BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

شيگەو كاتسۋ نازاربايەۆ زياتكەرلىك مەكتەپتەرىن دامىتۋ جولدارىمەن ٴبولىستى

فوتو: Ақорда

استانا. baq.kz. مەملەكەت باسشىسى «نازاربايەۆ ۋنيۆەرسيتەتى» دەربەس ٴبىلىم بەرۋ مەكەمەسىنىڭ پرەزيدەنتى شيگەو كاتسۋمەن كەزدەستى.

اقوردانىڭ ٴباسپاسوز قىزمەتىنەن حابارلاعانداي، كەزدەسۋگە پرەزيدەنت اكىمشىلىگىنىڭ باسشىسى ٴا.يسەكەشەۆ، دەنساۋلىق ساقتاۋ ٴمينيسترى ە.ٴبىرتانوۆ، «university medical center» كورپوراتيۆتىك قورى باسقارماسىنىڭ ٴتوراعاسى ج.ٴجۇمادىلوۆ قاتىستى.

ەلباسىعا «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋدا ايتىلعان استاناداعى ۇلتتىق عىلىمي ونكولوگيالىق ورتالىق قۇرىلىسىنىڭ تۇجىرىمداماسى ۇسىنىلدى.

دەنساۋلىق ساقتاۋ ٴمينيسترىنىڭ مالىمەتىنە سايكەس، بۇل ورتالىقتىڭ قۇرىلىس جۇمىستارى بيىل باستالادى. جاڭا مەديسينا مەكەمەسىندە قاتەرلى ىسىك اۋرۋلارىنا دياگنوستيكا جاساپ، ەمدەۋ ٴۇشىن وزىق تەحنولوگيا، سونىڭ ىشىندە لازەرلىك، ساۋلەلىك، ٴجاسۋشالى-يممۋندى تەراپيا جانە وزگە دە زاماناۋي ادىستەر قولدانىلاتىن بولادى.

سونىمەن قاتار، مەملەكەت باسشىسىنا جولداۋداعى جەكەلەگەن باعىتتاردى ىسكە اسىرۋعا قاتىستى نازاربايەۆ ۋنيۆەرسيتەتىنىڭ قازىرگى جۇمىستارى جونىندە باياندالدى.

ش.كاتسۋ قازاقستان پرەزيدەنتىنە يننوۆاسيالىق كلاستەردىڭ جۇمىس جوسپارى مەن ۋنيۆەرسيتەتتىڭ عىلىمي-زەرتحانالىق كەشەنىنىڭ ىسكە قوسىلۋى جونىندە مالىمدەپ، نازاربايەۆ زياتكەرلىك مەكتەپتەرىن دامىتۋدىڭ ٴبىرقاتار ماسەلەلەرىن اتاپ ٴوتتى.

كەزدەسۋ قورىتىندىسى بويىنشا نۇرسۇلتان نازاربايەۆ ٴبىرقاتار ناقتى تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي