BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ۇقشۇ ٴسامميتى: نازاربايەۆ قانداي ماسەلەلەر تالقىلانعانىن ايتتى

فوتو: Бауыржан Жуасбаев

استانا، baq.kz ٴتىلشىسى. قازاقستان پرەزيدەنتى نۇرسۇلتان نازاربايەۆ ۇجىمدىق قاۋىپسىزدىك تۋرالى شارت ۇيىمىنىڭ ۇجىمدىق قاۋىپسىزدىك كەڭەسى وتىرىسىنىڭ قورىتىندىسىن شىعاردى.

ەلباسى وتىرىستا الدىمەن اسكەري ماسەلەلەر تالقىعا سالىنعانىن جەتكىزدى

«ٴبىرىنشى، اسكەري سالاعا توقتالايىن. جوسپارلى تۇردە ٴبىز بىرىككەن ۇقشۇ شتابىن اقپاراتتاندىرۋدى اياقتادىق. ۇقشۇ كريزيستىك ارەكەت ەتۋ ورتالىعىن قۇرۋ اياقتالۋعا جاقىن. ول قاۋىپسىزدىككە ٴقاۋىپ توندىرەتىن جاعدايلاردى شەشۋگە باعىتتالعان»، - دەدى پرەزيدەنت.

وسى ورايدا نازاربايەۆ بيىل قىرعىزستان اۋماعىندا بىرلەسكەن شۇعىل ارەكەت ەتۋ قۇرىلىمدارى (ۇقشۇ) مەن ۇقشۇ بىتىمگەرلىك باتالونىنىڭ قاتىسۋىمەن «جاۋىنگەرلىك باۋىرلاستىق-2018» اسكەري جاتتىعۋى ۇيىمداستىرىلعانىن اتاپ ٴوتتى.

سونىمەن قاتار مەملەكەت باسشىسى ۇقشۇ-عا مۇشە ەلدەر اسكەري قورعانىس سالاسىندا بىرىگىپ جۇمىس ىستەيتىنىن جەتكىزدى.

«ەكىنشىدەن، الماتىدا وتكەن ۇقشۇ-نىڭ اسكەري-تەحنيكالىق ىنتىماقتاستىق تۋرالى مەملەكەتارالىق كوميسسيا وتىرىسىندا قارۋلانۋ مەن اسكەري تەحنيكانى ستاندارتتاۋ بويىنشا ۇيلەستىرۋ كەڭەسى قۇرىلدى. اتالعان كەڭەستىڭ ٴتوراعاسى قىزمەتىنە رەسەيدىڭ ۇكىمەت باسشىسىنىڭ ورىنباسارى يۋريي بوريسوۆ تاعايىندالدى. وسى ورايدا ٴبىز ەلدەرىمىزدەگى قورعانىس كاسىپورىندارىنداعى وندىرىستىك كووپەراسيالار جۇمىستارىن جانداندىرادى دەگەن ۇمىتتەمىن»، - دەدى نۇرسۇلتان نازاربايەۆ.

سونداي-اق ەلباسى جيىندا قازاقستاننىڭ باستاماسىنا قولداۋ بىلدىرگەنى ٴۇشىن ۇقشۇ مۇشەلەرىنە العىس ايتتى.

«ۇشىنشىدەن، بۇۇ باس اسسامبلەياسىنىڭ 73 سەسسياسىندا قازاقستاننىڭ باستاماسى بولىپ سانالاتىن، تەرريروريزمنەن ازات، الەمدەگى بەيبىتشىلىكتى ساقتاۋدى كوزدەيتىن امبەباپ كودەكس قابىلداندى. قازىرگى تاڭدا اتالعان كودەكسكە 70-تەن استام ەل قوسىلدى. باستامامىزعا قولداۋ بىلدىرگەن ۇقشۇ مۇشەلەرىنە العىسىمدى بىلدىرەمىن»، - دەدى ول.

وسى ورايدا پرەزيدەت وتىرىستا كيبەرقاۋىپسىزدىك پەن زاڭسىز ەسىرتكى اينالىمى ماسەلەسىنە باسا ٴمان بەرىلگەنىن جەتكىزدى.

«تورتىنشىدەن، كيبەرقاۋىپكە قارسى بىرىگىپ ارەكەت ەتۋ جۇمىستارى جالعاسادى. بيىل استانادا كومپيۋتەرلىك جانجالدارعا بايلانىستى تۋىنداعان ماسەلەلەردە تيىمدىلىكتى ارتتىرۋ ٴۇشىن ٴوزارا ارەكەتتەستىك رەگلامەنتى قابىلداندى. بەسىنشىدەن، ۇقشۇ زاڭسىز ەسىرتكى اينالىمىن دا نازاردان تىس قالدىرعان جوق. وسى ۋاقىتقا دەيىن «كانال» اتتى ەكى وپەراسيا ۇيىمداستىرىلدى. ونىڭ ىشىندە قازاقستاننىڭ وڭتۇستىگىندە «كانال» جانە «قىزىل بارحان» اتتى حالىقارالىق ەسىرتكىگە قارسى وپەراسيا دا بار»، - دەدى مەملەكەت باسشىسى.

ونىڭ ايتۋىنشا، اتالعان وپەراسيالاردى يران، قىتاي، ەقىۇ، قىلمىستىق كىرىستەردى زاڭداستىرۋعا قارسى ٴىس-قيمىل بويىنشا ەۋرازيالىق توپ، بۇۇ ەسىرتكى بويىنشا باسقارماسى، ينتەرپول، ورتالىقازيالىق جەرگىلىكتى اقپاراتتىق كوورديناسيالىق ورتالىق جانە ت.ب. ۇيىمدار باقىلاعان.

ٴسوز سوڭىندا نازاربايەۆ ۇقشۇ سەسسياسىندا بەكىتىلگەن كۇن تارتىبىندەگى ماسەلەلەر بويىنشا تاراپتار ٴوزارا تۇسىنىستىككە كەلگەنىن اتاپ ٴوتتى.

ۇقشۇ قۇرامىنا قازاقستان، رەسەي، ارمەنيا، بەلارۋس، قىرعىزستان، جانە تاجىكستان كىرەدى.

وسىعان دەيىن استانادا ۇقشۇ ٴسامميتى باستالعانىن، جيىندى ەلباسى نۇرسۇلتان نازاربايەۆ اشقانىن حابارلاعانبىز.

ايتا كەتەيىك، ەرتەڭ، 9-قاراشادا پەتروپاۆلدا قازاقستان مەن رەسەي ايماقارالىق ىنتىماقتاستىعىنىڭ xv فورۋمى وتەدى. ٴىس-شاراعا قازاقستان پرەزيدەنتى نۇرسۇلتان نازاربايەۆ پەن رەسەي پرەزيدەنتى ۆلاديمير پۋتين قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي