BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

نازاربايەۆ ماڭعىستاۋدىڭ الەۋمەتتىك-ەكونوميكالىق جاعدايىمەن تانىستى

فوتو: Бауыржан Жуасбаев

ماڭعىستاۋ وبلىسىنا ٴىس ساپارمەن بارعان قازاقستان پرەزيدەنتى ٴوڭىردىڭ الەۋمەتتىك-ەكونوميكالىق دامۋى جونىندە كەڭەس وتكىزدى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

جيىندى اشقان مەملەكەت باسشىسى كاسپيي ماڭى ايماعىنىڭ تاريحي، مادەني، رۋحاني-يدەولوگيالىق، گەوساياسي ماڭىزىن ەرەكشە اتاپ ٴوتتى.

نۇرسۇلتان نازاربايەۆ ەلىمىزدىڭ مۇناي ٴوندىرۋ يندۋسترياسىن، ينفراقۇرىلىم جانە كولىك-لوگيستيكا الەۋەتىن دامىتۋ ىسىندە ماڭعىستاۋ وبلىسىنىڭ ۇلتتىق ەكونوميكاعا ەلەۋلى ۇلەس قوسىپ وتىرعانىن ايتتى.

«بۇل وبلىس «نۇرلى جول» باعدارلاماسىنىڭ ارقاسىندا ٴىرى كولىك-لوگيستيكا ورتالىعىنا اينالىپ وتىر. مۇندا اۋە، اۆتو، تەمىر جول، پاروم جانە تەڭىز كولىكتەرىنىڭ جەلىسى توعىسقان. اتاپ ايتقاندا، حالىقارالىق اۋەجاي، «جەزقازعان–بەينەۋ» جانە «وزەن–تۇرىكمەنستاننىڭ مەملەكەتتىك شەكاراسى» تەمىرجولدارى، «اتىراۋ–اقتاۋ» اۆتوموبيل جولى سالىنىپ، زاماناۋي اقتاۋ تەڭىز پورتى جانە قۇرىق پاروم كەشەنى ىسكە قوسىلدى. بۇل جوبالار ٴوڭىر ەكونوميكاسىنىڭ دامۋىنا تىڭ سەرپىن بەرەتىن بولادى»، – دەدى قازاقستان پرەزيدەنتى.

مەملەكەت باسشىسى بەسىنشى كاسپيي سامميتىنە دايىندىق جۇرگىزۋ جانە ونى وتكىزۋ ماسەلەلەرىنە ايرىقشا توقتالدى.

«ەرتەڭ مۇندا كاسپيي ماڭىنداعى بەس مەملەكەتتىڭ باسشىلارى جينالىپ، تاريحي قۇجات – كاسپييدىڭ قۇقىقتىق مارتەبەسى تۋرالى كونۆەنسياعا قول قويادى. اتالعان قۇجات 20 جىلدان استام ۋاقىت بويى دايىندالدى»، – دەدى ەلباسى.

ماڭعىستاۋ وبلىسىنىڭ اكىمى ەرالى توعجانوۆ ٴوڭىردىڭ الەۋمەتتىك-ەكونوميكالىق دامۋ بارىسى جونىندەگى ەسەبىندە بيىلعى 6 ايدىڭ قورىتىندىسى بويىنشا وبلىس ەكونوميكاسىنىڭ ٴوسۋ قارقىنى تۇراقتى ەكەنىن ايتتى.

«جالپى وڭىرلىك ٴونىم كولەمى 2017 جىلدىڭ وسى كەزەڭىمەن سالىستىرعاندا 99،2 پايىزدان 104،4 پايىزعا ٴوستى. ونەركاسىپتىڭ نەگىزگى يندەكسى 101،2 پايىزدى قۇراپ وتىر. نەگىزگى كاپيتالعا سالىنعان ينۆەستيسيا ۇلەسى 6 پايىزعا ارتىپ، 256 ميلليارد تەڭگەگە جەتتى»، – دەدى وبلىس اكىمى.

ەرالى توعجانوۆ يندۋستريالاندىرۋ كارتاسى جۇزەگە اسىرىلا باستاعالى وبلىستا 42 جوبا ىسكە قوسىلىپ، 392 ميلليارد تەڭگە كولەمىندە تىكەلەي ينۆەستيسيا تارتىلعانىن، سونداي-اق بۇگىندە جالپى قۇنى 418 ميلليارد تەڭگە بولاتىن 89 جوبا ورىندالىپ جاتقانىن مالىمدەدى.

«نۇرلى جول» جانە «نۇرلى جەر» مەملەكەتتىك باعدارلامالارىنىڭ جۇزەگە اسىرىلۋى ٴوڭىر ەكونوميكاسىنىڭ دامۋىنا سەرپىن بەردى. سونىڭ اياسىندا رەسپۋبليكالىق جانە جەرگىلىكتى ماڭىزى بار 600 شاقىرىم جول سالىندى جانە قايتا جوندەلدى. سونداي-اق، 1،8 ميلليون شارشى مەتر تۇرعىن ٴۇي سالىندى»، – دەدى ٴوڭىر باسشىسى.

جاسالعان باياندامادان سوڭ، ەلباسى وبلىستاعى الەۋمەتتىك-ەكونوميكالىق كورسەتكىشتەردىڭ تۇراقتى ەكەنىن اتاپ ٴوتىپ، ودان ٴارى پىسىقتاۋدى قاجەت ەتەتىن ٴبىرقاتار ماسەلەگە توقتالدى.

«ەكونوميكانىڭ تۇراقتى دامۋىنا قول جەتكىزۋ كەرەك. ول ٴۇشىن ەكونوميكانى ديۆەرسيفيكاسيالاپ، قىزمەت كورسەتۋ مەن وڭدەۋ سەكتورىن دامىتۋدى قامتاماسىز ەتۋ قاجەت. مىسالى، مۇندا جالپى كولەمى 2 مىڭ گەكتار بولاتىن «مورپورت اقتاۋ» ارنايى ەكونوميكالىق ايماعى جۇمىس ىستەيدى. مەملەكەت ونىڭ ينفراقۇرىلىمىن دامىتۋعا قاجەتتى قاراجات ٴبولدى. ەندى ونىڭ جۇمىسىن جانداندىرىپ، جاڭا جۇمىس ورىندارىن اشۋ كەرەك»، – قازاقستان پرەزيدەنتى.

نۇرسۇلتان نازاربايەۆ ماڭعىستاۋ وبلىسىنىڭ تۋريستىك الەۋەتىنىڭ زور ەكەنىن ايتىپ، وبلىستىڭ گەوگرافيالىق جانە مادەني ارتىقشىلىقتارىن، سونىڭ ىشىندە ٴوڭىردىڭ تەڭىز جاعاسىندا ورنالاسقانىن، سونداي-اق مۇندا جالپىۇلتتىق جانە حالىقارالىق ٴمانى زور كوپتەگەن تاريحي ەسكەرتكىشتەردىڭ بار ەكەنىن اتاپ ٴوتتى.

جيىن سوڭىندا مەملەكەت باسشىسى اكىمدىككە ۇكىمەتپەن بىرلەسىپ، ٴوڭىردىڭ كولىك-لوگيستيكالىق الەۋەتىن ودان ٴارى پايدالانۋ، شاعىن جانە ورتا بيزنەستى دامىتۋ، جاڭا جۇمىس ورىندارى اشۋ، سونداي-اق وندىرىسكە جاڭعىرتىلاتىن ەنەرگيا كوزدەرىن ەنگىزۋ جونىندە تاپسىرما بەردى.

سونىمەن قاتار، مەملەكەت باسشىسى بيىل پايدالانۋعا بەرىلگەن اقتاۋ قالاسىنداعى دوستىق ٴۇيىنىڭ قىزمەتىمەن تانىستى.

دوستىق ۇيىندە «قوعامدىق كەلىسىم» مەملەكەتتىك مەكەمەسى، وڭىردەگى 20 ەتنومادەني بىرلەستىك، وبلىستىق انالار كەڭەسى، ماڭعىستاۋ وبلىسىنىڭ قازاقستان حالقى اسسامبلەياسى جانىنداعى عىلىمي-ساراپتامالىق توپ، وبلىستىق ارداگەرلەر كەڭەسى ورنالاساتىن بولادى.

ارالاپ كورۋ بارىسىندا قازاقستان پرەزيدەنتىنە وبلىستىڭ ينۆەستيسيالىق جوبالارى تانىستىرىلدى. اتاپ ايتقاندا، ٴجىپ يىرەتىن جانە ماتا وندىرەتىن زاۋىت، جاڭاوزەن قالاسىنداعى گازتۋربينا ەلەكتروستانسياسى، قۇرىق سەلوسىنداعى اۋىزسۋ زاۋىتى، «ماەك كازاتومپروم» ٴجشس-نىڭ اۋماعىنداعى بۋ-گازدى قوندىرعى، ٴتۇپقاراعان اۋدانىنداعى جەل ەلەكتروستانسياسى، اقتاۋ ەكوقالاسى جانە باسقا دا نىساندار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي