USD 335.71 EUR 357.36 RUB 5.23
استانا:

نۇرسۇلتان نازاربايەۆ برازيليا پرەزيدەنتىنە كوڭىل ايتتى

قازاقستان پرەزيدەنتى نۇرسۇلتان نازاربايەۆ برازيليا فەدەراتيۆتىك رەسپۋبليكاسىنىڭ پرەزيدەنتى ميشەل تەمەرگە كوڭىل ايتۋ جەدەلحاتىن جولدادى، دەپ حابارلايدى اقوردانىڭ ٴباسپاسوز قىزمەتى.

جەدەلحاتتا كولۋمبيا رەسپۋبليكاسىنىڭ اۋە كەڭىستىگىندە بولعان ۇشاق اپاتى سالدارىنان برازيليا ازاماتتارىنىڭ قازا بولعانى تۋرالى حاباردى نۇرسۇلتان نازاربايەۆتىڭ زور كۇيزەلىسپەن قابىلداعانى ايتىلعان.

«قازا بولعانداردىڭ تۋىستارى مەن جاقىندارىنا، سونداي-اق بارشا برازيليا حالقىنا اۋىر قايعىلارىنا ورتاقتاسىپ، قازاقستان حالقىنىڭ جانە جەكە ٴوزىمنىڭ اتىمنان كوڭىل ايتامىن»، – دەلىنگەن جەدەلحاتتا.

مەملەكەت باسشىسى زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك ٴبىلدىردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي