BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانادا وقۋشىلار اراسىندا اسىق اتۋدان تۋرنير ٴوتتى

فوتو: Нұржас Жақсыбай

2018 جىلعى 17 ساۋىردە قازاقستان رەسپۋبليكاسى ۇلتتىق مۋزەيىندە استانا قالاسىنىڭ مەكتەپ وقۋشىلارى اراسىندا اسىق اتۋدان اشىق تۋرنير ٴوتتى. ٴتۋرنيردىڭ ماقساتى – جاس جەتكىنشەكتەر اراسىندا قازاق حالقىنىڭ ۇلتتىق ويىن تۇرلەرىن ناسيحاتتاۋ، بالالاردى ەپتىلىككە، مەرگەندىككە، ۇقىپتىلىققا، سەرگەكتىككە باۋلۋ، دەپ حابارلايدى baq.kz اقپارات اگەنتتىگى مۋزەيدىڭ ٴباسپاسوز قىزمەتىنە سىلتەمە جاساپ.

بۇل تۋرنير ۇلتتىق مۋزەيدە ەكىنشى رەت ۇيىمداستىرىلىپ وتىر. اسىق اتۋ قازاقتىڭ ەرتەدەن كەلە جاتقان باعالى دۇنيەسى. ٴوزىمىز دە بالا كەزدە اسىق ويناپ، ساقا تاڭداپ وسكەنبىز. ۇلتتىق ويىننىڭ بۇل ٴتۇرى بالالاردى مەرگەندىككە، ەپتىلىككە، سەرگەكتىككە تاربيەلەيدى. بارلىقتارىڭىزعا ساتتىلىك تىلەيمىن»، - دەدى قر ۇلتتىق مۋزەيى ديرەكتورىنىڭ ورىنباسارى م. بالتىشەۆ.

شارا استانا قالاسىنىڭ 20 جىلدىق مەرەيتويىنا ارنالعان. ٴتۋرنيردى «اسىق اتۋ» فەدەراسياسىمەن بىرگە ۇلتتىق مۋزەيدىڭ مۋزەي پەداگوگيكاسى جانە بالالار شىعارماشىلىعى ٴبولىمىنىڭ ەستەتيكالىق تاربيە بەرۋ سەكتورى ۇيىمداستىردى.

«اسىق اتۋ» فەدەراسياسىنىڭ پرەزيدەنتى راحمەتوۆ ەسكەندىر: «اۋىز تولتىرىپ ايتاتىن جاقسى جاڭالىقتاردىڭ ٴبىرى اسىق ويىنى 2017 جىلدىڭ جەلتوقسان ايىندا يۋنەسكو تىزىمىنە ەنگىزىلدى. «قازاق تۋريزم» اق-نىڭ «بۇكىل الەم اسىق ويناسىن» اتتى اكسياسى جاريالانىپ، قازاقستان بويىنشا اسىق ويىنى جۇرگىزىلىپ جاتىر. جان-جاقتان اسىق جينالۋدا. بولاشاقتا حالىقارالىق كورمەلەردە اسىق ويىنىن كورسەتىپ، وزگە جۇرتقا تانىتقىمىز كەلەدى. باسقاعا كورسەتۋ ٴۇشىن، وزىمىزدەن وتە ۇشقىر، مەرگەن، شەبەر ويىنشى شىعۋ كەرەك. سوندىقتان الدىمەن ٴوز بالالارىمىزدى اسىق اتۋعا يكەمدەپ، قىزدارىمىزعا «بەس تاس» ويىنىن اسىقپەن ويناۋدى ۇيرەتىپ جاتىرمىز. اسىقتارىڭىز الشىسىنان ٴتۇسسىن»، - دەپ پىكىر ٴبىلدىردى.

تۋرنيرگە استانا قالاسى بويىنشا 8 مەكتەپ قاتىسقان. ٴار مەكتەپتەن 6 جانە 8-سىنىپ وقۋشىلارى تاڭداپ الىنىپ، 2 توپقا ۇلدار جانە قىزدار توبى ىرىكتەلگەن. سايىستىڭ قورىتىندىسى بويىنشا «بەس تابان» ويىنىنان ٴى ورىندى №38 مەكتەپ-ليسەيىنەن كەلگەن توپ، ٴىى ورىندى №80 مەكتەپ-گيمنازياسىنان كەلگەن توپ، ٴىىى ورىندى №48 مەكتەپ-ليسەيى جەڭىپ الدى. «بەس اسىق» ويىنى بويىنشا قىزدار اراسىنان ٴى ورىندى №24 ورتا مەكتەپ، ٴىى ورىندى

№48 مەكتەپ-ليسەي، ٴىىى ورىندى №80 مەكتەپ-گيمنازياسى يەلەندى. ال «سۇر مەرگەن» نوميناسياسى بويىنشا №73 مەكتەپ-ليسەيدىڭ وقۋشىسى ميراس كەنجەبايەۆ جانە №24 ورتا مەكتەپتىڭ وقۋشىسى ازيزا سماگۋلوۆا، «قول مەرگەن» نوميناسياسى بويىنشا №53 مەكتەپ-ليسەيدىڭ وقۋشىسى راسۋل ايسۇلتان ۇلى جانە №18 ورتا مەكتەپتىڭ وقۋشىسى اياۋلىم بابانوۆا، «كوز مەرگەن» نوميناسياسى بويىنشا №65 مەكتەپ-گيمنازيانىڭ وقۋشىسى رايىمبەك بايمۇراتوۆ جانە التىناي تۇرىسبەك ماقتاۋ قاعازىمەن ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي