BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اقتوتى رايىمقۇلوۆا: كيەلى جەرلەر تىزىمىنە ەنگەن كەيبىر نىسانداردىڭ 3d مودەلى جاسالدى

بۇگىن قر ۇكىمەتىنىڭ ٴباسپاسوز ورتالىعىندا «قازاقستاننىڭ كيەلى جەرلەرىنىڭ گەوگرافياسى» جوباسىن ىسكە اسىرۋ تۋرالى ٴباسپاسوز كونفەرەنسياسى بارىسىندا قر مادەنيەت جانە سپورت ۆيسە-مينيسترى اقتوتى رايىمقۇلوۆا اتالعان ارنايى جوبا اياسىندا مينيسترلىكتىڭ اتقارىپ جاتقان جۇمىستارى تۋرالى ايتىپ بەردى، دەپ حابارلايدى baq.kz اقپارات اگەنتتىگى primeminister.kz-كە سىلتەمە جاساپ.

مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن ىسكە اسىرۋ اياسىندا «قازاقستاننىڭ كيەلى جەرلەرىنىڭ گەوگرافياسى» جوباسىن ٴتيىمدى جۇزەگە اسىرۋ ماقساتىندا رەسپۋبليكالىق جانە وڭىرلىك دەڭگەيدە ارنايى جۇمىس توبى مەن جوبالاۋ كەڭسەسى جانە قر ۇلتتىق مۋزەيى جانىنان «قاسيەتتى قازاقستان» ولكەتانۋدى دامىتۋ ورتالىعى قۇرىلعان بولاتىن. بۇل ورتالىق جانىنان بەلگىلى عالىمدار، تاريحشىلار، ارحەولوگتار، قوعام قايراتكەرلەرى مەن ولكەتانۋشىلاردان قۇرالعان عىلىمي-ساراپتامالىق كەڭەس اشىلدى.

ۆيسە-مينيستر جوبانىڭ ٴبىرىنشى كەزەڭى ٴساتتى اياقتالعانىن اتاپ ٴوتتى. ماسەلەن، وتكەن جىلى كيەلى نىسانداردى ىرىكتەۋ جانە تىزىمگە الۋ بويىنشا ادىستەمەلىك ۇسىنىستار ازىرلەنىپ، وڭىرلەرگە جولداندى، ٴاربىر وڭىردە كيەلى جەرلەردى انىقتاۋ بويىنشا جۇمىس توپتارى قۇرىلدى، قازاقستاننىڭ بارلىق وڭىرىندەگى كيەلى جەرلەرگە ەتنومادەني ەكسپەديسيالار ۇيىمداستىرىلدى.

سونداي-اق، «قازاقستاننىڭ جالپىۇلتتىق قاسيەتتى نىساندارى»، «قازاقستاننىڭ وڭىرلىك قاسيەتتى نىساندارى» كىتاپتارى جانە «قاسيەتتى قازاقستان» ەنسيكلوپەديسياسىنىڭ 1-تومى جارىققا شىقتى. جالپىۇلتتىق ماڭىزى بار كيەلى نىساندار بويىنشا «قازاقستاننىڭ قاسيەتتى جەرلەرىنىڭ گەوگرافياسى» كوپفۋنكسيونالدى ۆيرتۋالدى كارتاسى جاسالدى، وڭىرلىك ماڭىزى بار وبەكتىلەر بويىنشا «قازاقستاننىڭ كيەلى جەرلەرىنىڭ گەوگرافياسى» ينتەراكتيۆتىك كارتاسى جاسالدى.

«ەلىمىزدىڭ كيەلى جەرلەرىنىڭ جالپىحالىقتىق تىزىمىنە ەنگەن كەيبىر نىسانداردىڭ 3d مودەلى جاسالدى. ماسەلەن، ق. ا. ياسساۋي جانە قاراحان كەسەنەلەرىنىڭ مودەلدەرى ازىرلەندى. جالپىۇلتتىق قاسيەتتى نىساندار تۋرالى الەۋمەتتىك جەلىلەرگە ارنالعان قازاق، ورىس جانە اعىلشىن تىلدەرىندەگى ٴموبيلدى فورماتتاعى 40 سەكۋندتىق بەينەروليكتەر مەن ەلىمىزدىڭ كيەلى جەرلەرى تۋرالى 4 عىلىمي-كوپشىلىك دەرەكتى فيلم ٴتۇسىرىلدى. ولار national geographic، bbc سەكىلدى بۇكىلالەمدىك تەلەارنالاردا كورسەتىلىپ جاتىر، ولاردى ٴارى قاراي ىلگەرىلەتۋ جوسپارىمىزدا بار»، — دەدى مادەنيەت جانە سپورت ۆيسە-مينيسترى.

بۇدان وزگە، «قازاقستاننىڭ كيەلى جەرلەرىنىڭ گەوگرافياسى» جوباسى اياسىندا رەسپۋبليكالىق فورۋمداردى دا وتكىزۋ داستۇرگە اينالعان. العاشقى رەسپۋبليكالىق فورۋم 2017 جىلعى مامىر ايىندا قر ۇلتتىق مۋزەيىندە ٴوتتى، وندا ارنايى جوبانى جۇزەگە اسىرۋدىڭ ماقساتتارى انىقتالىپ، كيەلى جەرلەردى ىرىكتەۋ كريتەرييلەرى ازىرلەندى.

«قازاقستاندا كيەلى جەرلەردىڭ كوپ ەكەنى بارشاڭىزعا بەلگىلى. ٴبىز كيەلى جەرلەردىڭ تىزىمىنە ولاردىڭ بارلىعىن قوسپاي، مەملەكەت پەن ۇلتتىڭ تاريحىندا ۇلكەن ٴرول اتقارعان، حالىقتىڭ ساناسىندا قالعان جانە حالىق ٴجيى باراتىن، ەل تۇرعىندارىنىڭ الەۋمەتتىك-ساياسي ومىرىندە ماڭىزدى ورىن الاتىن كيەلى جەرلەردى عانا قوستىق»، — دەدى ۆيسە-مينيستر.

نەگىزىنەن كيەلى جەرلەردى ىرىكتەۋ مىناداي كريتەرييلەر نەگىزىندە جاسالدى:

  • تابيعي-لاندشافتتى نىساندار;
  • ارحەولوگيالىق جانە ساۋلەت ەسكەرتكىشتەرى;
  • عيبادات ورىندارى سانالاتىن ٴدىني نىساندار;
  • تاريحي تۇلعالار جانە ساياسي وقيعالارمەن بايلانىستى كيەلى ورىندار.

«وسىنداي تاريحي-مادەني مۇرامىزدى اۋقىمدى تۇردە جۇيەلەۋدىڭ ناتيجەسىندە جالپىحالىقتىق ماڭىزى بار 185 نىساننان تۇراتىن 100 كەشەننىڭ جانە وڭىرلىك ماڭىزى بار 456 نىساننىڭ تىزىمدەرى 2017 جىلى قالىپتاستىرىلدى. نىسانداردى تىزىمگە الۋ جۇمىستارى ودان ٴارى جالعاساتىن بولادى. جوعارىدا اتالعان كريتەرييلەر بويىنشا نىسانداردىڭ ساندارى تولىقتىرىلىپ جاتىر»، — دەپ اتاپ ٴوتتى ا. رايىمقۇلوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي