USD 335.71 EUR 357.36 RUB 5.23
استانا:

نۇرسۇلتان نازاربايەۆ مەملەكەتتىك باق باسشىلارىمەن كەزدەستى

ەلباسى نۇرسۇلتان نازاربايەۆ مەملەكەتتىك بۇقارالىق اقپارات قۇرالدارىنىڭ باسشىلارىمەن كەزدەستى، دەپ حابارلايدى اقوردانىڭ ٴباسپاسوز قىزمەتى.

كەزدەسۋگە پرەزيدەنت اكىمشىلىگىنىڭ، اقپارات جانە كوممۋنيكاسيالار مينيسترلىگىنىڭ جانە باسقا دا مەملەكەتتىك ورگانداردىڭ باسشىلارى قاتىستى.

ٴىس-شارا بارىسىندا ەلىمىزدەگى مەملەكەتتىك بۇقارالىق اقپارات قۇرالدارىنىڭ جەتەكشىلەرى مەملەكەت باسشىسىنا وزدەرى باسشىلىق ەتەتىن ۇيىمنىڭ قىزمەتى تۋرالى ەسەپ بەردى.

سونىمەن بىرگە قازاقستان پرەزيدەنتى مەملەكەتتىك باق-تىڭ جەتىستىكتەرىمەن جانە ولاردىڭ الداعى دامۋ جوسپارلارىمەن تانىستى. ەلباسى جاستاردى ادامگەرشىلىككە تاربيەلەۋگە سەپتىگىن تيگىزەتىن ساپالى وتاندىق مەدياكونتەنت ازىرلەۋدىڭ ماڭىزدىلىعىن اتاپ ٴوتتى.

– مەملەكەتتىك باق مەديا سالاسى نارىعىنان ٴوز ورنىن الۋ ٴۇشىن جۇمىس جۇرگىزۋگە ٴتيىس. مەيلىنشە تارتىمدى، سونىڭ ىشىندە الەمدىك مادەنيەت پەن تاريح تۋرالى اقپاراتتىق كونتەنتتىڭ كوبىرەك بولعانى ٴجون، – دەدى نۇرسۇلتان نازاربايەۆ.

وتاندىق باق جەتەكشىلەرى مەملەكەت باسشىسىنا قازاقستاننىڭ اقپارات الەمىندەگى قازىرگى احۋال جانە ونىڭ دامۋ پەرسپەكتيۆالارى تۋرالى باياندادى.

سوڭىندا ەلباسى باسەكەگە قابىلەتتى مەملەكەتتىك بۇقارالىق اقپارات قۇرالدارىن قالىپتاستىرۋ قاجەتتىگىن اتاپ ٴوتىپ، ٴبىرقاتار ناقتى تاپسىرما بەردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي