BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

پاراليمپيادا چەمپيونى كوليادين: «التىنعا» كوڭىلىم تولماي تۇر ەكسكليۋزيۆ

فوتو: Гүлжан Раманкулова

وڭتۇستىك كورەيادا ٴوتىپ جاتقان ٴحىى قىسقى پاراليمپيادا ويىندارىندا 1،5 كم قاشىقتىقتاعى سپرينتتە التىن مەدال العان قازاقستاندىق سپورتشى الەكساندر كوليادين جەڭىسىنەن كەيىنگى اسەرىمەن ٴبولىستى، دەپ حابارلايدى ۆaq.kz ٴتىلشىسى.

«باس باپكەرىمىز مەدال الامىز دەگەن تاپسىرما قويعان بولاتىن. قالاي بولماسىن، مەدال الۋعا كۇرەستىم. مەدال كەرەك بولدى. ازىرگە قولىمىزدان كەلدى»، - دەدى كوليادين.

چەمپيون ٴوزىنىڭ جابدىعىن ازىرلەيتىن ماماندارعا العىس ٴبىلدىردى.

«سۇيىكتى سەرۆيسمەندەرىمە العىس ايتامىن. شاڭعىمىزدى جاقسىلاپ دايىندادى. سولاردىڭ ەڭبەگى دە اقتالدى»، - دەدى ول.

فوتو: گۇلجان رامانكۋلوۆا

كوليادين بۇگىنگى جەڭىسىنە كوڭىلى تولماي تۇرعانىن ايتتى. ونىڭ ويىنشا، بيىلعى ويىندارعا رەسەيلىك سپورتشىلار قاتىسقاندا، ناعىز تارتىستى جارىس وتەتىن.

«قۋانىشتىمىن، تەك كىشكەنە وزىمە كوڭىلىم تولماي تۇر. سەبەبى، رەسەيلىك ۆلاد، راۋشاندار بولعاندا ناعىز جارىس بولار ەدى. ولار – مىقتى قارسىلاستار. وسىنداي سپورتشىلار قاتىسقاندا، مەن ولاردان وزعاندا، سوندا ٴوزىمدى 100 پايىز چەمپيون دەپ ەسەپتەر ەدىم»، - دەدى پاراليمپيادا چەمپيونى.

فوتو: گۇلجان رامانكۋلوۆا

الەكساندر كوليادين 1973 جىلى 20 اقپاندا دۇنيە كەلگەن. قوستاناي وبلىسىنىڭ سارىكول اۋدانىنىڭ تۋماسى. 1997 جىلى 3-دارەجەدەگى مۇگەدەكتىك العان. اياعىندا پروتەزى بار.

2011 جىلدان باستاپ پاراشاڭعى جارىسىمەن اينالىسادى. ول كەزدە باپكەرى ن. ستەپين بولدى. ال، 2014 جىلدان باستاپ ۆاسيليي كولوميەس جاتتىقتىرىپ كەلەدى.

الەكساندر كوليادين 2014 جىلى سوچيدە وتكەن قىسقى پاراليمپيادا ويىندارىنا، الەم كۋبوگىنىڭ 8 كەزەڭىنە جانە ٴبىر رەت الەم چەمپيوناتىنا قاتىسقان.

بۇعان دەيىنگى ەڭ ۇزدىك جەتىستىگى – گەرمانيادا وتكەن الەم چەمپيوناتىنداعى 6-ورىن.

ول 80 جىلدارى قازسسر جاستار قۇراماسى ٴۇشىن شاڭعى جارىسىنا شىققان.

ديپلوم بويىنشا ماماندىعى – اۆتوكرانشى.

ايتا كەتەيىك، بۇگىن قازاقستاندىق پارااتلەتشى الەكساندر كوليادين پحەنچحانداعى قىسقى پاراليمپيادا ويىندارىندا التىن مەدال الدى. بۇل - ەلىمىزدىڭ قىسقى پاراليمپيادا تاريحىنداعى العاشقى التىن جۇلدە.

ۆaq.kz اقپارات اگەنتتىگى الەكساندر كولياديننىڭ مارە سىزىعىنان ٴبىرىنشى بولىپ ٴوتىپ، جەڭگەن ساتىنەن ەكسكليۋزيۆ ۆيدەو جاريالادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي