ بولىپ تابىلادى. قالاداعى ٴبىلىم بەرۋ دەڭگەيىن ارتتىرۋعا مۇمكىندىك بەرەدى. بۇل جوبانى ٴبىز «رۋحاني جاڭعىرۋ» باعدارلاماسى شەڭبەرىندە ىسكە اسىراتىن بولامىز»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي