BAQ.kz - Қазақстан жаңалықтары USD 327.11 BAQ.kz - Қазақстан жаңалықтары EUR 386.74 BAQ.kz - Қазақстан жаңалықтары RUB 5.34
استانا:

اقىن سارانىڭ سۋرەتى مۇراجايعا تاپسىرىلدى

فوتو: Асылан Қажеке

جاقىندا سارا تاستانبەكقىزىنىڭ ٴومىرى جايلى ەل اۋزىنان جازىپ، جيناقتالعان قۇندى قاعازدار مەن سۋرەتتەرىنەن تۇراتىن 12 جادىگەر تالدىقورعانداعى مۇحامەدجان تىنىشبايەۆ اتىنداعى وبلىستىق مۋزەيگە تاپسىرىلدى، دەپ حابارلايدى baq.kz اقپارات اگەنتتىگىنىڭ ايماقتاعى ٴتىلشىسى.

بىلتىر مۇحامەتجان تىنىشبايەۆ اتىنداعى مۋزەيگە سوناۋ ماسكەۋدەن حابارلاسقان گەليا تيموفەەۆا ەسىمدى ورىس ايەلى وتباسىلىق مۇراعاتىندا اقىن ساراعا قاتىستى قۇندى دەرەكتەر بار ەكەنىن، سونى مۋزەيگە وتكىزگىسى كەلەتىنىن ايتقاندا بۇل جاقتاعىلار ابدىراپ قالعان. ورىس ەلىنىڭ استاناسىندا تۇراتىن بەيتانىس ادامنىڭ قولىندا قازاق اقىنىنا قاتىستى جادىگەر قايدان جۇرگەنى تۋرالى سۇراق تۋىندادى. سويتسە، تالدىقورعانداعى مۋزەيگە قوڭىراۋ شالعان گەليا تيموفەەۆانىڭ ٴوزى وسى وڭىرگە بوتەن بولماي شىقتى. 1980 جىلدارى تالدىقورعاننىڭ باس ساۋلەتشىسى بولعان مارگاريتا ۆاششەنكونىڭ تۋعان قىزى ەكەن. كەيىن زەينەتكە شىققان ۆاششەنكو ماسكەۋگە كوشىپ كەتەدى. گەليانىڭ قولىنداعى اقىن ساراعا قاتىستى دەرەكتەر سول اناسىنان مۇراعا قالىپتى.

كەزىندەگى تالدىقورعان وبلىسىنىڭ باس ساۋلەتشىسى بولىپ ۇزاق جىل جۇمىس ىستەگەن مارگاريتا ۆاششەنكونىڭ قولتاڭباسى وڭىردە ٴالى كۇنگە تانىمال. باسقا نىسانداردى بىلاي قويعاندا، وبلىس اۋماعىنداعى كورنەكى جەرلەردە مادەني ەسكەرتكىشتەر ورناتۋعا ەڭبەگى سىڭگەنى انىق. اسىرەسە، سارا تاستانبەكقىزىنا بىرنەشە جەرگە ەسكەرتكىش قويۋعا مۇرىندىق بولعان. تاس تۇعىرداعى اقىن قىزدىڭ ٴمۇسىنىن ٴوزى قاشاپ سالعان. اقسۋ اۋدانىنىڭ ورتالىعى جانسۇگىر اۋىلىنداعى سارا ەسكەرتكىشى مەن كوشكەنتال اۋىلىنداعى اقىننىڭ ٴبيۋستى ٴقازىر حالىققا تانىمال قۇرمەت ورىندارىنا اينالعان. دەمەك، مارگاريتا ۆاششەنكونىڭ وتباسىلىق مۇراعاتىنداعى ساراعا قاتىستى دەرەكتەر مەن بىرنەشە فوتوسۋرەتتەردى ساۋلەتشى سول تۇستا ەل ىشىنەن سۇراتىپ الدىرىپ، كەيىن وزىمەن بىرگە الىپ كەتكەنى انىق. قازاقتىڭ نانى مەن تۇزىنا ادال ساۋلەتشى ٴوزى دۇنيەدەن وتەرىندە جيناقتاعان مۇرانى قازاقستانعا، ونىڭ ىشىندە تالدىقورعانداعى مۋزەيگە تابىستاۋدى امانات ەتىپتى. انا گەليا تيموفەەۆانىڭ الىستان قوڭىراۋ شالىپ جۇرگەنى سول سەبەپتەن ەكەن.

«بيىل سارا تاستانبەكقىزىنىڭ تۋعانىنا 165 جىل تولىپ وتىر. ٴبىز ٴقازىر اقىن اپامىزعا قاتىستى مۋزەي دەرەكتەرىن جاڭعىرتىپ، جيناقتاپ، تولىقتىرۋ ۇستىندەمىز. ٴدال وسى قارساڭدا ماسكەۋدەن جەتكەن قۇندى جادىگەرلەر سارا مۇراسىنا قوسىلعان ولشەۋسىز ۇلەس بولدى. جادىگەرلەردى رەسەي استاناسىنان تالدىقورعانعا جەتكىزۋگە قولۇشىن بەرگەن ىسكەر ازامات، ونەر جاناشىرى، «ناق-بىرلىك» قوعامدىق قورىنىڭ ٴتوراعاسى ورالبەك جاقيانوۆقا زور العىس. «رۋحاني جاڭعىرۋ» باعدارلاماسى اياسىندا ۇلت مۇرالارىنىڭ جاڭعىرىپ، جوعى تۇگەندەلىپ جاتقانىن ماقتانىشپەن ايتامىز»، - دەيدى الماتى وبلىستىق وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى اقان ابدۋاليەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي