BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

سەربيا پرەزيدەنتى: ورتالىق ازيادا استاناداي قالا جوق

فوتو: Бауыржан Жуасбаев

قازاقستانعا رەسمي ساپارمەن كەلگەن سەربيا پرەزيدەنتى الەكساندر ۆۋچيچ استانانىڭ دامۋ قارقىنىنا قايران قالاتىنىن مالىمدەدى، دەپ حابارلايدى baq.kz ٴتىلشىسى.

بۇگىن اقوردادا سەربيا پرەزيدەنتى الەكساندر ۆۋچيچ ەلباسى نۇرسۇلتان نازاربايەۆپەن كەزدەسىپ، قوس ەلدىڭ قارىم-قاتىناس كەلەشەگى مەن قازىرگى جايىن تالقىلادى.

كەزدەسۋدەن كەيىن پرەزيدەنتتەر باق وكىلدەرىنە بىرىككەن مالىمدەمە جاسادى.

«قازاقستان پرەزيدەنتى نۇرسۇلتان نازاربايەۆ ايتقانداي، كەزدەسۋ بارىسىندا وتە ماڭىزدى ماسەلەلەردى تالقىعا سالدىق. ونىڭ ىشىندە قوس ەل اراسىنداعى ساياسي، ساۋدا-ەكونوميكالىق بايلانىستار دا بار»، - دەدى سەربيا پرەزيدەنتى اقوردادا.

وسى ورايدا الەكساندر ۆۋچيچ استاناعا كەلگەن سايىن قايران قالاتىنىن جاسىرمادى.

«استاناعا كەلگەنىمە قۋانىشتىمىن. ول مەنى كەلگەن سايىن تاڭعالدىرادى. مەنىڭ ويىمشا، ورتالىق ازيادا قارقىندى، كوز ىلەسپەس جىلدامدىقپەن دامىپ كەلە جاتقان استاناداي قالا جوق»، - دەپ تۇيىندەدى ٴسوزىن ول.

ەسكە سالا كەتسەك، بۇگىن اقوردادا قازاقستان پرەزيدەنتى نۇرسۇلتان نازاربايەۆ سەربيا پرەزيدەنتى الەكساندر ۆۋچيچپەن كەزدەسىپ، i دارەجەلى دوستىق وردەنىمەن ماراپاتتاعانىن جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي