BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

شەتەلدىك ەلشىلەر مەملەكەت باسشىسىنا سەنىم گراموتالارىن تاپسىردى

فوتو: Бауыржан Жуасбаев

اقوردادا يسپانيا، سلوۆاكيا، قىتاي، يزرايل جانە ەۋروپالىق وداق ەلشىلەرى قازاقستان پرەزيدەنتى نۇرسۇلتان نازاربايەۆقا سەنىم گراموتالارىن تاپسىردى، دەپ حابارلايدى baq.kz ٴتىلشىسى.

الدىمەن ەلباسى شەتەلدىك ەلشىلەردىڭ جۇمىسىنا ساتتىلىك تىلەدى.

«بارشاڭىزدى قازاقستانداعى ديپلوماتيالىق ميسسيالارىڭىزدىڭ رەسمي تۇردە باستالۋىمەن قۇتتىقتايمىن. سىزدەردىڭ قىزمەتتەرىڭىز ەلىمىزدىڭ دامۋىنىڭ ەڭ ماڭىزدى كەزىمەن تۇسپا-تۇس كەلىپ وتىر»، - دەدى پرەزيدەنت.

وسى ورايدا نازاربايەۆ نەگىزگى ستراتەگيالىق باعىت قازاقستاندى الەمنىڭ وزىق دامىعان وتىز ەلىنىڭ قاتارىنا قوسۋ ەكەنىن اتاپ ٴوتتى.

«وسىعان وراي قاجەتتى باعدارلامالاردى قابىلداپ، كەشەندى رەفورمالاردى جۇزەگە اسىرىپ كەلەمىز. بىلتىر قازاقستان ەكونوميكاسىنىڭ ٴوسىمى 4%-كە جەتىپ، الەمدىك ورتاشا كورسەتكىشتەن استى. تاۋەلسىزدىك جىلدارى ەلىمىزدە شەتەلدەن تارتىلعان تىكەلەي ينۆەستيسيانىڭ جالپى كولەمى 300 ملرد دوللارعا جەتتى. دۇنيەجۇزىلىك بانكتىڭ بيزنەس رەيتينگى بويىنشا قازاقستان 190 ەلدىڭ اراسىندا 36 ورىنعا يە بولدى»، - دەدى ول.

ەلباسى بيىل «استانا» حالىقارالىق قارجى ورتالىعى جۇمىس ىستەي باستاعانىن ايتتى.

«بيىل ٴبىز زاماناۋي تەحنولوگيالىق ينفراقۇرىلىمى بار ٴارى ۇزدىك تاجىريبەگە نەگىزدەلگەن جاڭا «استانا» حالىقارالىق قارجى ورتالىعىن اشتىق. «سيفرلىق قازاقستان» مەملەكەتتىك باعدارلاماسىن تابىستى ورىنداۋ ٴۇشىن 2022 جىلعا دەيىن 400 ميلليون دوللارعا جۋىق قاراجات جۇمساۋ جوسپارلانىپ وتىر»، - دەدى نۇرسۇلتان نازاربايەۆ.

سونىمەن قاتار، ول ەلىمىزدىڭ ۇلتتىق بولمىسىن جاڭعىرتۋ ماقساتىندا ٴتيىستى جۇمىستار اتقارىلىپ جاتقانىن العا تارتتى.

«ۇلتتىق بولمىسىمىزدى 21 عاسىرعا ساي جاڭعىرتۋ ماقساتىمەن «رۋحاني جاڭعىرۋ» باعدارلاماسى ىسكە اسىرىلۋدا. جالپى ساياسي-ەكونوميكالىق، رۋحاني جاڭعىرۋ ەلىمىزدىڭ جاھاندىق باسەكەگە قابىلەتتىلىگىن ارتتىرۋعا مۇمكىندىك بەرەدى. وسى باعىتتا ەلدى ىنتالاندىرۋ ٴۇشىن مەن جاقىندا حالىققا ٴوز جولداۋىمدى جاريالادىم. حالىقتىڭ حال-جاعدايىن تۇزەۋدىڭ تاعى ٴبىر بەلەسىنە كوشەتىن بولامىز»، - دەدى پرەزيدەنت.

سالتاناتتى ٴراسىم بارىسىندا ەلباسى الەمدەگى احۋالدىڭ كۇردەلەنە تۇسكەنىن ٴمالىم ەتتى.

«حالىقارالىق قاتىناستار جۇيەسى تۇبەگەيلى وزگەرىستەرگە ۇشىراپ وتىرعانىن بىلەسىزدەر. بۇگىنگى زاماناۋي الەمنىڭ ٴقاۋىپتى ٴارى قۇبىلمالى جاعدايعا تاپ بولعانى وكىنىشتى. جاقىندا نيۋ-يوركتە وتكەن بۇۇ باس اسسامبلەياسىنىڭ كەزەكتى سەسسياسىندا كەيبىر ەلدەر اراسىندا سەنىم داعدارىسىنىڭ ودان ارى ٴورشي تۇسكەنى انىق بايقالدى. ٴوزارا سەنىم ورنىقپاسا داعدارىسقا قارسى كەز-كەلگەن ٴىس-قيمىلدىڭ وڭ ناتيجەسى بولمايتىنىن مەن ٴاردايىم ايتىپ كەلەمىن. قازاقستان وسى پروسەسكە بەي-جاي قاراپ وتىرعان جوق. ٴبىز سىرتقى ساياسي ستراتەگيامىزدا كوپۆەكتورلى باعىتتى، تەڭگەرىمدى ٴارى بەلسەندى ۇستانىمدى باسشىلىققا الىپ وتىرمىز»، - دەدى ول.

سونىمەن قاتار پرەزيدەنت قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە الەمدەگى قاۋىپسىزدىكتى ساقتاۋعا ٴوز ۇلەسىن قوسىپ وتىرعانىن جەتكىزدى.

«وسى ايدىڭ وزىندە بۇۇ اياسىندا ەلوردامىزدا ەكى ٴىرى شارا وتەدى. ٴبىرىنشىسى، شەكارالىق سۋ ارنالارى مەن حالىقارالىق كولدەردى قورعاۋ جانە پايدالانۋ تۋرالى كونۆەنسيانىڭ سەسسياسى. ەكىنشىسى، دۇنيەجۇزىلىك دەنساۋلىق ساقتاۋ ۇيىمى مەن يۋنەسەف-تىڭ العاشقى مەديسينالىق سانيتارلىق كومەك جونىندەگى جاھاندىق كونفەرەنسياسى. ال استانادا وتەتىن الەمدىك جانە ٴداستۇرلى دىندەر كوشباسشىلارىنىڭ 6-شى سەزى سىزدەردىڭ ەلدەرىڭىزدەن دە دەلەگاسيالار قاتىسادى دەپ كۇتەمىز»، - دەدى نازاربايەۆ.

سالتاناتتى ٴراسىم بارىسىندا ەلباسى قازاقستان مەن قىتاي اراسىندا سەنىمدى بايلانىس ورناعانىن ەرەكشە اتاپ ٴوتتى.

«قازاقستان مەن قىتاي حالىق رەسپۋبليكاسى جان-جاقتى ستراتەگيالىق ارىپتەستىكتى دامىتۋعا ەرەكشە كوڭىل ٴبولىپ كەلەدى. ديپلوماتيالىق بايلانىس ورناتىلعان ساتتەن بەرى ٴبىز تاتۋ كورشى جانە ٴوزارا تۇسىنىستىك رۋحىندا دامىپ كەلە جاتقان مەملەكەتارالىق قارىم-قاتىناستاردىڭ ۇلگىلى مودەلىن قۇردىق. قىتاي حالىق رەسپۋبليكاسىنىڭ ٴتوراعاسى سي سزينپين مىرزامەنەن ٴجيى ٴوتىپ تۇراتىن تۇراقتى كەزدەسۋلەرىمىز سونىڭ ايقىن بەلگىسى. بيىلعى ماۋسىمدا قىتايعا جاساعان مەملەكەتتىك ساپارىم جانە سونىڭ بارىسىندا قول جەتكىزىلگەن ۋاعدالاستىقتار ەكى-جاقتى قارىم-قاتىناستاردىڭ دەڭگەيى جوعارى ەكەنىن كورسەتەدى»، - دەدى ول.

ەلباسىنىڭ ايتۋىنشا، قوس ەلدىڭ ۇكىمەتتەرى ٴوزارا كەلىسىمدەردى جۇزەگە اسىرۋ ٴۇشىن بەلسەندى جۇمىس ىستەپ جاتىر ەكەن.

جيىندا مەملەكەت باسشىسى قازاقستان مەن ەۋروپالىق وداق اراسىنداعى قارىم-قاتىناس سىندارلى ديالوگقا، ٴوزارا سەنىم مەن قۇرمەتكە نەگىزدەلگەنىن العا تارتتى.

«بيىل ەۋروپا وداعىمەن ديپلوماتيالىق قاتىناس ورناتقانىمىزعا 25 جىل تولدى. ەندىگى باستى مىندەتىمىز 2015 جىلى قول قويىلعان قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتاماقتاستىق تۋرالى كەلىسىمدى قولدانىسقا ەنگىزۋ. سونداي-اق بريۋسسەلدىڭ ورتالىق ازيا ەلدەرىنە قاتىستى جاڭا ستراتەگياسىن ازىرلەۋگە كۇش جۇمىلدىرۋ. بۇعان قوسا قازاقستان مەن ەۋروپالىق وداق اراسىنداعى ۆيزالىق ٴراسىمدى جەڭىلدەتۋ ماسەلەسى لايىقتى شەشىم تابادى دەپ سەنەمىز»، - دەدى ول.

سونىمەن قاتار نازاربايەۆ يسپانيا ەلىمىزدىڭ باستى ستراتەگيالىق ارىپتەسى ەكەنىن اشىق ايتتى.

«2017 جىلى ماۋسىم ايىندا ۇلى مارتەبەلى يسپانيا كورولى vi فەليپەنىڭ استاناعا العاشقى رەسمي ساپارىمەن كەلگەنى جانە ونىڭ ەكسپو-2017 حالىقارالىق كورمەسىنىڭ اشىلۋىنا قاتىناسقانى ەسىمىزدە.بۇرىننان كەلە جاتقان سەنىمدى ارىپتەستىكتى جالعاستىرعانى ٴۇشىن ريزاشىلىعىمدى كورول مىرزاعا بىلدىرەمىن»، - دەدى پرەزيدەنت.

ٴراسىم بارىسىندا مەملەكەت باسشىسى بۇگىنگى تاڭدا قازاقستان مەن يزرايل اراسىنداعى بايلانىستار دوستىق پەن ٴوزارا تۇسىنىستىك رۋحىندا قارقىندى دامىپ كەلە جاتقانىن جەتكىزدى

«2016 جىلى يزرايل پرەمەر-مينيسترى بينيامين نەتانياحۋ مىرزانىڭ استاناعا رەسمي ساپارى جانە سونىڭ بارىسىندا وتكەن بيزنەس فورۋم ٴوزارا ىقپالداستىعىمىزدىڭ اياسىن كەڭەيتۋگە تىڭ سەرپىن بەردى. ٴبىز يزرايلمەن ٴتۇرلى سالالاردا ىنتىماقتاستىقتى نىعايتۋعا مۇدەلىمىز. اتاپ ايتقاندا، اۋىل شارۋاشىلىعى، يننوۆاسيالىق تەحنولوگيا، دەنساۋدىق ساقتاۋ سالالارى»، - دەدى ەلباسى.

نۇرسۇلتان نازاربايەۆ شيرەك عاسىر ىشىندە قازاقستان مەن سلوۆاكيا اراسىنداعى بايلانىس حالىقارالىق ۇيىمدار اياسىندا نىعايا تۇسكەنىن مالىمدەدى.

«ساۋدا ەكونوميكالىق بايلانىستاردىڭ ارتۋىنا ەكونوميكانىڭ، عىلىمي تەحنيكانىڭ ىنتىماقتاستىعى جونىندەگى ۇكىمەت ارالىق كوميسسيانىڭ بەلسەندى قىزمەتى دە سەپتىگىن تيگىزىپ وتىر. الداعى ۋاقىتتا بىزدە ەكى جاقتى تاۋار اينالىمىن ۇلعايتۋ، ەكنوميكالىق ٴوزارا ارەكەتتەستىكتىڭ جاڭا باعىتىن ايقىنداۋ قاجەت بولادى»، - دەپ تۇيىندەدى ٴسوزىن پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي