BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

پان گي مۋن: اەف جاھاندىق دامۋدىڭ كەلەشەگىن تالقىلاۋعا ارنالعان الاڭعا اينالدى

قازاقستان پرەزيدەنتى بىرىككەن ۇلتتار ۇيىمىنىڭ سەگىزىنشى باس حاتشىسى، بواو ازيا فورۋمى كەڭەسىنىڭ ٴتوراعاسى پان گي مۋنمەن كەزدەستى، دەپ حابارلايدى baq.kz اقپارات اگەنتتىگى اقورداعا سىلتەمە جاساپ.

استانا ەكونوميكالىق فورۋمى اياسىندا وتكەن كەزدەسۋ بارىسىندا نۇرسۇلتان نازاربايەۆ پان گي مۋننىڭ بىرىككەن ۇلتتار ۇيىمىن دامىتۋعا زور ۇلەس قوسقانىن اتاپ ٴوتتى.

– ٴسىز قازاقستاندا بىرنەشە رەت بولدىڭىز. ٴبىز يادرولىق قارۋسىزدانۋ باعدارلاماسى بويىنشا بىرلەسە جۇمىس ىستەدىك. 29 تامىز بۇكىل الەمدە يادرولىق سىناقتارعا قارسى ٴىس-قيمىل كۇنى رەتىندە اتاپ وتىلەدى. سىزبەن جانە كورەيا رەسپۋبليكاسىمەن ارامىزدا وتە جاقسى دوستىق قارىم-قاتىناس قالىپتاستى، – دەدى مەملەكەت باسشىسى.

پان گي مۋن استانا ەكونوميكالىق فورۋمى جاھاندىق سىن-تەگەۋرىندەردى تالقىلاپ، ولاردى ەڭسەرۋ جولدارىن تابۋ ىسىندە ماڭىزدى ٴرول اتقاراتىنىن ايتتى.

– قازاقستانعا جاڭا قىزمەتىمدە العاش رەت كەلىپ وتىرعانىما قۋانىشتىمىن. جاھاندىق كوپتەگەن پروبلەمالار بار، مەن ولاردى شەشۋ ٴۇشىن قولداۋ كورسەتۋگە ٴازىرمىن. استانا ەكونوميكالىق فورۋمى تەك قازىرگى وزەكتى تاقىرىپتاردى عانا ەمەس، سونداي-اق جاھاندىق دامۋدىڭ كەلەشەكتەگى ماسەلەلەرىن دە تالقىلاۋعا ارنالعان الاڭعا اينالىپ وتىر، – دەدى بواو ازيا فورۋمى كەڭەسىنىڭ ٴتوراعاسى.

اڭگىمەلەسۋ بارىسىندا تاراپتار بواو ازيا فورۋمى مەن استانا ەكونوميكالىق فورۋمى اراسىنداعى ىنتىماقتاستىق ماسەلەلەرىن، سونداي-اق «جاسىل» تەحنولوگيالاردى دامىتۋ سالاسىندا، عىلىمي-يننوۆاسيا سەكتورى مەن ٴبىلىم بەرۋ ىسىندە بايلانىستار ورناتۋدىڭ پەرسپەكتيۆالارىن تالقىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي