BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

اقتوبەدە x ايماقتىق حالىقتىق تەاترلار فەستيۆالى ٴوتتى

فوتو: Автор

«تەاتر – ونەردىڭ ۇلى كوشى» اتتى x ايماقتىق حالىقتىق تەاترلار فەستيۆالىنە 9 حالىقتىق جانە 2 اۋەسقوي تەاتر قاتىستى. ەكى كۇن بويى ارتىستەر اقتوبە جۇرتشىلىعىنا تاحاۋي احتانوۆ پەن قۋاندىق شاڭعىتبايەۆتىڭ شىعارمالارىنان قويىلىم قويدى. باس جۇلدە اقتوبە وبلىسىندا قالدى، دەپ حابارلايدى baq.kz ايماقتاعى ٴتىلشىسى.

ٴساۋىر اقتوبەدە تەاتر ايىنا اينالدى. بالالار تەاترى فەستيۆالىنەن كەيىن وڭىردە حالىقتىق تەاترلار باس قوستى. ٴداستۇرلى «تەاتر – ونەردىڭ ۇلى كوشى» اتتى x ايماقتىق حالىقتىق تەاترلار فەستيۆالىنىڭ العاشقى كۇنىندە رەجيسسەرلار مەن جاس اكتەرلەرگە ارنالعان شەبەرلىك ساعاتتارى ٴوتتى. كەيىن ەكى كۇن بويى ت.احتانوۆ اتىنداعى وبلىستىق دراما تەاترىندا ەلىمىزدىڭ باتىس وڭىرىنەن كەلگەن تەاترلار قويىلىمدار قويدى. بارلىعى 9 حالىقتىق اتاعى بار ەكى اۋەسقوي تەاتر ونەر كورسەتتى. ارتىستەردىڭ ونەرىن ەلگە تانىمال تەاتر رەجيسسەرى دانيار بازارقۇلوۆ باستاعان قازىلار القاسى باعالادى.

«ساراپشى دا، تورەشى دە كورەرمەن بولدى. بىزدەر سونى رەتتەۋشىمىز. ريزا بولعان تەاترعا قول سوعىپ، كوڭىلدەرى تولماعاندارى ورىندارىنان تۇرىپ كەتكەن كەزدەر بولدى. كاسىبي تەاتردىڭ ىرگەتاسى وسى حالىقتىق تەاتردان قالانعان. حالىقتىق تەاترعا دۇرىس كوزقاراس بولعانىن قالايمىن. ەكى كۇندە جىلت ەتكەندەر دە، مۇلدەم وزدەرىن كورسەتە الماعاندار دا بولدى»، - دەدى ت.احتانوۆ اتىنداعى اقتوبە وبلىستىق دراما تەاترىنىڭ ديرەكتورى نۇرحان كادىربايەۆ.

اقتوبە وبلىسىنىڭ اۋداندارىمەن قاتار اتىراۋ، باتىس قازاقستان، ماڭعىستاۋ وڭىرلەرىنىڭ ونەرپازدارى قالا تۇرعىندارىنا ەكى كۇن بويى 11 قويىلىم قويدى. بارلىعى تاحاۋي احتانوۆ پەن قۋاندىق شاڭعىتبايەۆتىڭ شىعارمالارى. فەستيۆالدىڭ شىمىلدىعىن ىرعىزدىڭ اۋداندىق حالىقتىق تەاترى اشتى. رەجيسسەر راتبەك بەرداليننىڭ جەتەكشىلىگىندەگى ۇجىم تاحاۋي احتانوۆتىڭ «ماحاببات مۇڭى» پەساسىن دايىنداپ اكەلگەن. ٴبىر قىزىعى، بۇل قويىلىمدى ماڭعىستاۋ وبلىسىنىڭ «اقجول» جاستار تەاترى مەن حرومتاۋ اۋداندىق حالىقتىق تەاترى دا كورسەتەدى. احتانوۆتىڭ «كۇتپەگەن كەزدەسۋىن» دە باتىس قازاقستان وبلىسىنىڭ «مۇراگەر» حالىقتىق تەاترى، اقتوبەنىڭ قارعالى اۋدانىنىڭ «ۇشقىن» جاستار تەاترى مەن اتىراۋدان كەلگەن قىزىلقوعا اۋدانىنىڭ حالىقتىق تەاترى ساحنالادى.

«2014 جىلى «مۇراگەر» تەاترى قۇرىلدى. 5-6 قويلىمىمىز بار. ٴتۇرلى فەستيۆالدەرگە قاتىسىپ ٴجۇرمىز. جاقىندا عانا حالىقتىق تەاتر اتاعىن الدىق. əرتىستەردىڭ كəسىپتەرى ٴəرتۇرلى. ٴبىرى – مəدەني سالا قىزمەتكەرى، ٴبىرى – ٴمۇعالىم. تەاترعا دەگەن قىزىعۋشىلىق باسىمىزدى بىرىكتىردى»، - دەدى باتىس قازاقستان وبلىسى «مۇراگەر» حالىقتىق تەاترىنىڭ ٴارتىسى وتەپبەرگەن قاراساي.

«تەاتر – ونەردىڭ ۇلى كوشى» اتتى x ايماقتىق حالىقتىق تەاترلار فەستيۆالىندە اقتوبە وبلىسى ويىل اۋداندىق حالىقتىق تەاترى ۇزدىك اتانىپ، «تاحاۋي احتانوۆ» اتىنداعى باس جۇلدەنى جەڭىپ الدى. «ۇزدىك رەجيسسۋرا» نوميناسياسى شالقار اۋدانىنىڭ حالىقتىق تەاترىنا بۇيىرسا، «ۇزدىك اكتەرلىق انسامبل» نوميناسياسىن ايتەكە بي اۋدانىنىڭ «زامانداس» حالىقتىق تەاترى الدى. ودان وزگە، «ۇزدىك ەپيزود»، «ۇزدىك ەكىنشى پلانداعى بەينە»، «اكتەرلىق ىزدەنىسى ٴۇشىن»، «ۇزدىك ەر ادام بەينەسى»، «ۇزدىك ايەل بەينەسى» نوميناسيالارى بويىنشا باتىس قازاقستان، اتىراۋ، ماڭعىستاۋ، اقتوبە وبلىستارىنىڭ ارتىستەرى ماراپاتتالدى. بارلىعىنا سىياقىلار بەرىلدى. ٴقازىر ەلىمىزدە 52 مەملەكەتتىك، 9 رەسپۋبليكالىق جانە 43 ايماقتىق تەاتر بار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي