BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

استانادا «باتىس جاۋھارلارى» كورمەسى اشىلدى

بۇگىن استانادا رۋحاني جاڭعىرۋ باعدارلاماسىنىڭ جانە وسىعان وراي قۇرىلعان «قاسيەتتى قازاقستان» عىلىمي ورتالىعىنىڭ قۇرىلعانىنا ٴبىر جىل تولۋىنا وراي باتىس قازاقستان، اقتوبە، اتىراۋ وبلىستارىنىڭ تاريحي جادىگەرلەرىنەن كورمە ۇيىمداستىرىلدى، دەپ حابارلايدى baq.kz اقپارات اگەنتتىگى.

«ەلباسىنىڭ «بولاشاققا باعدار. رۋحاني جاڭعىرۋ» باعدارلامالىق ماقالاسىنىڭ اياسىندا «قاسيەتتى قازاقستان» عىلىمي ورتالىعىنىڭ ۇيىمداستىرۋىمەن بيىل اتالعان ماقالانىڭ ٴبىر جىلدىعىنا وراي باتىس قازاقستان وڭىرلەرىنەن 140 جادىگەر اكەلدىك. سونى ەكى اپتا بويى استانا قالاسىنىڭ تۇرعىندارى مەن قوناقتارى تاماشالاي الادى. ال باتىس وڭىرىندە قاسيەتتى ورىندار كوپ. سونىڭ جەتەۋى رەسپۋبليكالىق دەڭگەيدەگى «قاسيەتتى قازاقستان» كارتاسىنا كىردى. سول جەتى ورىن جايلى اقپاراتتى دا وسى كورمەدەن الۋعا بولادى. بۇگىنگى كورمەگە «تاقساي ارۋى»، «ەسەت باتىردىڭ ساۋىتى» ت.ب. قاتارلى قۇندى جادىگەرلەردى اكەلدىك» - دەيدى بوكەي ورداسى تاريحي مۋزەي-كەشەنىنىڭ ديرەكتورى عايسا ماحيەۆ.

«قاسيەتتى قازاقستان» عىلىمي ورتالىعىنىڭ ٴبىر جىلدىعى قارساڭىندا ەكى كىتاپ قۇراستىرىلعان بولاتىن. سونىڭ ٴبىرى وسى باتىس وڭىرىنە ارنالعان ەدى. بۇل كىتاپتا بۇگىنگى كورمەگە قويىلعان جادىگەرلەر تابىلعان كيەلى ورىندار تۋرالى تولىق دەرەك بار.

«بۇل كورمەنى ۇيىمداستىرۋىمىزدىڭ بىرنەشە سەبەبى بار. اۋەلى وزدەرىڭىز بىلەتىندەي، ەلباسى ماقالاسى اياسىندا قازاقتىڭ كيەلى ورىندارىن تۇگەندەۋدى قولعا الىپ، وسى مۋزەيدەن (ۇلتتىق مۋزەي – رەد.) «رۋحاني جاڭعىرۋ» زالىن اشتىق. وسىعان دەيىن اتقارعان جۇمىسىمىز بۇكىل قازاقستان بويىنشا قاسيەتتى جەرلەردىڭ ٴتىزىمىن انىقتاۋ بولاتىن. بۇعان ٴبىر جىل ۋاقىتىمىزدى جۇمسادىق. ەندى ٴبىز وسى انىقتاپ العان ورىندارىمىزدى ناسيحاتتاپ، ونى زەرتتەپ، وعان تۋريستەردى، ەلىمىزدىڭ وزگە ازاماتتارىن تارتۋى، قىزىعۋشىلىعىن تۋعىزۋ ماسەلەسىمەن اينالىسامىز. بۇگىنگى كورمە سوعان جاسالعان ٴبىر قادام» - دەيدى «قاسيەتتى قازاقستان» ورتالىعىنىڭ ديرەكتورى بەرىك ٴابدىعالي ۇلى.

كورمەگە اقتوبە، اتىراۋ، باتىس قازاقستان وبلىستارىنىڭ جادىگەرلەرى قويىلعان. 30 مامىرعا دەيىن ورەرمەندەر نازارىندا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي