BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

«100 جاڭا ەسىم» جەڭىمپازى: حالىقتىڭ بەرگەن داۋىسى قىمبات

فوتو: ашық дереккөзден

2016 جىلى استانادا ايەلدەر اراسىندا وتكەن بوكستان الەم چەمپيونى دينا جولامان بىلتىر «100 جاڭا ەسىم» جوباسىنا قاتىسىپ، جەڭىمپاز اتانعان بولاتىن. وسى ورايدا سپورتشى قىز baq.kz ٴتىلشىسى قويعان ساۋالدارعا جاۋاپ بەرىپ، جوبادان كەيىنگى جاڭالىقتارىمەن ٴبولىسىپ، بيىلعى قاتىسۋشىلارعا ساتتىلىك تىلەيتىنىن ايتتى.

«جەڭىمپاز بولعاننان كەيىن كارەرامدا اسا قاتتى وزگەرىستەر بولعان جوق. ٴبارى ٴوز رەتىمەن بولىپ جاتىر. جيىندار، جارىستار، تۋرنيرلەر، رينگتە بوكستاسىپ ٴجۇرمىز. جوبا جەڭىمپازى اتانۋىم مەنىڭ سپورتتىق كارەراما اسەر ەتتى دەپ ايتا المايمىن. مەنىڭ كاسىبي قىزمەتىمدى باقىلاپ جۇرەتىن ادامدار، حالقىم، دوستارىم، جاقىندارىمنىڭ بارىنا وتە قۋانىشتىمىن. وسى جوبادا جەڭىمپاز اتانعانىما مەن دە قاتتى قۋاندىم. مەنىڭ سۋرەتىم بار قالاعا ىلىنگەن پلاكاتتاردى فوتوعا ٴتۇسىرىپ دوستارىم ماعان جىبەرگەن كەزدە بويىمدى ماقتانىش سەزىمى بيلەيدى. بوكستى كىشكەنتاي اۋىلدا باستادىم. كىپ-كىشكەنتاي قىز الەم چەمپيونى بولعىسى كەلدى. وزىنە سەندى. ال «100 جاڭا ەسىمگە» كەلەر بولساق، مەن ٴۇشىن ەڭ باستىسى – حالىقتىڭ ماعان بەرگەن داۋىسى، ول مەن ٴۇشىن قىمبات»، - دەدى بوكسشى قىز.

دينا جولامان مۇنداي جوبالاردىڭ قوعام ٴۇشىن ماڭىزدىلىعىن اتاپ ٴوتتى.

«ٴبىرىنشى كەزەكتە حالىققا، جاستارعا، بالالارعا قاراپايىم وتباسىدان شىققان ٴوز ارمانىنا سەنەتىن، ماقسات قويىپ سوعان جەتكەن قاراپايىم ادامداردى تانىستىرۋ، وسىنداي ارمانشىل ادام بولۋدى ناسيحاتتاپ، حالىققا قازىرگى زاماننىڭ باتىرلارىن كورسەتۋ وسى جوبانىڭ ماقساتى بولىپ وتىر. ٴقازىر اۋىلىمداعى بالالار مەنى كورىپ، پلاكاتتاعى سۋرەتىمدى كورىپ الەم چەمپيونى بولۋدى ارماندايدى، جەتىستىككە جەتكىسكىسى كەلەدى. رۋحى مىقتى ادامدار حالىقتى جىگەرلەندىرە ٴبىلۋ ٴتيىس، ادامداردىڭ سەنىمدى بولۋىنا، وز-وزىنە سەنۋى كەرەك ەكەنىنە كوزدەىن جەتكىزۋى ٴتيىس»، - دەدى سپورتشى.

بيىل «100 جاڭا ەسىم» جوباسىنىڭ ەكىنشى كەزەڭى باستالادى. وسى ورايدا العاشقى كەزەڭنىڭ جەڭىمپازى دينا جولامان قاتىسقالى وتىرعان بارشا ۇمىتكەرلەرگە تىلەگىن ارنادى.

«ولار سونداي ماقساتشىل، سونداي مىقتى ادام بولىپ قالۋلارىن تىلەيمىن. ماقساتىنا جەتكەن سوڭ توقتاپ قالماي الدىنا جاڭاسىن قويىپ، جەتىستىككە جەتىپ، زور كۇش-قۋات تىلەيمىن. جوبا جەڭىمپازدارىنىڭ كوپشىلىگى شەتەلدە وقيدى، سول سەبەپتى ولار وسكەن حالقىن، تۋعان جەرىن ۇمىتپاسا دەيمىن. ەلىمىز ٴۇشىن ٴبارىمىز بىرگە ەڭبەك ەتەيىك دەگىم كەلەدى»، - دەپ ٴسوزىن تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي