BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

نۇرسۇلتان نازاربايەۆ: پۋتين – سوزىندە تۇراتىن ادام

«ٴبىرىنشى ارنا» رەسەيلىك تەلەارناسىندا قازاقستان پرەزيدەنتى نۇرسۇلتان نازاربايەۆپەن سۇحبات جارىق كوردى. ول ەۋرازيالىق ەكونوميكالىق وداق اياسىنداعى مەملەكەتتەر سەرىكتەستىگى تۋرالى، سونداي-اق، مەملەكەت باسشىلارى اراسىنداعى سەنىم جونىندە اڭگىمەلەدى، دەپ حابارلايدى baq.kz اقپارات اگەنتتىگى.

«مەملەكەت كوشباسشىلارى اراسىنداعى قارىم-قاتىناس وتە ماڭىزدى. كوشباسشىلار اراسىنداعى سەنىم، ادەتىنشە، مەملەكەتتەر اراسىنداعى سەنىمگە الىپ كەلەدى. ۆلاديمير ۆلاديميروۆيچ پۋتين 2000 جىلى پرەزيدەنت بولدى جانە ٴبىرىنشى كۇننەن باستاپ ەكەۋمىزدىڭ قارىم-قاتىناسىمىز بۇگىنگى دوستىققا الىپ كەلگەن وتە جىلى سيپاتتا بولدى. ونىڭ ادامگەرشىلىك قاسيەتتەرى جايىندا ايتقىم كەلەدى. بۇل جونىندە مەن بارلىعىنان كوپ بىلەمىن دەسەم ارتىق بولماس. ول – سوزىندە تۇراتىن ادام. بىلەسىز بە، نيككولو ماكياۆەللي «گوسۋدار» اتتى كىتابىندا ەل باسشىلارىنا قالاي جۇمىس جاساۋ كەرەكتىگى تۋرالى كەڭەس بەرەتىن تۇسىندا «ەگەر، بۇل مەملەكەت پەن وسى كوشباسشىنىڭ مۇددەسىندە بولسا، وندا ٴدال سول كوشباسشى ٴوز ٴسوزىن كەرى قايتارىپ الۋىنا بولادى» دەگەن تارماق بار. پۋتين مۇنداي ەمەس. ەگەر، ول ايتار بولسا، ابدەن ويلانىپ سويلەيدى، ول سوزىنەن باس تارتپايدى. ٴتىپتى، ٴدال سول ساتتە ول ۋادەنى ورىنداۋ ەش ٴتيىمدى بولماسا دا. مۇنداي اداممەن جۇمىس جاساۋعا بولادى، مۇنداي ادامدى سىيلاۋعا بولادى»، - دەدى نۇرسۇلتان نازاربايەۆ.

ەلباسى ۆلاديمير پۋتين وتە اۋىر كەزەڭدەردە رەسەي پرەزيدەنتى بولعانىن اتاپ ٴوتتى.

«بۇكىل رەسەي بيلىك تىزبەگىن جوعالتىپ، ٴاربىر ايماق ٴوز بەتىنشە جۇمىس جاساعان كەشە عانا باستان وتكەن ۋاقىتتى ەسكە الايىق. ٴبىز، رەسەي كورشىلەرى، وڭىرلەر سالىق تولەۋدى دوعارعانىن، اركىم وزىنە جالاقى بەلگىلەگەنىن، بيلىككە ۇمتىلعاندار پايدا بولعانىن كوردىك. كاۆكازدا سوعىس ٴجۇرىپ جاتتى، حالىقارالىق احۋال دا، ىشكى ەكونوميكا دا قۇردىمعا كەتىپ بارا جاتتى. ال ول بولسا وسىنىڭ بارلىعىن رەتتەدى عوي، قانشالىقتى قيىن بولسا دا، ورنىنا قويدى»، - دەپ اتاپ ٴوتتى نۇرسۇلتان نازاربايەۆ.

«رەسەيدى ەلەمەي، ماڭىزدى جاھاندى ماسەلەلەردى شەشۋگە مۇمكىندىك بەرمەدى. رەسەيدى ٴبىر جاققا ورىن اۋىستىرىپ جىبەرۋ مۇمكىن ەمەس، بۇل الەمدىك ساياساتتىڭ ۇلكەن فاكتورى بولىپ تابىلاتىن يادرو-راكەتالىق الىپ مەملەكەت. ياعني، رەسەيدى بۇل ورنىنان قوزعاۋ قاتەلىك بولدى. پۋتين ٴقازىر رەسەيدى تۇرۋى ٴتيىس ٴوز ورنىنا قويدى. سيريا ۇكىمەتىنىڭ ٴوتىنىشى بويىنشا ٴدال وسى داۋعا قاتىسۋ تۋرالى شەشىم قابىلداعاندى ايتساڭىزشى. ٴىس جۇزىندە، رەسەي سول جاقتا ورىن العان ەكسترەميزم، تەرروريزم تۇرىندە الەمدىك جاۋىزدىقتى باسىپ-جانشۋعا قاتىستى»، - دەپ ٴسوزىن جالعادى پرەزيدەنت.

مەملەكەت باسشىسى «قاۋىپ-قاتەر وتە ۇلكەن بولدى، سوندىقتان، تاۋەكەلگە بارۋعا تۋرا كەلدى» دەگەندى اتاپ ٴوتتى.
«اقىرى سوڭىندا، بۇل قاتىسۋ ٴساتتى اياقتالدى. مىنە، پۋتين دەگەن وسى»، - دەپ قورىتتى نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي