BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

نۇرسۇلتان نازاربايەۆ «ازيا-ەۋروپا» فورۋمىنىڭ ٴحىى سامميتىنە قاتىستى

فوتو: akorda.kz

استانا، baq.kz. مەملەكەت باسشىسى ٴسامميتتىڭ پلەنارلىق وتىرىسىندا سويلەگەن سوزىندە قاقتىعىستاردىڭ كوبەيۋى، سانكسيا جانە ساۋدا سوعىستارىنىڭ ٴورشۋى جاعدايىندا حالىقارالىق ساياسات شيەلەنىستىڭ شەگىنە جەتىپ وتىرعانىن اتاپ ٴوتتى. بۇل تۋرالى اقوردا حابارلادى.

«ٴبىز بۇگىنگى «ازيا-ەۋروپا» فورۋمىنىڭ ٴسامميتىن وسى پروبلەمالاردى شەشۋ ٴۇشىن پايدالانۋىمىز قاجەت. وكىنىشكە قاراي، قازىرگى كەزدە الەم تابىستى ديالوگ پەن ٴوزارا تۇسىنىستىككە قول جەتكىزە الماي كەلەدى. ٴبارىمىز وتكەن عاسىردىڭ 60-جىلدارىنداعى كاريب داعدارىسىن ەسكە سالاتىن بۇگىنگى ەكونوميكالىق جانە ساياسي تەكەتىرەستەرگە كۋا بولىپ وتىرمىز»، - دەدى قازاقستان پرەزيدەنتى.

نۇرسۇلتان نازاربايەۆ بۇل سامميت اقش، رەسەي، قىتاي سياقتى الەمنىڭ ٴىرى ەلدەرىن، ەۋروپا وداعىن حالىقارالىق شيەلەنىستەردى شەشۋدىڭ جولىن ىزدەۋگە شاقىرۋى قاجەت ەكەنىن ايتتى. بۇل ماسەلە بۇۇ باس اسسامبلەياسىنىڭ ارنايى سەسسياسىندا دا قاراستىرىلۋى مۇمكىن.

«ەگەر سيرياداعى، ۋكرايناداعى جانە وزگە دە ەلدەردەگى پروبلەمالاردى رەتتەمەسەك، احۋال ودان دا كۇردەلەنە تۇسەدى. بالليستيكالىق راكەتالاردىڭ تارالۋ ٴقاۋپى سەيىلمەيىنشە، حالىقارالىق تەرروريزم باستى ماسەلە بولىپ قالا بەرمەك»، - دەدى مەملەكەت باسشىسى.

قازاقستان پرەزيدەنتى الەمدىك ەكونوميكاداعى جاعدايدىڭ كۇردەلەنە تۇسۋىنە بايلانىستى كەيبىر كەدەي مەملەكەتتەردىڭ احۋالى ودان ٴارى قيىندايتىنىن ايتىپ، ادامزات ٴۇشىن ونىڭ ەلەۋلى قاۋىپ-قاتەر سانالاتىنىن اتاپ ٴوتتى.

«ەكىنشى دۇنيەجۇزىلىك سوعىس پەن باسقا دا قاقتىعىستاردان كەيىن مەملەكەتتەر كوشباسشىلارى تىعىز ىنتىماقتاسىپ، تەرروريزممەن كۇرەس جۇرگىزۋ ىسىندە ورتاق شەشىمدەر تابا ٴبىلدى. سوندىقتان، مەن بارلىق ەلدەردى ديالوگقا شاقىرىپ، كەلىسسوزدەر جۇرگىزۋ ٴۇشىن استانا الاڭىن پايدالانۋدى ۇسىنامىن»، - دەدى نۇرسۇلتان نازاربايەۆ.

سوڭىندا مەملەكەت باسشىسى قازاقستاننىڭ ازيا مەن ەۋروپاداعى جاھاندىق سىن-تەگەۋرىندەرگە قارسى تۇرۋعا باعىتتالعان سەرىكتەستىككە بەلسەندى اتسالىسۋعا دايىن ەكەنىن تاعى دا اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي