BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ۆارشاۆا اۋەجايىندا قازاق كۇيى كۇمبىرلەپ، اسەم اندەرى اۋەلەدى

فوتو: Академияның баспасөз қызметі

استانا، baq.kz. قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ شىعارماشىلىق ۇجىمى ەۋروپانىڭ پولشا، چەحيا جانە ۆەنگريا رەسپۋبليكالارىنا ارنايى ساپارعا شىقتى.

ەلباسى نۇرسۇلتان نازاربايەۆتىڭ « ۇلى دالانىڭ جەتى قىرى» ماقالاسىندا: «ٴبىزدىڭ مادەنيەتىمىزدىڭ نەگىزگى سيۋ­جەت­­تە­رىن­دە، كەيىپكەرلەرى مەن سارىن­دا­رىن­دا شە­كارا بولمايدى، سول سەبەپتى ونى جۇيە­لى زەرتتەپ، بۇكىل ورتالىق ەۋ­­رازيا كەڭىس­تى­گى مەن بارشا الەمدە دا­رىپ­تەۋگە ٴتيىسپىز» دەگەن قاعيداتى قازاقستاندىق قوعام ٴۇشىن بۇگىندە ۇلكەن مانگە يە بولىپ وتىر. وسى ورايدا، پولشادا فريدەريك شوپەن اتىنداعى اۋەجايدا دومبىرا، قوبىز جانە جەتىگەن ٴبىر ۋاقىتتا كۇي وينادى. جولاۋشىلار ەرەكشە اۋەندى ەستىپ، قويىلىمدى كورۋ ٴۇشىن كوپتەپ جينالدى. كورەرمەندەر قازاقتىڭ قاسيەتتى كۇيلەرىنە ەرەكشە ٴتانتى بولىپ، قىزىقتى قويىلىم ٴۇشىن ريزاشىلىعىن ٴبىلدىردى.

اكادەميا ستۋدەنتتەرىنىڭ مىڭ بۇرالعان اسەم بيلەرى كورەرمەندەر قوشەمەتىنە يە بولدى. اۋەجايداعى ەستەن كەتپەس كونسەرتتى جۇرگەنوۆ اتىنداعى ۇلتتىق ونەر اكادەمياسىنىڭ مۋزىكانتتارى قويدى. بۇل ولاردىڭ قازاقستاننىڭ تۇڭعىش پرەزيدەنتى كۇنىنە وراي شەتەلدىكتەرگە جاساعان توسىنسىيى بولدى.

«ماعان مۋزىكا مەن بي وتە قاتتى ۇنادى. ٴسىزدىڭ ەلدىڭ مادەنيەتى مەن مۋزىكاسى ادەمى. قازاقستاندا بولعان ەمەسپىن. ٴبىراق ونداي مۇمكىندىك تۋىپ جاتسا، قۋانا-قۋانا بارامىن»، - دەپ جىلى لەبىزىن ٴبىلدىردى پولشالىق كورەرمەن حاننا.

سونداي-اق، «الاتاۋ» فولكلورلىق ٴانسامبلى ۆارشاۆاداعى قازاقستان ەلشىلىگىنىڭ ۇيىمداستىرۋىمەن بولعان سالتاناتتى جيىندا حالقىمىزدىڭ اندەرى مەن كۇيلەرىمەن قاتار، ەۋروپا ەلدەرىنىڭ كلاسسيكالىق شىعارمالارىن ورىندادى. مەرەكەلىك مادەني كوش ۆارشاۆا ساپارىنان كەيىن 3 جەلتوقسان كۇنى پراگا قالاسىندا جالعاسىپ، ارتىنشا 5 جەلتوقسان كۇنى بۋداپەشتتە مارەسىنە جەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي