BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

80 مىڭنان استام پاۆلودارلىق لاتىن گرافيكاسىندا ديكتانت جازدى

فوتو: облыстық тілдерді дамыту басқармасы

پاۆلودار، baq.kz ٴتىلشىسى. ەرتىس وڭىرىندە وتكەن جالپىحالىقتىق ديكتانتقا 80 مىڭنان استام ازامات قاتىستى. اۋقىمدى شارانى ۇيىمداستىرۋعا بارلىق ورتا جانە ارنايى ٴبىلىم بەرۋ مەكەمەلەرى اتسالىستى.

ماقسات - لاتىن گرافيكاسىنا نەگىزدەلگەن قازاق ٴتىلى ٴالىپبيىنىڭ، «قازاق ٴتىلى ەملەسىنىڭ نەگىزگى ەرەجەلەرى» جوباسىنىڭ تاجىريبەلىك تۇرعىدا مەڭگەرىلۋىن جان-جاقتى قامتۋ، ناقتىلاۋ جانە ٴوزىن-وزى باعالاۋ.

پاۆلودار وبلىستىق تىلدەردى دامىتۋ جونىندەگى تىلدەر باسقارماسىنىڭ ٴبولىم باسشىسى ەرجان توكەنوۆتىڭ ايتۋىنشا، الدىمەن ديكتانت جازۋ تۋرالى اقپاراتتاندىرۋ جۇمىستارى جۇرگىزىلدى. بەكىتىلگەن ديكتانت ماتىنىندە 90 سوزگە دەيىن بار. جاتجازۋ 30 مينۋتقا سوزىلادى. قاتىسۋشىلارعا قولداۋ رەتىندە ديداكتيكالىق ماتەريال تاراتىلدى.

«ديكتانتقا 15 جاستان اسقان ازاماتتار قاتىستى. بىلىمدەرىن ساراپقا سالۋعا كەلگەندەردىڭ قاتارىندا اعا بۋىن وكىلدەرىنىڭ قاتارى قالىڭ. ماسەلەن، وبلىستىق ارداگەرلەر قوعامىنىڭ اقساقالدارى كەلىپ، قولدارىنا قالام الدى. بۇل – قۋانتارلىق جاعداي. جاستار دا قارتتاردان ۇلگى الىپ، بەلسەندىلىك تانىتتى. ماسەلەن، س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە ۇيىمداستىرىلعان شاراعا ستۋدەنتتەر كوپ بولدى»، - دەيدى ەرجان توكەنوۆ.

وبلىستا قازاق ٴتىلىن لاتىن قارپىنە كوشىرۋدى كەزەڭ-كەزەڭمەن جۇرگىزۋدى ناسيحاتتاۋ جۇمىستارىن جانداندىرۋ ماقساتىندا جۇمىستتا قولعا الىنعان.

سالالىق مەكەمەنىڭ حابارلاۋىنشا، وڭىردە «قازاق ٴتىلى ٴالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ٴىس-شارالار جوسپارى» ىسكە اسىرىلۋدا.

«2018-2020 جىلدارى لاتىنعا كوشۋ بويىنشا ۇيىمداستىرۋشىلىق شارالار ىسكە اسىرىلۋدا. جوسپارعا سايكەس قازاق ٴتىلى ٴالىپبيىنىڭ لاتىن گرافيكاسىنا كەزەڭدەپ كوشۋدى ناسيحاتتاۋ، لاتىن ٴالىپبيىن ەنگىزۋ بويىنشا حالىقتى اقپاراتتاندىرۋ دەڭگەيىن ارتتىرۋ باعاتىندا جۇمىستار جۇرگىزىلىپ جاتىر. جۋىردا ماماندار مەن عالىمدار وبلىستىڭ قالا-اۋداندارىندا بولىپ، حالىقپەن كەزدەستى. جيىنعا قاتىسقان ٴۇش مىڭنان استام ازاماتقا لاتىن گرافيكاسىنىڭ ارتىقشىلىقتارى مەن تيىمدىلىگى تۋرالى كەڭىنەن ٴتۇسىندىرىلدى»، - دەيدى مامان.

بۇعان دەيىن ايماقتا «استانا – بەيبىتشىلىك بەسىگى» تاقىرىبىندا ديكتانت ۇيىمداستىرىلعان. اشىق ديكتانتقا 31 مىڭنان استام پاۆلودارلىق قاتىستى. ناتيجەسىندە 8901 ادام «بەستىك» السا، 13 883 قاتىسۋشى ٴتورت دەگەن باعاعا يە بولدى. 8722 ادام ديكتانتتى ورتاشا دەڭگەيدە جازدى.

ال وسى جولعى شارانىڭ قورىتىندىلارى بىرنەشە كۇننەن كەيىن جاريالانباق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي